Nsumuinu 11:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Badi ne mitshima ya tshitshu badi batondesha Yehowa, kadi badi bakane tshishiki mu bienzedi biabo badi bamusankisha.

MUKANDA WA MYIDI MUKULU

²⁰ Maweja-Nangila udi upetula bantu bena budimu. Kadi udi wanyisha bantu ba muoyi umue.

Nsumuinu 11:20 ပူးပေါင်းရင်းမြစ်များ

1 Kulondolola 29:17

Nzambi wanyi, ndi mumanye kabidi ne wewe udi uteta mitshima ya bantu, udi usanka mu butoke bua mutshima. Meme nakudifidila bintu ebi bionso mu butoke bua mutshima wanyi; nakumona bantu bebe bonso badi kunoko badifidila bintu biabo ne disanka.

Misambu 101:4

Mutshima udi ne tshishiku neumuke kundi, tshiena musue kumanya bualu bubi.

Misambu 11:7

Bualu bua Yehowa udi muakane; udi unanga buakane; bantu badi bakane nebamonangane nʼandi ku mesu.

Misambu 119:1

Disanka didi kudi badi bajalame tshishiki mu bienzedi biabo, badi balonda mikenji ya Yehowa!

Misambu 140:13

Bulelela, bantu bakane nebasakidile dina diebe; badi ne mitshima miakane nebashikame ku mpala kuebe.

Misambu 51:6

Mona, wewe udi musue bushuwa buikale munda mua muntu; udi ummanyisha mua kuikala ne meji munda muanyi.

Nsumuinu 11:21

Manya bimpe ne, Muntu mubi kena uhanga kukengeshibua, kadi tunkanunuma tua bantu bakane neluhandishibue.

Nsumuinu 12:22

Mishiku idi yamba mashimi idi itondesha Yehowa, kadi badi benza malu a bushuwa badi bamusankisha.

Nsumuinu 13:6

Buakane budi bulama muntu udi ne mutshima mutoke, kadi bubi budi bubutula muenji wa malu mabi.

Nsumuinu 14:9

Bahote badi baseka bua malu mabi, kadi munkatshi mua bantu bakane mudi dinangangana.

Nsumuinu 15:26

Meji a malu mabi adi atondesha Yehowa, kadi mei a disanka adi makane kudiye.

Nsumuinu 15:8

Mulambu udi bantu babi bafila udi utondesha Yehowa, kadi ditendelela dia bantu bakane didi dimusankisha.

Nsumuinu 16:17

Nshila wa bantu bakane nkuehuka ku malu mabi, muntu udi ulama muoyo wandi udi utangile kudiye uya.

Nsumuinu 21:29

Muntu mubi udi unyenga mpala wandi, kadi muntu muakane udi welangana meji bua nshila idiye wendela.

Nsumuinu 3:32

Bualu bua Yehowa udi ukina muntu udi ne tshishiku, kadi bunyana buandi budi kudi badi ne mitshima miakane.

Nsumuinu 6:14

Udi ne mutshima wa tshishiku, utu wahangidisha malu mabi matuku onso, udi uvudisha matandu.

Nsumuinu 8:13

Kutshina Yehowa nkuikala ne malu mabi lukuna. Kudisua, kudibandisha ne nshila wa malu mabi, mukana mudi muamba mei a tshitshu, ndi mbikina.

Nsumuinu 9:7

Udi usamina mubuidi udi udiangatshila bihendu, udi ubela muntu mubi udi udifuishisha bundu.