Nsumuinu 14:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Muhele udi mukinyibue kudi muena mutumba nʼandi mene, kadi balunda ba muntu mubanji badi ba bungi.

MUKANDA WA MYIDI MUKULU

²⁰ Muntu mupele badi bamubenga ne kudi muena mutumba nende. Kadi muena biuma udi ne balunda ba bungi.

Nsumuinu 14:20 ပူးပေါင်းရင်းမြစ်များ

Estere 3:2

Bena mudimu ba mukelenge bonso bakadi ku tshibi tshia mukelenge bakatua binu hanshi, bakakukuila Hamana; bualu bua mukelenge wakela mukenji nunku bua bualu buandi. Kadi Môdekai kakatua binu hanshi, kakamukuila.

Yobe 30:10

Badi bandengulula ne dihetu, badi bimana bashilangana nʼanyi kule, kabena badikanda bua kuntuila lute mu mesu.

Yobe 42:11

Hashishe, bana babo ba balume bonso ne bana babo ba bakashi bonso ne bonso bakadi balunda bandi diambedi bakalua kumumona, bakadia nʼandi bia kudia mu nsubu muandi. Bakamulesha luse luabo, bakamusamba bua makenga onso akadi Yehowa mumutumine. Muntu yonso wakamuha tshituha tshimue tshia tshiamu tshia or ne kakanu ka or ka ku munu.

Nsumuinu 10:15

Biuma bia mubanji bidi musoko wandi wa ngumbu; buhele bua bantu bahele budi kubutuka kuabo.

Nsumuinu 19:4

Biuma bidi bivudishila muntu balunda ba bungi, kadi mulunda wa muhele udi uhanduluka kudiye.