Nsumuinu 15:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Buhote budi disanka kudi muntu udi kayi ne meji, kadi mujingulule wa mianda udi utangisha mpala wandi mu nshila mululame.

MUKANDA WA MYIDI MUKULU

²¹ Malu a bupote adi asankisha muntu udi kayi ne meji; kadi muntu udi wela meji, udi uya buludi mu njila wa buakane.

Nsumuinu 15:21 ပူးပေါင်းရင်းမြစ်များ

Yobe 28:28

Hashishe, wakambila bantu ne, Monai, ditshina dia Mukelenge didi meji; ne kumuka ku malu mabi kudi kujingulula kua malu.

Misambu 111:10

Ditshina dia Yehowa didi tshibangidilu tshia meji; badi batumikila mikenji yandi badi ne dijingulula dia malu. Butumbi buandi budiku tshiendelele.

Nsumuinu 10:23

Budi bu kunaya kudi muntu muhote bienzeye bibi, kadi meji adi disanka kudi mujinguludi wa mianda.

Nsumuinu 11:12

Udi ulengulula muena mutumba nʼandi kena ne meji, kadi udi ujingulula mianda udi uhuwa biandi.

Nsumuinu 14:16

Muena meji udi udimuka, udi wehuka ku bubi, kadi muhote udi ne dikamakama, udi udieyemena.

Nsumuinu 14:8

Meji a muena budimu adi a kujingulula nshila wandi, kadi buhote bua bahote budi bubahambuisha.

Nsumuinu 14:9

Bahote badi baseka bua malu mabi, kadi munkatshi mua bantu bakane mudi dinangangana.

Nsumuinu 15:22

Bikalaku kakuyi bulombodi bua meji, malu adi bantu bahangidisha adi ahumbishibua, kadi bikalaku tshisumbu tshia balombodi, malu â adi alubuluka.

Nsumuinu 4:25

Mesu ebe atangile ku mpala kuebe, kâkenzakanyi, bilafinyi biebe bishale bitabala bitangila ku mpala.

Nsumuinu 4:26

Ubatamishile makasa ebe nshila, ne nshila yebe yonso ikale miludika bimpe.

Efeze 5:15

Nunku nudimuke bienu bu munudi nuenda; kanuendi bu badi kabai ne meshi, kadi nuende bu bena meshi;

Yakobe 3:13

Muntu kai udi ne meshi ne lungenyi munkatshi muenu? Ku muoyo wandi muimpe aleshe bantu bienzedi biandi mu kalolo kadi ne meshi.