Nehemya 6:2 - Mukanda wa Nzambi Dihungila Dikulukulu ne Dihungila Dihia-dihia 2003

² Sanebalata ne Gesheme bakantumina dî ne, Lua, tusangakene nʼebe mu umue wa misoko ya mu mpata wa Ono. Kadi bakadi belangana meji bua kungenzela bibi.

MUKANDA WA MYIDI MUKULU

² Nanku, Sanebalate ne Ngesheme kumbikila mu musoku wa Kefirime, mu tshibandabanda tshia Ono. Bavua basue kungenzela bibi.

Nehemya 6:2 ပူးပေါင်းရင်းမြစ်များ

2 Samuele 20:9

Yoaba wakebesha Amasa ne, Muanʼetu, udi mukole, anyi? Yoaba wakakuata Amasa ku muedi ne tshianza tshiandi tshia balume bua kumutua mishiku.

2 Samuele 3:27

Hakahingana Abinê ku Hebelone, Yoaba wakaya nʼandi ku tshibi tshia musoko ha nkayandi bua kuyikileye nʼandi talalâ; wakamutua muele muinshi mua mbale yandi bualu bua lukuna lua mashi a Asahele, muakunyʼandi; yeye wakafua.

1 Kulondolola 8:12

Bana ba balume ba Elepâla: Ebê ne Mishama ne Shemede, wakasa Ono ne Lodo ne misoko yakadi ha buihi;

Nehemya 11:35

ne mu Lodo ne mu Ono mu tshibanda tshia bansenda.

Nehemya 3:22

Ku nyima kuandi bakuidi, bantu ba ku Mpata, bakalongolola.

Nehemya 6:3

Nakabatumina ba-messager ne, Meme ndi ngenza mudimu munene, nunku tshiena mua kulua; bundi nʼabu mbua kuhumbisha mudimu hanumuka bianyi bua kulua kunudi bua tshinyi?

Misambu 12:2

Badi bambilangana mashimi, muntu ne muntu ne muena mutumba nʼandi. Badi bakula ne mishiku ya lubombo ne mitshima ibidi.

Misambu 37:12

Muntu mubi udi welela muntu muakane tshifufu, udi umudiangena ku menu.

Misambu 37:32

Muntu mubi udi utentekela muntu muakane, udi ukeba kumushiha.

Muambi 4:4

Hashishe, nakatangila mudimu wonso ne ngenzelu wau mulengele bidi bivuisha bantu mukau. Bualu ebu budi hatuhu, bu kuihata kua luhehele.

Yirmeya 41:2

Yishemaele, muana wa Netanya, ne bantu dikumi bakadi nʼandi bakajuka, bakataha Gedaliya, muana wa Ahikama, muana wa Shafana, ne muele wa nvita, bobo bakashiha muntu wakatekabo gouverneur kudi mukelenge wa Babulona.

Yezekiyele 33:31

Nunku badi balua kûdi bu muakadibo balua diambedi, ne badi bashikama ku mpala kuebe badifuanyikisha bu bantu banyi; badi bunvua mei ebe, kadi kabena baenza; badi ne dinanga dinene ku mishiku, kadi mitshima yabo idi mitangisha ku luhetu luabo.