Nsumuinu 15:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muana mulume wa meji udi usankisha tatuʼandi, kadi muntu muhote udi uhetula mamuʼandi.

MUKANDA WA MYIDI MUKULU

²⁰ Muana wa balume wa meji udi usankisha baledi bende. Muntu mutshimbakane udi upepeja bana babu.

Nsumuinu 15:20 ပူးပေါင်းရင်းမြစ်များ

1 Bakalenga 1:48

Mukelenge wakamba kabidi ne, Nunku disanka dinene dikale kudi Yehowa, Nzambi wa Isalele, wakumpa umue bua kushikameye mu nkuasa wanyi wa bukelenge lelu, mesu anyi atangile bualu ebu.

1 Bakalenga 2:9

Kadi kumubadi bu muntu udi kayi ne bualu, bualu bua wewe udi muena lungenyi; neumanye bualu bûdi nʼabu mbua kumuenzela: wewe neutume mutu wandi udi ne nsuki mitoke tô mu Muaba wa Bafue ne mashi.

1 Bakalenga 5:7

Hakunvua Hilama mei a Solomo yeye wakatamba kusanka, wakamba ne, Yehowa wakaha Davidi muana wa lungenyi makane bua kukokesheye bantu bandi banene, atumbishibue lelu.

Ekesode 20:12

Unemeke tatuʼebe ne mamuʼebe, bua matuku ebe ikale a bungi mu buloba budi Yehowa, Nzambi webe, ukuha.

Nsumuinu 10:1

Nsumuinu ya Solomo. Muana mulume udi ne meji udi usankisha tatuʼandi, kadi muana muhote udi unyingalasha mutshima wa mamuʼandi.

Nsumuinu 13:1

Muana mulume udi ne meji udi unvua diyisha dia tatuʼandi, kadi mubuidi kena uteleja mibelu.

Nsumuinu 15:19

Nshila wa mufuba udi ne luhangu lua mingonge ya meba, kadi nshila wa bantu bakane udi bu tshibebe tshibatamisha.

Nsumuinu 23:22

Unvua mei a tatu webe waka kulela; kuhetudi mamu webe halueye muntu mununu.

Nsumuinu 23:24

Tatu wa muntu muakane neatambe kusanka; udi ulela muana wa meji neasanke bualu buandi.

Nsumuinu 29:3

Muntu udi unanga meji udi usankisha tatuʼandi, kadi udi ubuelakana ne bakashi ba masandi udi utangalasha bintu biandi.

Nsumuinu 30:17

Disu dia muntu udi useka tatu, ne udi uhetula ditumikila dia mamu,— nyunyu ya bikololo bia mu tshibanda nebiditue minu, nebiditule, ne bana ba nyunyu itu yadia bintu bibole nebadidie.

Lewitiki 19:3

Muntu yonso atshine tatuʼandi ne mamuʼandi, nuvuluke matuku a lumingu ndi Yehowa, Nzambi wenu.

Filipe 2:22

Kadi nudi bamanye bujalami buandi ne, bu mudi muana ne tatu wandi, nunku yeye wakakuata nʼanyi mudimu wa mu lumu luimpe.