Nehemya 6:8 - Mukanda wa Nzambi Dihungila Dikulukulu ne Dihungila Dihia-dihia 2003

⁸ Hashishe nakamutumina dî ne, Kabena benza malu bu mudi wamba, kadi wewe wakâfuanyikisha mu mutshima webe nkayebe.

MUKANDA WA MYIDI MUKULU

⁸ Meme kumuandamuna ne: “Bionsu biudi muambe kabiena bia bushiwa to, mbia dishima. Wewe nkayebe ngudi mufuanyikije malu awu!”

Nehemya 6:8 ပူးပေါင်းရင်းမြစ်များ

Nehemya 6:7

Wewe kabidi wakamana kudisunguila baprofete hua kukuakuilabo mu Yelushalema, bamba ne, Mukelenge udi mu Yuda; katataka nebaye kuambila mukelenge mei â. Lua, tusangishe lungenyi.

Yobe 13:4

Kadi nuenu nudi bafuki ba malu a mashimi, buonso buenu nudi bondahi ba hatuhu.

Misambu 36:3

Mei a mukana muandi adi a kuenza malu a tshianana ne a kudinga; wakulekela kuikala muena meji ne mua kuenza malu mimpe.

Misambu 38:12

Bantu badi bakeba kumana muoyo wanyi badi banteyela ndende yabo, badi bakeba kungenzela bibi badi bamba mei bualu bua kabutu, ne badi belangana meji a kudinga nʼau dinda tô ne ku dilolo.

Misambu 52:2

Ludimi luebe ludi luamba malu a kabutu awakuhangidisha, ludi bu dihaya ditue, wewe muenji wa malu a lubombo.

Yeshaya 59:4

Kakuena muntu udi ufunda tshilumbu ne mutshima muakane, kakuena muntu udi wakula tshilumbu tshiandi mu bulelela; buonso buabo badi beyemena malu a hatuhu, badi bamba mashimi; badi bimita mafu adi ne malu mabi ne badi balela bualu bubi.

Danyele 11:27

Bakelenge aba babidi nebateke mitshima yabo ku malu mabi bua kuenza, nebambilangane mei a mashimi batshidibo bashikame ku mesa amue. Kadi muanda udibo bahangidisha kawena alubuluka, bualu bua nshikidilu wa malu au neafike anu mu tshikondo tshiakasungula Nzambi.

Matayi 12:34

Nuenu bana ba nyoka, nudi babi, nudi bamanye mua kuamba mei mimpe munyi? Bua mukana mudi muamba anu malu adi matambe kuvulangana mu mutshima.

Yowanane 8:44

Nuenu nudi bana ba diabolo, tatu wenu, nudi basue kuenza bu mudi nkuka ya tatu wenu. Ku tshibangidilu yeye wakadi mushihianganyi, katu wimana mu bualu bulelela, bua yeye kena ne bualu bulelela munda muandi. Hambeye dî dia mashimi, udi wamba malu andi mene; bua yeye udi muena mashimi, ne udi tatu wau.

Bienzedi 25:10

Kadi Paulo wakamba ne, Ndi muimane ku tshilumbuluidi tshia Kaisa, bundi nʼabu bua kulumbuluishibuaku; tshiakuenzela Bena Yuda bibi, bu mûdi wewe mene mumanye bimpe kabidi.

Bienzedi 25:7

Hakalueye, Bena Yuda bakadi bafume ku Yelushalema bakimana bamunyungulule, bakamubanda malu makole a bungi akadibo kabai bamanye mua kuashikika.