Nehemya 5:2 - Mukanda wa Nzambi Dihungila Dikulukulu ne Dihungila Dihia-dihia 2003

² Bualu bua bakuabo bakamba ne, Tuetu ne bana betu balume ne bana betu bakashi tudi ba bungi; tuangate blé bua tuetu kudia, tuikale ne muoyo.

MUKANDA WA MYIDI MUKULU

² Bantu bakuabu bavua bamba ne: “Tuetu ne bana betu ba balume ne ba bakaji tudi ba bungi. Tudi basue kupeta ntete ya kuenza bukula mikumbane, bua tuetu kudia, tuikale ne muoyi.”

Nehemya 5:2 ပူးပေါင်းရင်းမြစ်များ

Genese 41:57

Bantu ba mu maloba onso bakalua mu Ejipitu kudi Yosefe bua kusumbabo bia kudia, bualu bua tshiole tshiakadi tshikole mu maloba onso.

Genese 42:2

Yeye wakamba kabidi ne, Monai, nakunvua lumu ne, Bintu bia kudia biakashala mu Ejipitu, yai bienu kuakua, nutusumbileku bia kudia, bua tuetu tuhanduke, katufu.

Genese 43:8

Yuda wakambila Isalele tatuʼandi ne, Utume nsongalume nʼanyi, netubike, netuye, bua betu ne wewe ne bana hetu bakese bikale ne muoyo, katufu

Genese 47:19

Kadi netufuile ku mesu kuebe, netujimishe buloba buetu kabidi bualu kai? Utusumbe bietu ne buloba buetu kabidi ku bia kudia ne tuetu ne buloba buetu netuikale bahika ba Palo, utuhe bia kudia, tuikale ne muoyo, katufu, ne buloba kabushadi hatuhu.

2 Bakalenga 4:1

Mukashi wa umue wa bana ba baprofete wakadila kudi Elisha ne, Muntu webe, bayanyi udi mufue; wewe udi mumanye bu muakatshina muntu webe Yehowa; muena dibanza wakalua bua kuangata bana banyi babidi bu bahika.

Nehemya 5:3

Bakuabo bakamba ne, Tudi tueyeka madimi etu ne madimi a tumuma ne nsubu yetu, bua tusumbe blé bualu bua tshiole tshidiku.

Agayi 1:6

Nuakukuna bintu bia bungi, nuakuhuola bintu bibalê; nudi nudia, kadi kanuena mua kukuta; nudi nunua, kadi kanuena mua kukuta ne binudi nunua; nudi nudiluatshisha bilulu, kadi kanuena mua kuota nʼabi; ne muntu udi wangata difutu ku mudimu wandi udi udiangata bua kuditeka mu tshibombi tshidi tshitubuke.

Malaki 2:2

Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Dielulula 23:19

Kanulombi mukuenu bintu bia kasombela ka bintu biwakamusombesha: kasombela ka argent ne ka bia kudia ne ka bintu bionso biwakamusombesha.