Ngalate 5:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Kilisto wakatuhikula bua tuetu tuikale ne budishikaminyi; nunku nudijadike, kanudibueshi munshi mua tshikokedi tshia buhika kabidi.

MUKANDA WA MYIDI MUKULU

¹ Kristu uvua mutupikule bua tuetu kudisunguila tshitudi basue. Nanku shindamenayi momu. Kanupinganyi mu bupika.

Ngalate 5:1 ပူးပေါင်းရင်းမြစ်များ

Misambu 51:12

Umpingishile disanka dia luhandu luebe, ushindike ne mutshima wa mua kuenza bu mu disua diebe.

Nsumuinu 23:23

Sumba bushuwa, kubuhanyi nansha; sumba meji, diyisha ne dijingu tula dia mianda.

Yeshaya 61:1

Nyuma wa Mukelenge Yehowa udi hamʼbidi hanyi, bualu bua Yehowa wakunjidika ne manyi ha mutu hanyi bua meme kuambila badi mu dikenga lumu luimpe; wakuntuma bua kusangasha mitshima ya badi batamba kunyingalala, bua kuambila badi babueshibue mu buhika dî bua budishikaminyi buabo, ne bua kuambila badi basuikibue mu nsubu wa lukanu bua dikohoka diabo;

Matayi 23:4

Bulelela, badi basuika majitu manene, bâteka ha maha a bantu, kabena babakuatshisha ne munu umue.

Luke 5:38

Kadi bidi bimpe bia kuelabo maluvu mahia-mahia mu milondo ya biseba bihia-bihia.

Bienzedi 15:10

Katataka nudi nutetshila Nzambi munda tshinyi, bua nudi basue kuteka tshikokedi ha nshingu ya bayidi tshiakadi bankambua betu kabai bamanye mua kutshituala ne tuetu kabidi?

Rome 6:14

Bualu bua bubi kabuena bunukokesha; bua kanuena munshi mua mikenshi, nudi munshi mua ngasa.

Rome 6:18

Hanuakahikudibua ku bubi, nuakavuishibua bahika ba buakane.

Rome 7:3

Nunku, hatshidi bayandi ne muoyo, biabakibua mukashi kudi munga mulume, nebamuidike ne, Muena masandi; kadi biafua bayandi, mukashi udi umushibua ku mukenshi wa bayandi, ne kena amena masandi biabakibueye kudi mulume mukuabo.

Rome 7:6

Kadi katataka tuakamana kumushibua ku mikenshi hatuakafua ku muanda utuakadi basuikamu; nunku tudi tukuatshila Nzambi mudimu mu malu mahia-mahia a Nyuma, katuena tumukuatshilau mu malu makulukulu a maleta a mikenshi.

Rome 8:15

Bua kanuakuangata nyuma wa buhika tshiakabidi bua kutshina; kadi nuakuangata nyuma wa buhianyi bua bana utudi tubikila nʼandi Nzambi ne, Aba, Tatu.

Rome 8:2

Bualu bua mukenshi wa Nyuma wa muoyo wa mu Kilisto Yesu wakampikula ku mukenshi wa bubi ne wa lufu.

1 Korente 15:58

Nunku, bana betu bananga, nuikale bakole, nutantamane, nukumbashe mudimu wa Mukelenge misangu yonso, bualu bua nudi bamanye ne, Mudimu unudi nuenza mu Mukelenge kawena hatuhu.

1 Korente 16:13

Nutabale, nutantamane mu ditabusha, nuikale balume mene, nukuatshibue bikole.

1 Korente 7:22

Bualu bua muntu mubikidibue mu Mukelenge hakadiye muhika udi muena budishikaminyi wa Mukelenge; nunku muntu mubikidibue hakadiye muena budishikaminyi udi muhika wa Kilisto.

2 Korente 11:20

Bualu bua nudi nulesha muntu lutulu, bianuvuisheye bahika, biadieye bintu bienu, bianukuateye lukole, biadibandisheye, bianukumeye ku mesu.

2 Korente 3:17

Mukelenge udi Nyuma, ne hadi Nyuma wa Mukelenge hadi budishikaminyi.

Ngalate 2:4

Kadi bualu bua bakuabo bakadivuisha bu bana betu, bakadibuesha munkatshi muetu mu musokoko bua kutentekela budishikaminyi butudi nʼabu mu Kilisto Yesu; bakasua kutuvuisha bahika.

Ngalate 3:25

Kadi bualu bua ditabusha diakumana kulua, katuena mu bulombodi bua ndeshi kabidi.

Ngalate 4:26

Kadi Yelushalema wa mu diulu udi muena budishikaminyi, udi baba wetu.

Ngalate 4:31

Nunku bana betu, katuena bana ba mukashi muhika, kadi tudi bana ba mukashi, muena budishikaminyi.

Ngalate 4:9

kadi katataka, bualu bua nuakumana kumanya Nzambi ne nudi bamanyibue kudi Nzambi, munyi munudi basue kuhingana ku mayisha matekete a kumudilu ne a hatuhu a ha buloba bua kudivuisha bahika kabidi?

Ngalate 5:13

Bualu bua nuenu, bana betu, nuakabikidibua bua budishikaminyi; kadi nudimuke ne budishikaminyi buenu kabulu tshia kusankisha nʼatshi mubidi, kadi bualu bua dinanga dienu nukuatshilangane mudimu.

Efeze 6:14

Nunku imanai bienu, bamane kusuika bulelela mu bifuka bienu bu mukaba, bamane kuteka buakane bu tshibuikilu tshia ha tshiadi;

Filipe 1:27

Anu bualu ebu, bikadilu bienu bikale biakanangane ne lumu luimpe lua Kilisto; bua binalua kunumona anyi bingikala kukuabo, ngunvue bianyi lumu lua malu enu ne, Badi bajalama mu nyuma tunue, ne badi batshinta hohamue ne mutshima umue bua ditabusha dia lumu luimpe,

1 Tesalonike 3:8

bualu bua katataka tudi ne muoyo, binuashala bajalame mu Mukelenge.

2 Tesalonike 2:15

Nunku bana betu, nudijadike bimpe, nulamate ku bilele biamba kudi bantu biakanuyishabo, nasha ku mei etu nasha ku mukanda wetu.

Ebrewu 10:23

Tulamate dijukula dia ditekemena dietu bua kaditshimbakanyi, bualu bua wakatuha mulayi udi wa kueyemenyibua.

Ebrewu 3:14

Bua tuetu tuakulua babanyanganyi ne Kilisto, bitualamata ku tshibangidilu tshia dieyemena dietu tô ne kunshikidilu;

Ebrewu 3:6

kadi Kilisto wakadi wa kueyemenyibua bu Muana ku mutu kua nsubu wa Nzambi; tuetu tudi nsubu wandi, bitualamata ku dikima dietu ne ku kutumbila kua ditekemena dietu bikole tô ne kunshikidilu.

Ebrewu 4:14

Bualu bua tuetu tudi ne muakuidi munene wakuhita mulu onso, Yesu Muana wa Nzambi mene, tulamate dijukula dia ditabusha dietu.

1 Petro 2:16

bu badishikamine, kadi kembu badi bangata budishikaminyi buabo bu tshibuikilu tshia malu mabi; kadi mikale bu bahika ba Nzambi.

2 Petro 2:19

badi babalaya budishikaminyi, hadi bobo bine bahika ba malu mabole; bualu bua muntu udi mubuesha mu buhika kudi tshidiye mutambibue buhole.

Yuda 1:3

Bananga, hanakadi ndienzesha ne disuminyina dionso bua kunufundila bua luhandu luolumue lutudi nʼalu, bualu buakunkuata kunufundila bua kukolesha mitshima yenu, bua nuenu nutshinte bikole bua ditabusha diakahabo basanto musangu umue tshiendelele.

Didimanyisha 2:25

Kadi tshinudi nʼatshi, nutshikuate bikole tô ne hanalua.

Didimanyisha 3:3

Nunku, uvuluke bu muwakuangata ne muwakulua; ulame bûdi nʼabu, ukudimune mutshima webe. Nunku, biwikala kui utabala, nendue bu muibi, ne kuena umanya diba dindi ndua kûdi.