Nsumuinu 16:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Tshiji tshia mukelenge tshidi messager wa lufu, muntu udi ne meji neatshitalashe.

MUKANDA WA MYIDI MUKULU

¹⁴ Padi mukalenga ufika munda, udi mua kufikisha muntu ku lufu. Kadi muntu wa lungenyi udi umutuyisha.

Nsumuinu 16:14 ပူးပေါင်းရင်းမြစ်များ

Genese 40:2

Mukelenge Palô wakadi ne tuhita tuandi tubidi tshiji, kahita ka bena maluvu ne kuhita ka bena bidia.

Estere 7:7

Mukelenge wakajuka ku nvinyo ya bidia bia disanka ne tshiji tshikole, wakaluhuka, wakendakana mu tshibunda tshia mu luhangu luandi; Hamana wakajuka bua kulombeye muoyo wandi kudi Esetê mukelenge mukashi; bualu bua yeye wakajingulula ne, Mukelenge neakebe kungenzela bibi.

Nsumuinu 15:18

Muntu udi ukuata tshiji lukasa udi usonsola nvita, kadi udi ukuata tshiji bitekete udi ukolesha matandu.

Nsumuinu 16:13

Mishiku idi yamba mei makane idi isankisha bakelenge, badi bananga muntu udi wamba dî diakane.

Nsumuinu 16:15

Mpala wa musangelu wa mukelenge udi uvuisha muoyo, diakalengele didi muntu uheta kudiye didi bu matutu adi avuisha nvula mishishe.

Nsumuinu 17:11

Muntu mubi udi ukeba kutomboka, nunku nebamutumine messager wa lukisu bua kumukuata.

Nsumuinu 19:12

Tshiji tshia mukelenge tshidi bu muadi wa nyama wa ntambue, kadi diakalengele diandi didi bu mume ha mashinde.

Nsumuinu 20:2

Buowa budi mukelenge utshinyisha nʼabu bantu budi bu muadi wa nyama wa ntambue; udi umufuisha tshiji udi udienzela muoyo wandi bibi.

Nsumuinu 29:26

Ba bungi badi bakeba diakalengele kudi mukokeshi, kadi dikosa dia nsambu dia muntu didi difuma kudi Yehowa.

Nsumuinu 29:8

Babuidi badi batemesha kahia mu musoko, kadi bena meji badi bandamuna tshiji.

Muambi 10:4

Biakutekela mukokeshi tshiji, kumuki ku muaba webe nansha, bualu bua kalolo kadi katekesha bihendu bia bungi.

Danyele 2:16

Danyele wakabuela muakadi mukelenge, wakasengelela mukelenge bua yeye amuleheshile tshikondo bua amanye mua kulesha dijingulula dia tshilota.

Marke 6:27

Mukelenge wakatuma disalayi diakadi sentedi, wakadiambila ne, Ulue ne mutu wandi; diakaya biadi, diakamukosa mutu mu nsubu wa lukanu,

Bienzedi 12:20

Bena Tulo ne Bena Sidona bakafikisha Helode munda bikole; hakakuatabo bulunda ne Bulasto, mulami wa bintu bia mukelenge, bakalua kudi Helode ne mutshima umue bua kulengesha nʼandi, bualu bua luseke lua mukelenge luakadi ludisha luseke luabo.

2 Korente 5:20

Nunku tudi miloho bua bualu bua Kilisto, bu mudi Nzambi munusengelele ne dî dietu, nunku tuetu tudi tunusengelela bua bualu bua Kilisto ne, Nulengeshibue ne Nzambi.