Nsumuinu 27:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muaba wa Bafue ne wa Kubutuka kabiena biule kashidi; mesu a muntu kaena ûkuta kashidi.

MUKANDA WA MYIDI MUKULU

²⁰ Mudi dijimba dia bafue dimina bantu, ke mudi muntu ujinga amu kujinga kabiyi bijika.

Nsumuinu 27:20 ပူးပေါင်းရင်းမြစ်များ

Yobe 26:6

Muaba wa Bafue udi hatoke tô ku mpala kua Nzambi, ne Abadona kena ne tshibuikilu.

Nsumuinu 15:11

Muaba wa Bafue ne wa Kubutuka bidi buashi ku mesu kua Yehowa, mitshima ya bantu idi mitambe kubululuka kudiye!

Nsumuinu 23:5

Neutshike mesu ebe ku biuma, biobi bimane kujimina, anyi? Bua biuma bidi bidiasa mahuahua, bitua mulelu bu nyunyu bua kuya mulu.

Nsumuinu 27:19

Bu mudi mpala umueneka mu mai, mbu mudi mutshima wa muntu umumuenesha kudi munga muntu.

Muambi 1:8

Malu onso adi mûle tente ne ntatu; muntu kena mumanye mua kuâmba; kumona kakuena kutonda disu; kunyua kakuena kudiatshisha ditshu.

Muambi 4:8

mukuabo udiku udi nkayandi kayi ne muntu, nansha muana wa balume nansha muanʼabo wa balume, kadi nshikidilu wa mudimu wandi kenaku; mesu andi kaena manze kutshina ne bubanji. Hashishe, udi udikonka munda ne, Ndi ngenzela nganyi mudimu? Ndi ndikandika masanka bua tshinyi? Ebu mbualu bua hatuhu ne mudimu wa lutatu.

Muambi 6:7

Midimu yonso idi muntu wenza mbua kusankisha mukana muandi, kadi nzala yandi kayena ishika.

Yeshaya 5:14

Nunku Muaba wa Bafue wakudiundisha kunvua kuau kua nzala, wakubutula mukana muau kamuyi ne nshikidilu, ne badi ne butumbi mu Yelushalema badi bahuekamu, tshisumbu tshiabo tshia bantu bangi, ne tshia badi babishamu diyoyo, ne muntu udi uditumbishamu.

Yirmeya 22:17

Kadi mesu ebe ne mutshima webe bidi anu ku luhetu lûdi muangate ku mashimi, ne ku kumatshisha kua mashi a badi kabayi ne bualu, ne ku kunyenga kua bintu ne ku kukengesha kua bakuabo.

Abakuke 2:5

Bualu bua dikuatshika diandi dia maluvu didi dimuvuisha umena dikamakama, muena dihetu udi kayi musue kushala kuandi; maluvu adi adiundisha lukuka luandi ku bunene bua Muaba wa Bafue, bu lufu ludi kaluyi mua kukuta; kadi yeye udi usangisha ba mu bisamba bionso ne udi ukungisha bantu bonso kudiye.

Agayi 1:9

Nuakutekemena bia kudia bia bungi, ne monai, biakadi anu bibalê; hanuakulua nʼabi kuenu, nakubihehuka! Bualu kai? Edi ndikonka dia Yehowa wa misumba. Mbualu bua nsubu wanyi udi mulale munyanguke, hanudi nunyema, muntu ne muntu, ku nsubu kuandi.

1 Yone 2:16

Bualu bua malu onso a ha buloba, lukuka lua mubidi, ne lukuka lua mesu, ne kudisua kua muoyo, kena mafume kudi Tatu, kadi adi mafume ku buloba.