Nsumuinu 10:20 - Mukanda wa Nzambi Dihungila Dikulukulu ne Dihungila Dihia-dihia 2003

²⁰ Ludimi lua muntu muakane ludi bu tshiamu tshia argent tshia mushinga mukole, mutshima wa muntu mubi udi wa mushinga mutekete.

MUKANDA WA MYIDI MUKULU

²⁰ Miaku ya muntu udi utshina Mvidi Mukulu mmipite tshiamu tshitoke tshia mushinga mukole. Tshidi muntu mubi wela meji katshiena ne mushinga to.

Nsumuinu 10:20 ပူးပေါင်းရင်းမြစ်များ

Genese 6:5

Yehowa wakamona ne, Mibi ya bantu idi idiundadiunda munkatshi mua ba ha buloba ne meji adibo bela mu mitshima yabo adi mabi matuku onso.

Genese 8:21

Yehowa wakanunkila dihembu dimpe: Yehowa wakamba mu mutshima wandi ne, Tshiena ngela buloba mulau kabidi bualu bua bantu badi ne meji mabi mu mitshima yabo hatshidibo bitende tô ne hakulumpabo, tshiena njimisha bifukibua bionso bidi ne muoyo kabidi bu munakenza diambedi.

Misambu 37:30

Mukana mua muntu muakane mudi muamba mei a lungenyi, ludimi luandi ludi luamba kulumbulula kuakane.

Nsumuinu 12:18

Muntu udi wamba mei a tshiakulakula adi ataha bu muele wa nvita, kadi ndimi ya bena meji idi isangasha bantu.

Nsumuinu 15:4

Ludimi ludi luamba mei a kalolo ludi bu mutshi wa muoyo, kadi ludi luamba mei a buhidia ludi lunyanga mutshima.

Nsumuinu 16:13

Mishiku idi yamba mei makane idi isankisha bakelenge, badi bananga muntu udi wamba dî diakane.

Nsumuinu 20:15

Or ne mabue a bungi a mushinga mukole bidiku; kadi mishiku idi ne mei a lungenyi idi tshianga tshia mushinga mukole.

Nsumuinu 23:7

Bualu bua bu mudiye welangana meji munda muandi, ke mudiye. Yeye udi ukuambila ne, Udie biebe, unue biebe; kadi mutshima wandi kawena kûdi.

Nsumuinu 8:19

Mamuma anyi adi ahita or buimpe, mahite or yakulengeshabo mu ditanda buimpe; luhetu lundi mpeta ludi lutamba tshiamu tshia argent tshia mushinga mukole buimpe.

Yirmeya 17:9

Mutshima udi uhita bintu bionso kudinga muntu, ne udi utamba kunyanguka, muntu kai udi mua kûmanya?