Ngalate 2:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Kadi hanakatangila ne kabakenda bajalama bu mudi lumu luimpe lua bushua luamba, nakambila Kefa ku mesu kua buonso buabo ne, Wewe, Muena Yuda, biwenza bu mudi bantu ba mu bisamba bia bende benza, kui wenza bu mudi Bena Yuda benza, munyi mûdi musue kuenzesha bantu ba mu bisamba bia bende bua bobo benza bu mudi Bena Yuda benza?

MUKANDA WA MYIDI MUKULU

¹⁴ Pamvua mumone mu wabu benza malu mabi, adi abengangana ne Lumu lua Disanka, meme kubela Petro kumpala kua bantu bonsu, kunuambila ne: “Wewe, muena Yuda, uvua usomba munemu amu bu bantu ba bisamba bikuabu, kuyi ulonda mikenji ya bena Yuda. Kadi mmunyi muudi musue mpindiewu, bua bantu ba bisamba bikuabu balonde bibidilu bia bena Yuda?”

Ngalate 2:14 ပူးပေါင်းရင်းမြစ်များ

Misambu 141:5

Muntu muakane antute, muanda eu newikale luse kundi; ambele biandi, kubela kuandi nekuikale bu manyi ha mutu hanyi; mutu wanyi kaubengi manyi au; bua ntshidi ndomba bua malu mabi abo.

Misambu 15:2

Nyeye udi wenda mu buakane, udi wenza malu makane, udi wamba mei malelela mu mutshima wandi.

Misambu 58:1

Nuenu, bantu banene, nudi nuamba mei makane, anyi? Nudi nulumbuluisha bana ba bantu ne kulumbulula kuakane, anyi?

Misambu 84:11

Bualu bua Yehowa Nzambi udi diba ne ngabu; Yehowa udi uha bantu luse ne butumbi. Kena uhala badi benda mu buakane tshintu tshimpe tshimue.

Nsumuinu 10:9

Udi wenda ne mutshima mutoke kena ne ditshina, kadi udi ukonyangasha nshila yandi neamanyibue.

Nsumuinu 2:7

Yeye udi ubutshila bantu bakane lungenyi ludi lubakuatshisha; udi biandi ngabu kudi badi benda ne mitshima mitoke;

Lewitiki 19:17

Kuikadi ne lukuna mu mutshima kudi muanʼenu, kadi ubele muena mutumba nʼebe, bua wewe kutuadi bubi bua bualu buandi.

Bienzedi 10:28

Wakabambila ne, Nuenu nudi bamanye ne, Bualu bua Muena Yuda kusomba ne muntu wa tshisamba tshikuabo anyi kulueye ha buihi nʼandi budi tshijila; kadi Nzambi wakundesha ne, Kubikidi muntu mukuabo ne, Ngua tshianana, anyi ngua tshijila;

Bienzedi 15:1

Bantu bakuabo bakadi bafume mu Yudaya bakalua, bakadi bayisha bana betu ba mu Kilisto ne, Binuikala kanui batengula bu mu tshilele tshia Mose, kanuena bamanye mua kusungidibua.

Bienzedi 15:24

Bualu bua tuakulua lumu ne, Bakuabo ba munkatshi muetu bakuya kunudi, bakunutatshisha ne mei abo, badi bamba kuona mioyo yenu; tuetu katuakubatuma ne mukenshi kunudi;

Bienzedi 15:5

Kadi bakuabo ba mu luseke lua Bafalese, bakadi bamane kuitabusha, bakabika bamba ne, Butudi nʼabu mbua kutengula ba bisamba bia bende, ne bua kubambila bua kuenzabo mikenshi ya Mose.

Rome 14:14

Ndi mumanye ne ndi neitabushishibue mu Mukelenge Yesu ne, Kakuena tshintu tshidi tshibi nkayatshi; anu kudi muntu udi utshibala bu tshintu tshibi, tshidi tshibi kudiye.

Ngalate 1:18

Hakashika bidimu bisatu, nakaya ku Yelushalema bua kumanyangana ne Kefa, nakashala nʼandi matuku dikumi ne atanu.

Ngalate 1:6

Ndi nkema bua nudi nulekela wakanubikila mu ngasa wa Kilisto lubilu nunku bua nuenu nuitabushe lumu lukuabo

Ngalate 2:3

Tito wakadi nʼanyi, yeye muena Gelika mene, kadi kabakamuenzesha bua kutengudibueye.

Ngalate 2:5

Kadi katuakabakokela nasha tshituha tshimue tshia diba; bualu bua bushua bua lumu luimpe buikale nʼenu.

Ngalate 2:7

Kadi hakamanyabo ne nakahebua lumu luimpe lua kudi badi kabai batengula, bu muakahebua Petelo lua kudi badi batengula;

Ngalate 2:9

ne hakamonabo ngasa wakumpabo kudi Nzambi, Yakobo ne Kefa ne Yone bakadi bu makunshi mu ekelesia, bakatuha meme ne Bânaba tshianza tshia, bukole tshia buobumue buetu mu Kilisto, bua tuetu tuye kudi bisamba bia bende, ne bua bobo baye kudi batengula.

Ngalate 6:12

Bonso badi basue didilesha dimpe mu malu a mubidi, badi banuenzesha bua kutengudibua; anu bua kababakengeshi bualu bua mutshi mutshiamakane wa Kilisto.

Kolose 1:5

bualu bua ditekemena didi dinutekedibue mu diulu, dinuakadianjila kunyua lumu luadi mu di dia bushua dia lumu luimpe

1 Timote 5:20

Bobo badi benza bualu bubi, ubabele ku mesu kua bonso, bila bakuabo badi bashale bikale ne ditshina.

Ebrewu 12:13

nulongoluele makasa enu nshila milulame, bua mulema kakueyiboki, kadi asangale biandi.

Ebrewu 9:10

bualu bua bidi anu mikenshi ya ba ha buloba, mu malu a bia kudia ne bia kunua ne bia kuvua kua mishindu ne mishindu, yakatekabo tô ne ku tshikondo tshia kubilongolola.