Nsumuinu 16:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Kuikala ne mutshima muhuekele diatshimue ne badihuekeshi kudi kutamba kuabanyangana bintu binyenga mu nvita ne badisu buimpe.

MUKANDA WA MYIDI MUKULU

¹⁹ Bidi bipite buimpe kuikala muntu mupuekele udi usomba pamue ne bapele, pa mutu pa kuabanyangana bintu bivule ne bantu badi baditambisha.

Nsumuinu 16:19 ပူးပေါင်းရင်းမြစ်များ

Misambu 138:6

Yehowa udi muhandishibue mulu, kadi udi umona bantu bahuekele; udi mumanye badi ne dihetu hatshidibo kule.

Misambu 34:18

Yehowa udi ha buihi ne bantu badi ne mitshima idi itamba kunyingalala, udi Usungila badi ne mitshima ya majia.

Ekesode 15:9

Muena lukuna wakamba ne, Nembalonde, nembahete, nentahulule bintu bionso bidi bishala, mutshima wanyi neusanke bualu buabo, nempatule muele wanyi wa nvita, nembashihe ne tshianza tshianyi.

Nsumuinu 1:13

Netusangane biuma bionso bia mushinga mukole, netûshe nsubu yetu tente ne bintu bitudi tunyenga.

Nsumuinu 1:14

Biwaya nʼetu, netusangishe bintu bietu bionso mu tshibutshilu tshimue.

Nsumuinu 25:7

Bua bobo kukuambila ne, Banda biebe kuneku, bidi bitamba bua kukushikika mu muaba mutambe kuhuekela ku mpala kua mukokeshi uwakumona ku mesu buimpe.

Nsumuinu 29:23

Kudisua kua muntu nekumuhuekeshe, kadi udi ne mutshima muhuekele neahete buneme.

Nsumuinu 3:34

Udi ubuidia babuidi, kadi udi ulesha badi bahuekele luse.

Yeshaya 10:6

Ndi mmutuma bua kuluangana ne ba mu tshisamba tshia badi babenga Nzambi, ndi mmuelela mukenji bua bantu banakukuatshila tshiji tshianyi, bua kubahaula ne bua kunyenga bintu biabo, ne bua kubadiata muinshi mua makasa bu mudi bantu badiata bitahikidi bia mu misesu.

Yeshaya 53:12

Nunku nemmutahuluile luseke lua bintu hohamue ne bantu banene, ne yeye neabanyangane bintu binyenga mu nvita hohamue ne bantu bakole; bualu bua wakahumuna mashi a muoyo wandi tô ne ku lufu, wakabadibua munkatshi mua bantu babi, hakatualeye mibi ya ba bungi, ne wakakuila benji ba malu mabi.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 9:3

Wewe wakuvudisha ba mu tshisamba etshi, wakudiundisha disanka diabo. Badi basanka ku mpala kuebe bu mudi bantu basanka hahuolabo bia kudia mu madimi, bu mudi bena nvita basanka habanyanganabo bintu binyenga mu nvita.

Matayi 5:3

Badi bahele mu mitshima yabo badi ne disanka, bua bukelenge bua mu diulu budi buabo.

Balombodi 5:30

wakamba ne, Kabena basangana bintu biakunyengabo kudi bena lukuna, anyi? Kabena babiabanyangana: mushikankunde umue anyi ibidi kudi mulume yonso, bilulu bia mekala mimpe bia kuha Sisela, bilulu bia mekala mimpe bizola, tshilulu tshimpe tshimue anyi bibidi bizola, bia kuela mu nshingu mua mutshimunyi, anyi?