Ngalate 1:4 - Mukanda wa Nzambi Dihungila Dikulukulu ne Dihungila Dihia-dihia 2003

⁴ wakadifila bua malu mabi etu bua yeye atusungile munkatshi mua tshikondo etshi tshibi bu mudi disua dia Nzambi Tatu wetu;

MUKANDA WA MYIDI MUKULU

⁴ Kristu mmudifile bua kutusungidila ku mibi yetu, kutupikula ku tshikondu tshibi tshia lelu etshi. Ke muvuaye mukumbaje bivua Mvidi Mukulu Tatu wetu musue.

Ngalate 1:4 ပူးပေါင်းရင်းမြစ်များ

Misambu 40:8

ndi ne disanka bua kuenza disua diebe, Nzambi wanyi, bulelela, mukenji webe udi mu mutshima wanyi.

Yeshaya 65:17

Bua monai, ndi nfuka diulu dihia-dihia ne buloba buhia-buhia; malu a diambedi kaena avulukibua, ne malu â kaena abuela mu mitshima kabidi.

Matayi 13:22

Yeye wakadi mumiamina mu mionshi ya meba udi unvua dî dia Nzambi, kadi meshi a malu a ha buloba ne mashimi a biuma bidi binyengela dî, yeye udi wikala kai ne maminu.

Matayi 20:28

nunku kabidi Muana wa muntu kakuluila bua bantu bamukuatshile mudimu, wakuluila bua kubakuatshila mudimu ne bua kufila muoyo wandi bua kuhikula nʼau bantu ba bungi.

Matayi 26:28

bualu bua elu ludi mashi anyi a dihungila, akamatshila bantu ba bungi bualu bua kubajimishila mibi yabo.

Matayi 26:42

Wakaya tshiakabidi, wakatendelela Nzambi, wakamba ne, Tatu wanyi, bikala luhanza elu kalui lumanya mua kumuka kundi, bikala bualu bunkuata bua kulunua, bualu buenjibue bu mûdi musue.

Matayi 6:9

Nutendelele Nzambi nunku: Tatu wetu udi mu diulu, banemeke dina diebe.

Marke 10:45

Muana wa muntu kabidi kakuluila bua bantu bamukuatshile mudimu, wakuluila bua kubakuatshila mudimu, ne bua kufila muoyo wandi bua kuhikula nʼau bantu ba bungi.

Luke 22:19

Yeye wakamema mutanda wa bidia; hakasakidileye Nzambi, wakautshibula, wakaha bayidi bandi, wakamba ne, Eu udi mubidi wanyi udi unuhebua; enzai nunku bua kunvuluka.

Luke 22:42

wakamba ne, Tatu, biwasua, ungumushile luhanza elu; kadi bualu buenjibue bu mûdi musue, kabuenjibu bu mundi musue.

Yowanane 10:11

Ndi mulami muimpe wa mikoko; mulami muimpe udi ufuila mikoko.

Yowanane 12:31

Katataka dihila dia buloba ebu didiku; nebihate mukokeshi wa buloba ebu.

Yowanane 5:30

Meme nkayanyi tshiena mumanye mua kuenza bualu; ndi ndumbulula bu mundi ngunvua; ndi ndumbulula biakane, bua tshiena nkeba kuenza bu mundi musue, ndi nkeba kuenza bu mudi wakuntuma musue.

Yowanane 6:38

Tshiakufika mu diulu bua kuenza bu mundi musue, anu bu mudi wakuntuma musue.

Rome 1:7

Ndi nfunda kudi bonso ba mu Lomo, banangibue kudi Nzambi, babikidibue bua kuikala basanto. Ngasa kunudi ne ditalala bia kudi Nzambi, udi kabidi Tatu wetu, ne kudi Mukelenge Yesu Kilisto.

Rome 12:2

Kanudifuanyikishi ku malu a mu tshikondo etshi, kadi miandamuke ku dikudimuna dia meshi enu to meshi mahia-mahia bua nuenu nujingulule mudi disua dia Nzambi didi dimpe, didi dimusankisha, ne didi diakane tshishiki.

Rome 8:27

Nzambi, udi ukeba mu mitshima ya bantu, udi mumanye meshi a Nyuma ne, Udi Wakuila basanto bu mudi Nzambi musue.

Rome 8:3

Bualu bua malu akadi mikenshi kayi ne kukole bua kuenza bua yakadi mitekete bua mibidi ya bantu, Nzambi, hakatumeye Muana wandi mene ne mubidi mufuane wa malu mabi, ne bua bualu bua bubi, wakahisha bubi mu mubidi;

Rome 8:32

Yeye kakimina Muana wandi mene, kadi wakamufila bua buonso buetu, munyi muahidieye kutuha nʼandi kabidi bintu bionso hatuhu?

1 Korente 15:3

Bua nakafila kunudi ku mpala kua malu onso bualu bunakangata kabidi ne, Kilisto wakafuila bua malu mabi etu, bu mudi Mukanda wa Nzambi wamba;

2 Korente 4:4

bakafofomishabo mesu a meshi a badi kabai bitabusha kudi nzambi wa tshikondo etshi, bua dinkenka dia lumu luimpe lua butumbi bua Kilisto, udi tshifuanyikishi tshia Nzambi, kaditemi kudibo.

Ngalate 2:20

Nakashihibua ku mutshi mutshiamakane ne Kilisto; nunku kememe kabidi udi ne muoyo, kadi Kilisto ngudi muoyo munda muanyi; ne muoyo undi nʼau mu mubidi katataka ndi nʼau mu ditabusha dia mu Muana wa Nzambi, wakannanga, wakadifila bua bualu buanyi.

Ngalate 6:14

Kadi meme tshitumbidi ku muanda mukuabo; ntumbile bianyi anu bualu bua mutshi mutshiamakane wa Mukelenge Yesu Kilisto, kuakanshihelabo malu a ha buloba, ne kunakashihibua ku malu a ha buloba kabidi.

Efeze 1:11

Mu Kilisto Yesu mutuakavuishibua buhianyi, hatuakadianjila kusungudibua bu muvueye muhangidishe, nyeye udi wenzesha malu onso bu mudi kudijingulula kua disua diandi;

Efeze 2:2

anuakendamu diambedi bu mudi tshikondo tshia buloba ebu, bu mudi mukelenge wa bukokeshi bua mu luhehele, wa nyuma udi wenzesha katataka munkatshi mua bana ba buhidia.

Efeze 5:16

nudisumbile tshikondo batshiditshiku tshia kuenzamu malu mimpe, bualu bua matuku adi mabi.

Efeze 5:2

Nuende bienu mu luse bu muakanusua Kilisto, wakadifila bua bualu buetu bu mulambu ne tshintu tshishiha bua kuikaleye muhuya wa dihembu dimpe kudi Nzambi.

Efeze 6:12

Bualu bua diluangana dietu dia bibula kadiena dia kufuilangana ne munyinyi ne mashi, kadi ndia kufuilangana ne makelenge ne makokeshi ne banfumu ba midima ba buloba ebu, ne bisumbu bia nyuma mibi bidi mu miaba ya mu diulu.

Filipe 4:20

Butumbi buikale kudi Nzambi wetu Tatu ku bikondo ne ku bikondo. Amen.

1 Tesalonike 1:3

katui tulekela kuvuluka mudimu wenu wa ditabusha ne mudimu wenu mukole wa dinanga ne dinanukila dienu dia mu ditekemena dia Mukelenge wetu Yesu Kilisto, ku mesu kua Nzambi udi kabidi Tatu wetu.

1 Tesalonike 3:11

Nzambi muine udi kabidi Tatu wetu, ne Mukelenge wetu Yesu, atulongoluele nshila wetu wa kufika kunudi;

1 Tesalonike 3:13

bua yeye ajadike mitshima yenu kayi ne bualu mu malu a tshijila ku mpala kua Nzambi udi kabidi Tatu wetu, ku dilua dia Mukelenge wetu Yesu Kilisto ne basanto bandi bonso.

2 Tesalonike 2:16

Mukelenge wetu Yesu Kilisto muine ne Nzambi Tatu wetu, wakatunanga ne wakatuha busambi bua tshiendelele ne ditekemena dimpe bua ngasa,

1 Timote 2:6

wakadifila bu tshintu tshia kuhikula nʼatshi bantu bonso; bumanyishi bua muanda eu budi ne bua kumanyishibua mu bikondo biabu mene.

Tite 2:14

Yeye wakadifila bua bualu buetu, bua kutuhikula ku malu mabi onso, ne bua kudilengeshila bantu badi mua kuikala bandi bine, bikala ne lukunukunu lua kuenza midimu mimpe.

Ebrewu 2:5

Yeye kakateka buloba bua bantu bulualua, butudi tuamba bualu buabu, munshi mua banjelo.

Ebrewu 6:5

bakambula dî dimpe dia Nzambi ne makole a tshikondo tshilualua,

Ebrewu 9:14

mashi a Kilisto, wakadifila kudi Nzambi kai ne ditoba, bua Nyuma wa Tshiendelele, neatambe misangu bungi munyi kulengesha muoyomukese webe ku midimu mifue bua kukuatshila Nzambi udi ne muoyo mudimu?

Yakobe 4:4

Nuenu, bena masandi. Kanuena bamanye ne, Bulunda bua malu a ha buloba budi ne Nzambi lukuna, anyi? Nunku muntu yonso wasua kuikala mulunda wa malu a ha buloba, udi udivuisha nmona lukuna kudi Nzambi.

1 Petro 2:24

Yeye muine wakututuadila malu mabi etu mu mubidi wandi ku mutshi mutshiamakane, bua tuetu, bamane kufua ku malu mabi, tuikale ne muoyo wa ku buakane; kunuakuondahibua ku mibundabunda yandi.

1 Petro 3:18

Bualu bua Kilisto wakafua musangu umue bua malu mabi, muntu muakane wakafuila bantu babi, bua kulua nʼetu kudi Nzambi; wakashihibua mubidi wandi, kadi wakavuishibua muoyo mu nyuma wandi;

1 Yone 2:2

ne yeye udi bu mulambu wa kubuikila nʼau mibi yetu; kengua mibi yetu nkayai, kadi wa mibi, ya bonso ba ha buloba kabidi.

1 Yone 3:16

Mu muanda eu tudi bamanye dinanga, bualu bua Yesu wakateka muoyo wandi hanshi bua bualu buetu; ne tuetu tudi ne bualu bua kuteka mioyo yetu hanshi bualu bua bana betu.

Didimanyisha 1:5

ne kudi Yesu Kilisto, mumanyishi wa kueyemena, muledibue diambedi wa ku bafue, ne mukokeshi wa bakelenge ba ha buloba. Kudi yeye udi utunanga, ne wakatuvua ku mibi yetu mu mashi andi mene;

Didimanyisha 5:9

Badi bimba musambu muhia-muhia, bamba ne, Wewe udi ne buakane bua kuangata mukunda ne bua kulamuna bimanyishilu biau. Bualu bua wewe wakashihibua ne wakasumbila Nzambi ba mu tshisamba tshionso, ne ba mu muaku wonso, ne ba munkatshi mua bantu bonso, ne ba munkatshi mua ditunga dionso, ku mashi ebe.

Didimanyisha 7:9

Ku nyima kua malu a nakatangila, ne mona, tshisumbu tshinene tshia bantu tshiakadi muntu kai mua kubala, munkatshi mua ditunga dionso, ne munkatshi mua bisamba bionso, ne bantu bonso, ne miaku yonso, bimana ku mpala kua nkuasa wa butumbi ne ku mpala kua Muana wa Mukoko, baluatshishibue maye, ka matoke, bikale ne malala a mabue mu bianza biabo.