Nsumuinu 25:2 - Mukanda wa Nzambi Dihungila Dikulukulu ne Dihungila Dihia-dihia 2003

² Butumbi bua Nzambi nkusokoka muanda, kadi butumbi bua bakelenge nkukononona muanda.

MUKANDA WA MYIDI MUKULU

² Tudi tunemeka Mvidi Mukulu bualu udi usokoka tshidiye wenza. Tudi tunemeka bakalenga padibu bumvuija bidibu benza.

Nsumuinu 25:2 ပူးပေါင်းရင်းမြစ်များ

2 Samuele 1:5

Davidi wakebesha nsongalume wakamuambila bualu ebu ne, Udi mumanye ne, Shaula ne muanʼandi mulume Yonatana bakafua munyi?

2 Samuele 14:19

Mukelenge wakamuebesha ne, Tshianza tshia Yoaba tshidi nʼebe mu bualu ebu buonso, anyi? Mukashi wakamukudimuna dî ne, Mukelenge wanyi, bu mudi mutshima webe ne muoyo kakuena muntu udi mua kusesuka ku tshianza tshia balume anyi ku tshianza tshia bakashi ku dî diakunkonka mukelenge wanyi; bualu bua Yoaba muntu webe wakantuma, wakateka mei â onso mukana mua muntu webe mukashi;

Ezela 4:15

bua yeye atangile mu mikanda yakafunda batatuʼandi ne habaleye mukanda wa kulondolola kua malu a musoko eu, neamanye biandi ne musoko eu udi wa batomboki batu benzela hakelenge ne nseke bibi kale tô ne katataka; anu bua bualu ebu bakabutuisha musoko eu.

Ezela 4:19

Nakuela mukenji wanyi, ne bakukeba mu mikanda ya kulondolola kua malu, bakasangana ne, Musoko eu wakatombokela bakelenge musangu wa kale ne ditomboka ne diela dia bifufu biakadimu.

Ezela 5:17

Biamona mukelenge ne mbimpe, bakebe mu nsubu wa tshibutshilu tshia mukelenge udi kuakua ku Babulona ne, Mukelenge Kolesha wakela mukenji bua kuasa nsubu eu wa Nzambi mu Yelushalema, anyi? Hashishe, mukelenge atuambile bu mudi disua diandi mu bualu ebu.

Ezela 6:1

Hashishe mukelenge Dayawesha wakela mukenji, bakakebakeba mu nsubu wa mikanda wakadibo babutshila bintu bia mushinga mukole mu Babulona.

Yobe 29:16

Nakadi bu tatu kudi bakengi, nakakeba kujingulula tshilumbu tshia muntu unakadi tshiyi muanze kumanya.

Yobe 38:4

Wewe wakadi kudi kunyi hanakujadika bishimikidi bia buloba? Amba biebe, biwikala ne lungenyi lua kujingulula bua ebu.

Yobe 40:2

Muntu udi udiula mei andi neasue kubambakasha mei ne Wa Bukole Buonso, anyi? Muntu udi utetangana mei ne Nzambi, itabe makonka andi.

Yobe 42:3

Nganyi udi usokoka meji hadiye kayi ne lungenyi? Nunku nakuamba malu andi tshiyi mujingulule bimpe, malu adi atamba kunkemesha anakadi tshiyi mumanye.

Nsumuinu 25:27

Kambimpe bua kudia buitshi bua bungi; nunku kambimpe bua bantu bakononone butumbi buabo.

Nsumuinu 25:3

Bu mudi bule bua diulu ne ndondo wa buloba, mbu mudibo kabayi mua kukononona mitshima ya bakelenge.

Muambi 1:13

Nakateka mutshima wanyi ne meji anyi mu kukeba ne mu kujingulula kua malu onso adi menjibue muinshi mua diulu; eu mmudimu wa lutatu wakuha Nzambi ba ha buloba bua kubadisha nʼau.

Dielulula 29:28

ne Yehowa wakabumusha mu buloba abu ne difika dia munda ne tshiji tshikole, wakaya nʼabo mu buloba bukuabo; bualu ebu budi nunku lelu.

Dielulula 29:29

Malu atshidi masokoka adi malu a Yehowa, Nzambi wetu: kadi malu adi masokolola adi malu etu ne a bana betu tshiendelele, bua tuetu tuenze mei onso a mikenji ei.