Nsumuinu 10:18 - Mukanda wa Nzambi Dihungila Dikulukulu ne Dihungila Dihia-dihia 2003

¹⁸ Udi usokoka lukuna luandi udi ne mashimi mukana muandi, udi wamba mei a mukoso udi muhote.

MUKANDA WA MYIDI MUKULU

¹⁸ Muntu udi utekelangana lukinu mu musokoku, udi muena lubombu. Yonsu udi utumpilangana malu ku mesu a bantu, mmuntu mutshimbakane.

Nsumuinu 10:18 ပူးပေါင်းရင်းမြစ်များ

2 Samuele 3:27

Hakahingana Abinê ku Hebelone, Yoaba wakaya nʼandi ku tshibi tshia musoko ha nkayandi bua kuyikileye nʼandi talalâ; wakamutua muele muinshi mua mbale yandi bualu bua lukuna lua mashi a Asahele, muakunyʼandi; yeye wakafua.

Misambu 101:5

Wasonkuela muena mutumba nʼandi mu busokoko, nemmubutule yeye. Wikala ne mesu adi ne dihetu ne mutshima udi ne kudisua, tshiena mmuitabusha.

Misambu 12:2

Badi bambilangana mashimi, muntu ne muntu ne muena mutumba nʼandi. Badi bakula ne mishiku ya lubombo ne mitshima ibidi.

Misambu 15:3

Nyeye udi kayi wela mukoso ne ludimi luandi, udi kayi wenzela mulunda wandi bibi, udi kayi unvua mei a bunsonge adibo bamba bua muena mutumba nʼandi.

Misambu 5:9

Bualu bua kakuena mei mukana muabo atudi mua kueyemena, mitshima yabo idi miule tente ne malu mabi; miminu yabo idi bu nkita mibulula, badi babomba bakuabo ne ndimi yabo.

Misambu 50:20

Udi ushikama hanshi, udi usonguela muanʼenu; udi wela muana wa mamu webe mene mukoso.

Misambu 55:21

Mukana muandi muakatamba manteke kuikala ne busenu, kadi nvita yakadi mu mutshima wandi. Mei andi akahita manyi kusenunuka, kadi akadi miele ya nvita mihatula mu luhaha.

Ekesode 23:1

Kumanyishi bakuabo lumu ludi kaluyi lululela. Kubuelakanyi ne bantu babi bualu bua kuikala bu mumanyi wa malu adi kayi malelela.

Yirmeya 6:28

Buonso buabo badi bahita kutomboka, badi bendakana ne mei a bunsonge; badi bu tshiamu tshia mitaku ne tshiamu tshifike; buonso buabo badi benzelangana bibi.

Yirmeya 9:4

Muntu yonso adimukile muena mutumba nʼandi; kueyemenyi biebe nansha umue wa mu bana benu; bualu bua muanʼenu yonso neangate bintu biebe, ne muena mutumba yonso nêndekane ne mei a mukoso.

Lewitiki 19:16

Kanuendakanyi bu bena mukoso munkatshi mua bantu benu, kanuhuwi bikala muena mutumba nʼenu mikuata kudi tshilumbu meme ndi Yehowa.

1 Samuele 18:29

Shaula wakatamba kutshina Davidi; Shaula wakadi muena lukuna wa Davidi matuku onso.