Nsumuinu 13:6 - Mukanda wa Nzambi Dihungila Dikulukulu ne Dihungila Dihia-dihia 2003

⁶ Buakane budi bulama muntu udi ne mutshima mutoke, kadi bubi budi bubutula muenji wa malu mabi.

MUKANDA WA MYIDI MUKULU

⁶ Muntu wa malu makane, buakane buende budi bumulama. Kadi bantu badi benza bibi, bubi buabu budi bubafila ku kabutu.

Nsumuinu 13:6 ပူးပေါင်းရင်းမြစ်များ

1 Bakalenga 1:52

Solomo wakamba ne, Bienzeye malu a kalolo, lusuki lumue lua ku mutu kuandi kaluena luhona hanshi; kadi bikaleye ne malu mabi munda muandi, neafue.

1 Bakalenga 13:34

Bualu ebu buakalua bubi kudi ba mu nsubu wa Yalobama, bua kubahidiabo ne bua kubajimishabo ha buloba.

2 Kulondolola 28:23

Bualu bua yeye wakashihela nzambi ya mu Damaseke yakamubutula milambu; yeye wakamba ne, Bualu bua nzambi ya Bena Sulia yakabatatshisha, nunku nenyishihele milambu bua yoyo kukuatshisha meme. Kadi yoyo yakamulenduisha ne Bena Isalele bonso.

Misambu 119:1

Disanka didi kudi badi bajalame tshishiki mu bienzedi biabo, badi balonda mikenji ya Yehowa!

Misambu 140:11

Muena mukoso kajadikibu mu buloba; dikenga dibi dikebe muena tshimbambila bua kumubutula.

Misambu 15:2

Nyeye udi wenda mu buakane, udi wenza malu makane, udi wamba mei malelela mu mutshima wandi.

Misambu 25:21

Lulamatu luanyi kûdi ne buakane buanyi bindame; bualu bua ndi nkuindila.

Misambu 26:1

Yehowa, unkosele tshilumbu tshianyi ne kulumbulula kuakane, bualu bua nakuenda mu buakane buanyi, nakueyemena Yehowa tshiyi ndembakana.

Nsumuinu 10:29

Nshila wa Yehowa udi musoko wa ngumbu kudi muntu muakane, kadi udi kubutuka kudi benji ba malu mabi.

Nsumuinu 11:20

Badi ne mitshima ya tshitshu badi batondesha Yehowa, kadi badi bakane tshishiki mu bienzedi biabo badi bamusankisha.

Nsumuinu 11:3

Butoke bua mutshima bua bantu bakane nebubalombole; kadi kuhambuka kua bedi ba tshitungu nekubabutule.

Nsumuinu 21:12

Muntu muakane udi umona ba mu nsubu wa muntu mubi bu mudibo; bantu babi badi bedibua hanshi tô ne habutukabo.

Nsumuinu 5:22

Malu a tshishiku a muntu mubi adi umukuata mu buteyi, udi musuikibue ne mionshi ya bubi buandi.