Nsumuinu 19:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bana babo ne muhele bonso badi nʼandi lukuna; mona mudi balunda bandi batamba bana babo kumuka kudiye! Udi ubasengelela ne mei andi, kadi bakumana kuya.

MUKANDA WA MYIDI MUKULU

⁷ Mupele badi bamukina kudi bana babu. Yeye mupete bualu bunene, balunda bende badi bamubenga. Padiye ubasengelela, badi baya.

Nsumuinu 19:7 ပူးပေါင်းရင်းမြစ်များ

Misambu 38:11

Banangi banyi ne balunda banyi badi bashilangana nʼanyi bualu bua disama dindi nʼadi, ne bana betu badi bimana ha bule.

Misambu 38:12

Bantu badi bakeba kumana muoyo wanyi badi banteyela ndende yabo, badi bakeba kungenzela bibi badi bamba mei bualu bua kabutu, ne badi belangana meji a kudinga nʼau dinda tô ne ku dilolo.

Misambu 88:18

Wewe wakumusha muntu udi unnanga ne mulunda wanyi kundi, wakubateka kule, bandi ntamba kumanya bimpe badi ba mu mîdima.

Misambu 88:8

Wakumusha balunda banyi kundi, wakubateka kule; wakunvuisha tshintu tshia bobo kukenuka. Ndi mukomena, tshiena mua kuluhukamu.

Nsumuinu 10:15

Biuma bia mubanji bidi musoko wandi wa ngumbu; buhele bua bantu bahele budi kubutuka kuabo.

Nsumuinu 14:20

Muhele udi mukinyibue kudi muena mutumba nʼandi mene, kadi balunda ba muntu mubanji badi ba bungi.

Nsumuinu 18:23

Muntu muhele udi wakula mei a disengelela, kadi muntu mubanji udi ukudimuna ne mei makole.

Nsumuinu 19:4

Biuma bidi bivudishila muntu balunda ba bungi, kadi mulunda wa muhele udi uhanduluka kudiye.

Nsumuinu 21:13

Udi ujibika mu matshu andi bua kaunvu muadi wa muhele nêle biandi dî bikole, kabena bamunvuila nansha.

Nsumuinu 27:10

Kulekedi mulunda webe ne mulunda wa tatu webe; kubuedi mu nsubu wa muanʼenu dituku dia dikenga diebe. Kuikala ne muena mutumba udi ha buihi kudi kuhita kuikala ne muanʼenu udi kule buimpe.

Yakobe 2:6

Kadi nuenu nuakuhetula muntu muhele. Bantu babanshi kabena banuenzesha ku bukole, bobo bine kabena banukoka ku bilumbuluidi, anyi?