Ngalate 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Tuetu, bualu bua Nyuma udi utukuatshisha, ku ditabusha tudi tuindila buakane butudi tutekemena,

MUKANDA WA MYIDI MUKULU

⁵ Kadi tuetu ku bukole bua Mueyelu wa Tshijila, udi ukuata mudimu patudi tuitaba, tudi bindile, batekemene se: Mvidi Mukulu neatubingishe.

Ngalate 5:5 ပူးပေါင်းရင်းမြစ်များ

Genese 49:18

Yehowa, nakuindila luhandu luebe.

Misambu 130:5

Ndi ngindila Yehowa, muoyo wanyi udi umuindile, ne mu dî diandi mundi ntekemena.

Misambu 25:3

Bulelela, nansha umue wa badi bakuindila neafuishibue bundu; nebafuishe badi benzela bantu malu a bunsonge hatuhu bundu.

Misambu 25:5

Undombele biebe mu bulelela buebe, unyishe; bualu bua wewe udi Nzambi wa luhandu luanyi; ndi nkuindila wewe dinda tô ne ku dilolo.

Misambu 62:5

Mutshima wanyi, uhuwe biebe talalâ, windile Nzambi nkayandi; bualu bua ditekemena dianyi didi difuma kudiye.

Osheya 12:6

Nunku hinganai kudi Nzambi wenu, londai luse ne kulumbulula kuakane, indilai Nzambi wenu matuku onso.

Rome 5:21

Bualu bua bu muakakokesha bubi bantu ku lufu, muomumue muamanya ngasa mua kukokesha bantu bua buakane ku muoyo wa tshiendelele kudi Yesu Kilisto Mukelenge wetu.

1 Korente 1:7

Nunku kanuena nuhanga mu tshihedi tshimue; nudi nuindila dimueneka dia Mukelenge wetu Yesu Kilisto.

Efeze 2:18

bua bualu buandi bubidi buetu tudi ne ha kubuelela kudi Tatu mu Nyuma umue.

Filipe 3:9

ne bua kunsanganabo munda muandi, tshi ne buakane buanyi budi bufume ku mikenshi, kadi ngikale ne buobu abu budi bua ditabusha dia mu Kilisto, buakane mene budi bufuma kudi Nzambi hangitabusha.

1 Tesalonike 1:10

ne bua kuindila Muana wandi ulualua mu diulu; wakabisheye munkatshi mua bafue, Yesu mene, udi utuhandisha ku tshishi tshilualua.

2 Tesalonike 3:5

Ne Mukelenge alombole mitshima yenu mu dinanga dia Nzambi ne mu dinanukila diakadi Kilisto nʼadi.

2 Timote 4:8

tshidi ku mpala mpindiu ntshifulu tshia butumbi tshia buakane bua Nzambi tshintekela, tshialua Mukelenge mulumbuludi muakane kumpa ditutu diadia; kena utshîmpa anu meme, kadi neashihe bonso kabidi badi basue dimueneka diandi.

Tite 2:13

hatudi tuindila ditekemena dietu dia disanka, ne dimueneka dia butumbi bua Nzambi munene ne Musungidi wetu, Yesu Kilisto.