Nehemya 9:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Bena Isalele bakadisangishaku mu dituku dia makumi abidi ne anai dia ngondo eu, bakajila bia kudia, baluate bilulu bikayabala, bakadiela luhuishi hamʼbidi.

MUKANDA WA MYIDI MUKULU

¹ Bena Izrayele kudisangisha mu matuku makumi abidi ne anayi a ngondu awu bua kujila biakudia. Bavua bavuale bilamba bikayapale, badilaba malaba mu mitu.

Nehemya 9:1 ပူးပေါင်းရင်းမြစ်များ

2 Samuele 1:2

hakatshiabu dituku disatu, mundi muhanduke mu tshitudilu tshia Shaula wakalua kudiye ne bilulu biandi bihandike ne buloba buela mu mutu muandi; hakafikeye kudi Davidi, yeye wakatua mpala wandi hanshi, wakamukukuila.

2 Kulondolola 20:3

Yehoshafata wakatshina, wakahangidisha bua kukeba Yehowa; wakela mukenji wa bantu bajile bia kudia mu nseke yonso ya Yuda.

2 Kulondolola 7:10

Ku dituku dia makumi abidi ne asatu dia mu ngondo wa muanda mutekete yeye wakatuma bantu kuabo ku nsubu yabo ya ntenta, bakadi ne disanka dinene mu mitshima yabo, bua buimpe buakalesha Yehowa Davidi ne Solomo ne Bena Isalele, bantu bandi.

Ezela 8:21

Hashishe nakela mukenji bua tuetu kujila bia kudia ku musulu wa Ahawa, bua tuetu kudihuekesha ku mesu kua Nzambi wetu, ne bua yeye atuleshe ne bana betu bakese ne bintu bietu nshila mululame.

Ezela 8:23

Nunku tuakajila bia kudia, tuakananukila kulomba Nzambi wetu bualu ebu; yeye wakatunvuila.

Nehemya 8:2

Ezela muakuidi wakalua ne mukanda wa mikenji ku mesu kua bantu bakadi badisangishaku ne balume ne bakashi ne bonso bakadi ne matshu a kunvua mu dituku dia kumudilu dia ngondo wa muanda mutekete.

Estere 4:16

Ya biebe, usangishe Bena Yuda bonso badi mu Shushana, bajile bia kudia bualu buanyi matuku asatu; kabadi tshintu, kabanu tshintu tô matuku â asatu butuku ne munya; meme ne bena mudimu banyi bakashi netujile bia kudia diatshimue; hashishe nenye kudi mukelenge bu mudi kamuyi mu mikenji; binafua, nenfue.

Estere 4:3

Mu nseke yonso yakaya mukenji wa mukelenge ne dî diandi, muadi munene wakadi munkatshi mua Bena Yuda, bakajila bia kudia, bakasa muadi, bakadila, ba bungi bakaluata bilulu bikayabala, bakadiela butue hamʼbidi.

Yobe 2:12

Hakadibo kule ne hakabandulukabo, kabakamumanya; nunku bakadila ne mei makole. Bakadihanda, muntu ne muntu, muzabi wandi, bakela buloba mulu mu mitu yabo.

Yeshaya 22:12

Mu dituku adi Mukelenge, Yehowa wa misumba, wakanubikila bua kudila ne bua kuasa madilu, bua kubeya nsuki yenu ne bua kudiluatshisha bilulu bikayabala;

Yowele 2:12

Yehowa udi wamba ne, Mpindiu mene, nuhingane kundi ne mitshima yenu yonso, jilai bia kudia, dilai, asai miadi.

Lewitiki 23:34

Wambile Bena Isalele ne, Dituku dia matuku dikumi ne atanu a ngondo eu wa muanda mutekete nebikale dituku didibo badia bidia bia mu bitandatanda tô matuku muanda mutekete.

Lewitiki 23:39

Halua dituku dia matuku dikumi ne atanu a ngondo wa muanda mutekete hanuashikisha kuhuola bintu, nenudie bidia bia Yehowa matuku muanda mutekete, dituku dia kumudilu nedikale dituku dia kuikisha, ne dituku dia muanda mukulu nedikale dituku dia kuikisha.

Yoshua 7:6

Yoshua wakadihanda bilulu biandi, wakadikuma mpala wandi hanshi ku mpala kua mushete wa Yehowa tô ne ku dilolo; yeye ne bakulu ba Bena Isalele bakadiela buloba mu mitu.

Didimanyisha 11:3

Nempe bamanyishi banyi babidi bukole, ne nebambe dî dia Nzambi matuku tshinunu ne nkama ibidi ne makumi asambombo, baluatshisha bilulu bia miosa.

Balombodi 20:26

Hashishe Bena Isalele bonso ne bantu bonso bakaya ku Betele, bakadila, bakashikamaku ku mpala kua Yehowa, bakajila bia kudia dituku adi tô ne dilolo; bakasaku milambu ya kuosha ha kahia ne milambu ya kubavuisha nʼai ditalala kudi Yehowa.

1 Samuele 4:12

Muena nvita wa mu tshisamba tshia Benyamina wakaya lubilu, Wakafika ku Shilo dituku adi mene ne bilulu biandi bionso bihandika ne buloba buela mu mutu.

1 Samuele 7:6

Bakadisangisha ku Misepa, bakasuna mai, bakâhongolola ku mesu kua Yehowa, bakajila bia kudia dituku adi, bakamba ne, Tuakuenzela Yehowa bibi. Samuele wakalumbulula Bena Isalele mu Misepa.