Ngalate 6:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bana betu, bikala muntu mutulukile ku bualu bubi, nuenu badi ne Nyuma, numuhingishe kudi Nzambi ne mutshima wa kalolo; udimuke biebe, bua wewe buteyi bu.

MUKANDA WA MYIDI MUKULU

¹ Bana hetu, bu mudi Mueyelu unulombola, nuenu bajikile muntu wenza bualu bubi, numupingaje mu njila mululame ne miaku mimpe. Yonsu wa kunudi amanye ne: badi mua kunteta ne meme kabidi.

Ngalate 6:1 ပူးပေါင်းရင်းမြစ်များ

2 Samuele 11:2

Dilolo dikuabo hakabika Davidi ku bulalu buandi, yeye wakadi wendakana ku mutu kua nsubu wa mukelenge; hakadiye ku mutu kua nsubu, yeye wakatangila mukashi wowa mai; wakadi mukashi mulengele kumona.

Misambu 141:5

Muntu muakane antute, muanda eu newikale luse kundi; ambele biandi, kubela kuandi nekuikale bu manyi ha mutu hanyi; mutu wanyi kaubengi manyi au; bua ntshidi ndomba bua malu mabi abo.

Yezekiyele 34:16

Nenkebe yakadi mijimine, nempingashe yakihatabo, nenjingile yakadi mitahike mputa tshilulu, nenkoleshe yakadi isama; nendame idi ne manyi ne idi ne bukole, nenyidishe ne kulumbulula kuakane.

Matayi 11:29

Angatai mutshi wanyi wa tshikokedi ha nshingu yenu, nuyile malu kundi; bualu bua meme ndi ne kalolo ne kanemu mu mutshima wanyi; nunku nenusangane dikisha mu mitshima yenu.

Matayi 26:69

Petelo wakadi mushikame ku bula mu luhangu; mukashi muenji wa mudimu wakalua kudiye, wakamuambila ne, Wewe kabidi wakadi ne Yesu, Muena Galela.

Matayi 26:75

Petelo wakavuluka di diakamba Yesu ne, Tshilala katshi tshianze kusama, wewe neumpidie misangu isatu. Yeye wakaluhuka, wakadila bikole.

Matayi 9:13

Yai bienu nuyile dî edi ne, Ndi musue luse, tshiena nsua nyama minshihela; meme tshiakuluila bua kubikila badi bakane, nakuluila bua kubikila badi babi.

Rome 14:1

Nuitabushe muntu udi mutekete mu ditabusha diandi bu muanʼenu, kadi kembua kuelangana nʼandi mpata.

Rome 15:1

Butudi nʼabu, tuetu bantu bakole, mbua kutuala matekete a badi batekete, kembua kudisankisha nkayetu.

Rome 8:6

Bualu bua meshi mateka ku malu a mubidi adi lufu, kadi meshi mateka kudi Nyuma adi muoyo ne ditalala.

1 Korente 10:12

Nunku muntu udi wela meshi ne, Ndi muimane, adimuke bua kahonyi biandi.

1 Korente 14:37

Biela muntu meshi ne, Meme ndi muprofete, anyi, Meme ndi muena bihedi bia Nyuma, amanye mei andi nufundila ne, Adi mukenshi wa Mukelenge.

1 Korente 2:15

Muntu udi ne Nyuma udi ujingulula malu onso, kadi muntu eu mene kabena bamujinguluila kudi mukuabo.

1 Korente 3:1

Meme, bana betu, tshiakamanya mua kuakula nʼenu bu mundi ngakula kudi bantu badi balonda Nyuma, kadi anu bu kudi bantu badi balonda malu a mubidi, bu kudi bana batekete ba mu Kilisto.

1 Korente 4:21

Nudi basue tshinyi? Ndue kunudi ne mulangala, anyi mu dinanga ne mu nyuma wa kalolo?

1 Korente 7:5

Kanuedianganyi, anu hanuahunga dî bua tshikondo, bua kuikala ne musangu wa kutendelela Nzambi, ne bua kudisangisha kabidi, bua Satana kanuteyi bua dihanga dia kudikanda kuenu.

2 Korente 10:1

Meme Paulo, ndi nusengelela bua kalolo ne lutulu bia Kilisto, meme hangikala ku mesu kuenu, ndi muhuekele munkatshi muenu, hangikala tshi nʼenu, ndi ne dikima kunudi;

2 Korente 2:7

kadi nudi ne bualu bua kumulekelela bubi buandi ne kumusamba, bua bumue muntu wa nunku katambi bu ku kanyinganyinga kakole.

2 Korente 2:8

Nunku ndi nusengelela bua nuenu nûjadike luse luenu kudiye.

Ngalate 5:23

kudihuekesha, kudikanda; kakuena mukandu ku malu â.

Ngalate 6:18

Bana betu, ngasa wa Mukelenge wetu Yesu Kilisto ikale ne nyuma wenu. Amen.

1 Tesalonike 4:1

Nunku bana betu, tshiashadidi mpindiu, tudi tunulomba ne tudi tunusengelela mu Mukelenge Yesu ne, Bu munuakangata diyisha kutudi dinulesha bu munudi ne bua kuenda ne bua kusankisha Nzambi, mbu munudi nuenda kabidi,—bua nuenu mitambe kukumbanakumbana ma malu â.

2 Tesalonike 3:15

Ne kanumubadi bu muena lukuna, kadi numudimushe bu muanʼenu wa mu Kilisto.

2 Timote 2:25

adimushe badi badimanyika bu baluisha ne mutshima wandi muhuekele; ne bumue Nzambi neakudimune mitshima yabo ku dimanya dia bualu bulelela;

Ebrewu 12:13

nulongoluele makasa enu nshila milulame, bua mulema kakueyiboki, kadi asangale biandi.

Ebrewu 13:3

Nuvuluke badi mu nkanu, bu munudi basuika nʼabo; nuvuluke badibo benzela bibi, bua nuenu nutshidi mu mibidi.

Yakobe 3:13

Muntu kai udi ne meshi ne lungenyi munkatshi muenu? Ku muoyo wandi muimpe aleshe bantu bienzedi biandi mu kalolo kadi ne meshi.

Yakobe 3:2

Bualu bua buonso buetu tudi tulenduka mu malu a bungi. Bikala mukuabo kai ulenduka ku dî diandi eu udi muntu muakane tshishiki, udi mumanye mua kukanda mubidi wandi wonso.

1 Petro 3:15

kadi nujidile Kilisto mu mitshima yenu bu Mukelenge; nuikale badilongolola misangu yonso, bua kukudimuna dî kudi muntu yonso udi unukonka bua muanda wa ditekemena didi munda muenu; kadi nuenze nunka ne kalolo ne dishina.

1 Yone 5:16

Biamona muntu muanʼabo wenza bualu bubi budi kabui bua lufu, nealombe Nzambi, yeye neamuhe mioyo ya badi benza bualu bubi budi kabui bua lufu. Bualu bubi budiku budi bua lufu; tshiena ngamba ne, Yeye amulombele Nzambi bua bualu abu.