Nsumuinu 12:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Muntu mudimuke udi usokoka lungenyi luandi, kadi meji a bahote adi asokolola buhote buabo.

MUKANDA WA MYIDI MUKULU

²³ Muntu muena lungenyi kena uditambisha bua bidiye mumanye. Kadi batatakane badi baleja butatakane buabu patoke.

Nsumuinu 12:23 ပူးပေါင်းရင်းမြစ်များ

Nehemya 2:12

Nakabika butuku, meme ne bantu bakuabo bakese bakadi nʼanyi; tshiakambila muntu mukuabo malu akateka Nzambi wanyi mu mutshima wanyi bua kuenza ku Yelushalema; kakuakadi nyama mukuabo nʼanyi anu nyama unakadi mubande ha nyima handi.

Nehemya 2:16

Bantu bakadi ku mutu kua musoko kabakamanya kunakaya anyi malu anakenza; tshiakanza kuambila Bena Yuda anyi bakuidi anyi bantu banene anyi bakadi ku mutu kua musoko anyi benji ba mudimu.

Nsumuinu 10:14

Bena meji badi baditekela lungenyi, kadi tshiakulakula tshia muhote tshidi tshivuisha kubutuka ha buihi.

Nsumuinu 10:19

Havulangana mei, kushiha kua mikenji kudiku, kadi udi ukanda mishiku yandi udi ne meji.

Nsumuinu 11:13

Udi wendakana bu muena mukoso udi usokolola malu masokoka, kadi udi mua kueyemenyibua udi usokoka dî didibo bamuambila.

Nsumuinu 13:16

Muntu mudimuke yonso udi wenza malu andi ne lungenyi, kadi muhote udi ulesha bantu buhote buandi.

Nsumuinu 14:33

Meji adi ashikama talalâ mu mutshima wa mujinguludi wa mianda, kadi kaena mumanyibue mu mitshima ya bahote.

Nsumuinu 15:2

Ludimi lua muena meji ludi luhatula lungenyi, kadi mukana mua bahote mudi muhatula buhote.

Nsumuinu 18:2

Muntu muhote kena ne disanka mu dijingulula dia mianda, kadi udi usanka anu hiasokolola mutshima wandi meji adiye nʼau.

Nsumuinu 29:11

Muhote udi uhatula tshiji tshionso tshidiye nʼatshi, kadi muena meji udi ntshibanda, udi utshiholesha.

Muambi 10:3

Bulelela, henda muhote mu nshila, mutshima wandi udi umuhangisha, yeye udi umanyisha bantu bonso ne, Ndi muhote.

1 Samuele 10:16

Shaula wakambila mansebʼandi ne. Yeye wakatujukuila ne, Nyama ya mpunda yakamueneka. Kadi yeye kakamuambila bualu bua bukelenge buakamuambila Samuele.