Nsumuinu 24:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Kuikadi ne bantu babi mukau, kujingi bua kubuelakana nʼabo.

MUKANDA WA MYIDI MUKULU

¹ Kuikadi ne muoyi wa kuidikija bantu babi. Kujingi mua kuendakana nansha nabu.

Nsumuinu 24:1 ပူးပေါင်းရင်းမြစ်များ

Misambu 1:1

Disanka didi kudi muntu udi kayi ulonda lungenyi lua bantu babi, udi kayi wimana mu nshila diatshimue ne benji ba malu mabi, udi kayi mushikame mu tshisombelu tshia babuidi.

Misambu 26:9

Kumushi muoyo wanyi musûke ne bantu babi diatshimue, kumushi muoyo wanyi diatshimue ne bantu badi bakeba kumatshisha mashi,

Misambu 37:1

Kunyingabadi bua benji ba malu mabi, kuikadi ne badi benza bienzedi bibi mukau.

Misambu 37:7

Shala holâ ku mpala kua Yehowa, umuindile ne lutulu. Kunyingabadi bualu bua muntu udi ututa dikasa dimpe mu nshila muandi, ne bua muntu udi ujadika malu mabi adiye uhangidisha.

Misambu 73:3

Bualu bua nakadi mukuatshile bantu badi badisue mukau, hanakatangila diakalengele dia bantu babi.

Nsumuinu 13:20

Udi wenda ne bena meji udi ulua muena meji, kadi udi ubuelakana ne bahote neakenge bua bualu ebu.

Nsumuinu 23:17

Mutshima webe kaukuatshidi bantu babi mukau, kadi wikale biau ne ditshina dia Yehowa dinda tô ne ku dilolo.

Nsumuinu 24:19

Kudinyengabashi bua benji ba malu mabi, kuikadi ne bantu babi mukau.

Nsumuinu 3:31

Kuikadi ne muena tshimbambila mukau, kulondi bualu, nansha bumue, budiye wenza.

Nsumuinu 4:14

Kubuedi mu nshila wa bantu babi nansha; kuendi mu nshila wa benji ba bienzedi bibi.

Nsumuinu 4:15

Ehuka ku nshila au, kuhitshimu nansha; umukamu, hita ku mpala.