Ngalate 5:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Kadi meme, bana betu, bingikala ntshidi nuambila bualu bua ditengula, ntshidi nkengeshibua bua tshinyi? Nunku dilenduisha dia mutshi mutshiamakane diakumushibua.

MUKANDA WA MYIDI MUKULU

¹¹ Bana hetu, meme mutshikale mulongeshe bushuwa ne: badi ne bua kunuteka panshi, batshidi bankengesha bua tshinyi? Diba adi Lumu lua Disanka lua Kristu, mupopela pa mutshi mutshiamakane, lundi ndongesha, kaluvua mua kutonda muntu to.

Ngalate 5:11 ပူးပေါင်းရင်းမြစ်များ

Yeshaya 8:14

Yeye nealue muaba wa tshijila, ne dibue dia kukumaku dikasa, ne mutunda wa dibue wa kubalenduisha kudi ba mu nseke ibidi ya Isalele; neikale bukuondo ne buteyi kudi badi bashikame mu Yelushalema.

Bienzedi 16:3

Paulo wakasua aye nʼandi. Wakamuangata, wakamutengula, bualu bua Bena Yuda bakadi mu nseke ai; bua bantu bonso bakamanya ne, Tatu wandi wakadi Muena Gelika.

Bienzedi 21:21

Bakunvua lumu luebe ne, Wewe udi uyisha Bena Yuda bonso badi munkatshi mua bisamba bia bende bua kulekelabo Mose; udi ubambila ne, Kanutengudi bana benu, kanuenji bilele bia diambedi.

Bienzedi 21:28

bela mbila ne, Bena Isalele, nutukuatshishe, kayeu muntu udi uyisha bantu bonso kuonso bua kuhidiabo tshisamba tshietu ne mikenshi ya Mose ne muaba eu; bualu bukuabo, yeye wakulua ne Bena Gelika mu ntempelo, wakona muaba eu wa tshijila.

1 Korente 1:18

Bualu bua kuamba bua mutshi mutshiamakane kudi bualu buhote kudi bantu batshidi bajimina; kadi kudi bukole bua Nzambi kudi tuetu batshidi basungidibua.

1 Korente 1:23

kadi tuetu tudi tuamba Kilisto wakashihabo ku mutshi mutshiamakane, ntshilenduishi kudi Bena Yuda ne mbuhote kudi bisamba bia bende;

1 Korente 15:30

Ne tuetu kabidi tudi tuamba kufua diba dionso bua tshinyi?

Ngalate 2:3

Tito wakadi nʼanyi, yeye muena Gelika mene, kadi kabakamuenzesha bua kutengudibueye.

Ngalate 3:1

Nuenu Bena Galatia bahote, ku mesu kuenu kuakatekabo Yesu Kilisto mushihibue ku mutshi mutshiamakane hatoke, wakanuhambuisha nganyi?

Ngalate 4:29

Bu muakadi bualu hale, budi nunku katataka; yeye uvua muledibue bu mudibo balela bana bonso wakadi ukengesha uvua muledibue bu mudi kulela kua Nyuma.

Ngalate 6:12

Bonso badi basue didilesha dimpe mu malu a mubidi, badi banuenzesha bua kutengudibua; anu bua kababakengeshi bualu bua mutshi mutshiamakane wa Kilisto.

Ngalate 6:17

Nunku muntu kantatshishi kabidi; bualu bua ndi utuala bimanyinu bia Yesu, bibangu bangosha hamʼbidi hanyi.