Nsumuinu 22:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ Difutu dia kudihuekesha ne dia ditshina dietu dia Yehowa didi bubanji, butumbi ne muoyo.

MUKANDA WA MYIDI MUKULU

⁴ Muntu muena bupuekele udi utumikila Maweja-Nangila, neapete bubanji ne lumu; nealale matuku mavule panu.

Nsumuinu 22:4 ပူးပေါင်းရင်းမြစ်များ

Nsumuinu 19:23

Ditshina dia Yehowa didi dilombola muntu ku muoyo; udi nʼadi neashikame talalâ, dikenga kadiena dimukuata.

Nsumuinu 21:20

Mu nsubu wa muena meji mudi biuma bia mushinga mukole ne manyi kabidi, kadi muntu muhote udi ubimina.

Nsumuinu 21:21

Udi ulonda buakane ne luse lujalame udi uheta muoyo, buakane ne butumbi.

Nsumuinu 22:3

Muntu mudimuke udi utangila dikenga diamba kumukuata, udi usokoma; kadi batshimbakanyi badi bahitaku, badi bakengeshibua.

Nsumuinu 22:5

Mingonge ya meba ne mateyi bidi mu nshila wa muena tshitshu; udi ulama muoyo wandi neabiehuke kule kudibi.

Nsumuinu 29:23

Kudisua kua muntu nekumuhuekeshe, kadi udi ne mutshima muhuekele neahete buneme.

Nsumuinu 3:16

Dileha dia matuku a muoyo didi mu tshianza tshiau tshia balume; mu tshianza tshiau tshia bakashi mudi bubanji ne butumbi.

Nsumuinu 31:30

Diakalengele didi didinga, mpala mulengele udi hatuhu, kadi mukashi udi unemeka Yehowa neatumbishibue.

Yeshaya 33:6

Luhandu lukumbane, meji ne lungenyi nebikale bukole bua tshikondo tshiebe; ditshina dia Yehowa didi biuma bia mu tshibutshilu tshia Siona.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Danyele 4:36

Mu diba adi mene meji anyi akahingana kundi; ne bua butumbi bua bukelenge buanyi, buneme buanyi ne butumbi buanyi biakahingana kundi. Bena meji banyi ne miloho yanyi hakalua kundomba lungenyi. Nakajadikibua mu bukelenge buanyi, ne butumbi buanyi buakahita bua diambedi bunene.

Matayi 6:33

Kadi diambedi kebai bukelenge buandi ne buakane buandi, nunku nebanuhe bintu ebi bionso.

1 Timote 4:8

Bualu bua dikolesha dia mubidi didi ne mushinga muimpe kakese; kadi buimpe bua Nzambi budi ne mushinga muimpe mu malu onso, budi ne mulayi wa muoyo wa mpindiu ne wa muoyo ukadi ha kulua.

Yakobe 4:10

Nudihuekeshe ku mesu kua Mukelenge, ne yeye neanubandishe.

Yakobe 4:6

Kadi yeye udi utuha ngasa muhite. Nunku Makanda wa Nzambi udi wamba ne, Nzambi udi uhidia badi badisue, kadi udi uha badi badihuekesha ngasa.