Nsumuinu 11:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Udi mushindame mu buakane neahete muoyo, kadi ndi ulonda bubi neafue biandi.

MUKANDA WA MYIDI MUKULU

¹⁹ Udi mushindame bua kuenza bidi Mvidi Mukulu musue, neapete muoyi. Kadi udi musungule bubi neafuilemu.

Nsumuinu 11:19 ပူးပေါင်းရင်းမြစ်များ

2 Bakalenga 1:16

Yeye wakamuambila ne, Yehowa udi wamba ne, Wewe wakatuma ba-messager bua kuebesha Bâla-zebuba, nzambi wa Ekelona, dî bualu bua kakuena Nzambi mu Isalele bua wewe kumuebesha dî, anyi? Nunku wewe kuena ujuka ha bulalu bûdi mulale, kadi neufue bulelela.

2 Bakalenga 1:4

Nunku Yehowa udi wamba ne, Wewe kuena ujuka ha bulalu bûdi mulale, kadi wewe neufue bulelela. Eliya wakumukaku.

Nsumuinu 10:16

Difutu dia mudimu wa muntu muakane didi dimuvuisha muoyo, luhetu ludi muntu mubi uheta ludi lumubuesha mu malu mabi.

Nsumuinu 11:4

Biuma kabiena bikuatshisha muntu mu dituku dia tshiji tshikole, kadi buakane budi bumuhandisha ku lufu.

Nsumuinu 12:28

Mu nshila wa buakane mudi muoyo, kadi mu nshila wa bubi mudi lufu.

Nsumuinu 19:23

Ditshina dia Yehowa didi dilombola muntu ku muoyo; udi nʼadi neashikame talalâ, dikenga kadiena dimukuata.

Nsumuinu 21:16

Muntu udi uhambuka mu nshila wa dijingulula dia mianda neashikame mu disangisha dia bantu bafue.

Nsumuinu 21:21

Udi ulonda buakane ne luse lujalame udi uheta muoyo, buakane ne butumbi.

Nsumuinu 8:36

Kadi wahanga kunsangana udi wenzela muoyo wandi bibi; bonso badi bankina badi bananga lufu.

Bienzedi 10:35

kadi yeye udi witabusha wa mu tshisamba tshionso udi umutshina, udi wenza malu makane.

Rome 6:23

Bualu bua difutu dia bubi ndufu, kadi diha dia luse dia Nzambi mmuoyo wa tshiendelele mu Kilisto Yesu Mukelenge wetu.

Dielulula 16:20

Nulonde anu dilumbuluisha didi diakane, nunku nenuikale ne muoyo, nenuhiane buloba budi Yehowa, Nzambi wenu, unuha.

Yakobe 1:15

Hashishe lukuka, himitalu, ludi lulela bubi: ne bubi, hakolabu budi bulela lufu.

1 Yone 3:10

Mu muanda eu bana ba Nzambi ne bana ba diabolo badi bajinguluka; muntu yonso udi kai wenza malu makane kena wa Nzambi; ne yeye udi kai unanga muanʼabo kabidi.

1 Yone 3:7

Bana bakese, muntu kanuhambuishi; muntu utu wenza malu makane udi muakane bu mudiye Yeye muakane;