Nehemya 8:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Yeye wakaubala mu muaba mubaluluke wakadi ku mpala kua tshibi tshia ku luseke lua mai, ku dinda tô ne ku munda munya, ku mpala kua balume ne bakashi ne kua bonso bakadi ne matshu a kunvua; bantu bonso bakateleja matshu abo ku mei a mu mukanda wa mikenji.

MUKANDA WA MYIDI MUKULU

³ Dinda too ne munda munya, Ezra uvua anu muimane kulu muaba uvua tshiibi tshia Mayi, ubadila bena Izrayele ne diyi dikole bionsu biwabu bafunda mu mukanda. Bantu bonsu bavua bateleja ne ntema bionsu bivuaye ubala abi.

Nehemya 8:3 ပူးပေါင်းရင်းမြစ်များ

Nehemya 10:29

bakalamata kudi bana babo ne kudi bantu babo banene, bakadiela mulau, bakaditshiha bua kulondabo mikenji ya Nzambi yakabambileye kudi Mose, muntu wa Nzambi, ne bua kutumikilabo mikenji yonso ya Yehowa, Mukelenge wetu, ne mikenji yandi mijalame ne mei andi mafunda.

Nehemya 13:1

Mu dituku adi bakabala mu mukanda wa Mose mu matshu a bantu. Bakasangana bualu ebu bufunda ne, Muena Amona ne Muena Moaba kababuedi mu disangisha dia bantu ba Nzambi tshiendelele,

Nehemya 8:1

Bantu bonso bakadisangisha bu muntu umue mu muaba mubaluluke wakadi ku mpala kua tshibi tshia ku luseke lua mai; bakambila Ezela mufundi ne, Ulue ne mukanda wa mikenji ya Mose yakambila Yehowa Bena Isalele.

Nehemya 8:18

Yeye wakabala mu mukanda wa mikenji ya Nzambi ku dituku ku dituku, ku dituku dia kumudilu tô ne ku dituku dia nshikidilu. Bakadia bidia bia disanka matuku muanda mutekete; dituku dia muanda mukulu diakadi dituku dinene dia disangisha, bu muakadi mukenji mujadike.

Nehemya 8:4

Ezela mufundi wakimana ha tshiambidilu tshia mabaya tshiakalongololabo bua bualu ebu; Matitiya ne Shema ne Anaya ne Uliya ne Hilekiya ne Mâseya bakimana ku tshianza tshiandi tshia balume; Pedaya ne Mishaele ne Malekiya ne Hashuma ne Hashebadana ne Zekâya ne Meshulama bakimana ku tshianza tshiandi tshia bakashi.

Nehemya 8:5

Ezela wakavungulula mukanda ku mesu kua bantu, bualu bua yeye wakadi ku muaba wakadi kulu kua bonso; hakavungululeye mukanda, bantu bonso bakimana kulu;

Marke 12:37

Davidi wakamubikila ne, Mukelenge, yeye udi muanʼandi munyi? Kadi bantu ba tshianana ba bungi bakadi bunvua mei andi ne disanka.

Luke 19:48

kabakamanya mua kuenza bualu, bua bantu bakadi bamunguile, batelesha mei andi.

Luke 8:18

Dimukai munudi nunvua; bua udi ne bintu nebamuhe binga, kadi udi kai ne tshintu nebamunyenge tshidiye wela meshi ne, Ndi nʼatshi.

Bienzedi 13:15

Hakashikishabo kubala mikenshi ya Mose ne mei a baprofete, bakelenge ba mu nsunagoga bakatumina Paulo ne bakadi nʼandi dî ne, Bana betu, binuikala ne dî dia kukolesha nʼadi mitshima ya bantu, ambai.

Bienzedi 13:27

Badi mu Yelushalema ne bakelenge habo, bualu bua bobo kabakamumanya, ne kabakamanya mei a baprofete adibo babala Mbingu yonso, bakashikisha mei â hakamuhishabo.

Bienzedi 15:21

Bualu bua Mose kale tô ne katataka udi ne bambi ba malu andi mu nsunagoga ya misoko yonso, badi babala mei andi nunku ku Lumingu ku Lumingu.

Bienzedi 16:14

Mukashi wakadiku, dina diandi Ludia, wakadi biandi musumbishi wa bilulu bikunze wa ku musoko wa Tuatila, yeye wakadi mutendeledi wa Nzambi, wakunvua dî dietu; Nzambi wakabulula mutshima wandi bua kutumikileye malu akambabo kudi Paulo.

Bienzedi 17:11

Kadi bantu aba bakatamba ba mu Tesalonike buimpe, bua bakitabusha dî ne mitshima mimane kulongolola; bakadi badikebela mu Mukanda wa Nzambi ku dituku ku dituku ne, Malu â adi malelela, anyi?

Bienzedi 20:11

Hakabandeye mulu kabidi, hakatshibuleye bidia, hakadieye, hakakuleye musangu mule tô ne hakatshiabu, wakumuka.

Bienzedi 20:7

Hakalua dituka dia kumudilu dia lumingu, hatuakadisangisha bua kutshibula bidia, Paulo wakadi wakulangana nʼabo; buala bua wakasua kumuka hatshiabu, wakadi ulehesha mei andi tô ne mundankulu.

Bienzedi 28:23

Hakamusunguilabo dituku, bakalua ba bungi mu nsubu muandi; yeye wakabalondoluela malu, wakabayisha bua bukelenge bua Nzambi, wakateta bua kubitabushisha Yesu, ne ku mikenshi ya Mose ne ku mei a baprofete, dinda tô ne ku dilolo.

Dielulula 31:9

Mose wakafunda mikenji ei, wakayifila mu bianza bia bakuidi, bana balume ba Lewi, bakadi batuala mushete wa tshihungidi tshia mei a Nzambi, ne kudi bakulu bonso ba mu Isalele.

1 Tesalonike 2:13

Bua muanda eu kabidi katuena tulekela kusakidila Nzambi ne, Hanuakangata dî dinuakunvua kutudi, dia Nzambi mene, nuakaditabusha, kembu dî dia bantu, kadi bu mudidi bushua, dî dia Nzambi mene, didi dienzesha munda muenu badi bitabusha.

Yoshua 8:35

Yoshua kakashiya dî dimue dia mei onso akamba Mose; yeye wakâbadila tshisumbu tshijima tshia Bena Isalele ne bakashi ne bana bakese ne benyi bakadi munkatshi muabo.

Didimanyisha 2:29

Udi ne matshu unvue budi Nyuma wambila ekelesia.

Didimanyisha 3:22

Udi ne matshu unvue budi Nyuma wambila ekelesia.