Nehemya 8:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Nehemiya gouverneur wakadi ne Ezela muakuidi ne mufundi ne Bena Lewi, bakadi bayisha bantu, bakambila bantu bonso ne, Dituku edi didi dia tshijila kudi Yehowa Nzambi wenu, kanujingi, kanutedi mua dî. Bualu bua bantu bonso bakadi badila hakunvuabo mei a mu mikenji.

MUKANDA WA MYIDI MUKULU

⁹ Bantu bonsu kudila muadi pa kumvua mikenji eyi. Nanku Nehemya mulombodi wa buloba abu, Ezra, mutuangaji mumanyi mupiluke wa mikenji, ne bena Levi bavua bumvuija mikenji, bavua babambila ne: — Lelu ndituku dia tshijila dia Maweja-Nangila Mvidi Mukulu wenu. Kanuena mua kubungama, nansha kudila to.

Nehemya 8:9 ပူးပေါင်းရင်းမြစ်များ

2 Bakalenga 22:11

Hashishe, hakunvua mukelenge mei a mu mukandu wa mikenji, yeye wakadihanda bilulu biandi.

2 Bakalenga 22:19

wewe wakalekesha mutshima webe, wakadihuekesha ku mpala kua Yehowa; hawakunvua mei anakamba bua muaba eu ne bua bena muaba eu bua bobo balue bu bantu badi bedibue mulau ne badi babutudibue, wewe wakadihanda bilulu biebe, wakadila ku mpala kuanyi; nunku Yehowa udi wamba ne, Nakukunvuila.

2 Kulondolola 15:3

Bena Isalele kabakadi ne Nzambi mulelela tô musangu mule, kabakadi ne muakuidi wa kubayisha, kabakadi ne mikenji ya Nzambi;

2 Kulondolola 30:22

Hezikiya wakasamba Bena Lewi bonso bakadi ne meji makane mu mudimu wa Yehowa. Nunku bakadia bidia abi matuku muanda mutekete, bafile milambu ya kuosha ne milambu ya kuvuisha nʼai ditalala, batonde mibi yabo kudi Yehowa, Nzambi wa bankambua babo.

2 Kulondolola 34:19

Shafana wakaubala ku mpala kua mukelenge. Hashishe, hakunvua mukelenge mei a mu mikenji, yeye wikadihanda bilulu biandi.

2 Kulondolola 34:21

Yai bienu, nunkonkele Yehowa ne bantu badi bashala mu Isalele ne Yuda bua mei adi mu mukanda eu unuakasangana; bualu bua tshiji tshikole tshia Yehowa tshidi kutudi bualu bua batatuʼetu kabakatumikila mei a Yehowa bua kuenza malu onso adi mafunda mu mukanda eu.

2 Kulondolola 35:3

Yeye wakambila Bena Lewi bakadi bayisha Bena Isalele bonso ne bakadi bajidila kudi Yehowa ne, Nuteke mushete wa tshijila mu nsubu wakasa Solomo, muana wa Davidi, mukelenge wa Isalele; bujitu ebu kabuikadi ha maha enu kabidi; katataka nukuatshile Yehowa ne bantu bandi Bena Isalele mudimu.

Ezela 2:63

Gouvemeur wakabambila ne, Kanuena mua kudia bintu bitambe bia tshijila tô ne habika muakuidi bua kukonkeye bualu ebu ne Ulima ne Tumima.

Ezela 7:11

Eu mmukanda wakaha mukelenge Atashasete Ezela muakuidi ne mufundi, mufundi mene wa mei a mikenji ya Yehowa ne wa malu akadiye musue benze kudi Bena Isalele:

Nehemya 10:1

Bantu bakateka tshimanyinu tshiabo ku tshihungidi bakadi Nehemiya gouverneur, muana wa Hakaleya, ne Sedekiya,

Nehemya 12:26

Bakadiku mu matuku a Yoyakima, muana wa Yeshua, muana wa Yozadaka, ne mu matuku a Nehemiya gouver-neur, ne a Ezela muakuidi ne mufundi.

Nehemya 7:65

Gouverneur wakabambila ne, Kanuena mua kudia bintu bia tshijila anu bimana muakuidi ne Ulima ne Tumima bua kukonka.

Nehemya 7:70

Bakuabo ba ku mutu kua biota bia batatuʼabo bakafila bintu biabo bia kuenza nʼabi mudimu. Gouverneur wakafila dariques ya or tshinunu ne malonga makumi atanu ne bilulu bia bakuidi nkama itanu ne makumi asatu mu tshibutshilu tshia mudimu.

Nehemya 8:2

Ezela muakuidi wakalua ne mukanda wa mikenji ku mesu kua bantu bakadi badisangishaku ne balume ne bakashi ne bonso bakadi ne matshu a kunvua mu dituku dia kumudilu dia ngondo wa muanda mutekete.

Muambi 3:4

tshikondo tshia kudila ne tshikondo tshia kuseka; tshikondo tshia kuasa madilu ne tshikondo tshia kuja maja;

Yeshaya 61:3

bua kusamba badi badila mu Siona, bua kubaha nkata mulengele bua kubuesha ku mutu mu muaba wa butue, mafuta a disanka mu muaba wa madilu, tshivualu tshia butumbi mu muaba wa mutshima muneme bujitu; bua babikidibue ne, Mitshi ya telebinta ya buakane, ditentula dia Yehowa, bua yeye atumbishibue.

Osheya 4:6

Bantu banyi badi babutudibua bualu bua kabena ne lungenyi; bualu bua wewe wakubenga lungenyi, nenkubenge kabidi, bua wewe kuikadi muakuidi wanyi. Bualu bua wakuhua mikenji ya Nzambi webe muoyo, meme kabidi nempue bana bebe muoyo.

Lewitiki 23:24

Wambile Bena Isalele ne, Dituku dia kumudilu dia ngondo wa muanda mutekete nedikale dituku dia kuikisha kunudi, dituku dia tshivulukidi didibo bela mpungi, dituku dia disangisha dia tshijila.

Malaki 2:13

Eu mmunga muanda unudi nuenza kabidi: Nudi nubuikila tshioshelu tshia Yehowa ne binsonshi ne kudila ne kuhumuna kuenu, bualu bua yeye katshiena utangisha mesu andi ku mulambu ne katshiena uwitabusha ne disanka ku bianza bienu.

Rome 3:20

Bualu bua kakuena muntu wabingishibua ku mesu kuandi bua kuenza kua mikenshi. Bualu bua ku mikenshi kudi kufuma dijingulula dia bubi.

Rome 7:9

Tshikondo tshikuabo nakuikala ne muoyo tshi ne mikenshi; kadi hakalua mukenshi, bubi buakatabuluka, ne meme nakafua.

Dielulula 12:12

Nenuikale ne disanka dia Yehowa, Nzambi wenu, ne nuenu ne bana benu balume ne bana benu bakashi, ne bahika benu balume ne bahika benu bakashi, ne Bena Lewi badi ku mbelu kuenu badi kabayi ne buhianyi kunudi.

Dielulula 12:7

Nenudieku bidia ku mpala kua Yehowa, Nzambi wenu, nenusanke mu malu onso anudi nuenza ne bianza bienu, ne nuenu ne ba mu nsubu yenu mu malu onso akanusankisha nʼau Yehowa, Nzambi wenu.

Dielulula 16:11

Nenusanke ku mesu kua Yehowa, Nzambi wenu, ne wewe ne muana webe mulume ne muana webe mukashi ne muntu webe mulume ne muntu webe mukashi ne Muena Lewi udi mu musoko webe ne muenyi ne bana ba nshiya ne bakashi ba mu lufuila badi munkatshi muenu, mu muaba udi Yehowa, Nzambi wenu, Usungula bua kujadikamu dina diandi.

Dielulula 26:14

Katuakudia bintu ebi mu madilu etu, katuakabilenga hatuakadi banyanguke, katuakabifila kudi bakadi mu madilu: tuakutumikila dî dia Yehowa, Nzambi wetu; tuakuenza malu onso akatuambileye.

Yakobe 4:9

Nunyingalashe mitshima yenu, nujinge, nudile muadi; kuseka kuenu kuandamuke kanyinganyinga, ne disanka dienu diandamuke majie.