Nehemya 4:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bena Yuda bakamba ne, Bukole bua batuadi ba majitu buakukehela, bilu bia bungi bidi bishala, katuena bamanye mua kuasa lumbu.

MUKANDA WA MYIDI MUKULU

¹⁰ Kadi biangatshile dituku adi, tshia bibidi tshimue tshia bantu bamvua nabu, ke bavua benza mudimu. Bantu bakuabu bavua bambula mafuma, ngabu, mata a mikete, ba-vuale ne tuzaku tua mvita. Balombodi bavua balame bena Yuda bonsu

Nehemya 4:10 ပူးပေါင်းရင်းမြစ်များ

2 Kulondolola 2:18

Yeye wakasungula binunu makumi muanda mutekete bua kutualabo majitu, ne binunu makumi muanda mukulu bua kutahabo mitshi mu mikuna ne tuhita binunu bisatu ne nkama isambombo bua kuenzeshatu bantu mudimu.

2 Kulondolola 34:13

Bobo kabidi bakadi ku mutu kua batuadishi ba majitu, bakenzesha bena midimu bonso mu mudimu wa mushindu wonso, Bena Lewi bakadi bafundi ne tuhita ne batuadishi ba bintu.

Nehemya 4:11

Bakadi nʼetu lukuna bakamba ne, Kabena bamanye bualu, kabena batutangila tô ne hatuamueneka munkatshi muabo bua kubashiha ne bua kubalekesha mudimu.

Nehemya 4:2

Yeye wakamba ku mpala kua bana babo ne kua masalayi a Bena Samalea, wakabebesha ne, Bena Yuda aba batekete badi benza tshinyi? Nebadiashile lumbu anyi? Nebafile milambu ya kuosha, anyi? Nebamane bualu ebu dituku dimue, anyi? Nebasangashe mabue adi bu mishiki mu diala akamanabo kuosha, anyi?

Nehemya 4:9

Kadi tuetu tuakatendelela Nzambi wetu tuakasungula batentekedi bua kutentekelabo munya ne butuku.

Yezekiyele 29:18

Muana wa muntu, Nebukadenesâ, mukelenge wa Babulona, wakenzesha masalayi andi mudimu mukole mu nvita yandi ne Bena Tulo. Mutu wa muntu yonso wakalua dikunyi, diaha dia muntu yonso diakadi ne mabuba; kadi yeye kakaheta difutu, ne masalayi andi kâkangata difutu, bua mudimu wakenzabo wa nvita ne Bena Tulo.

Agayi 1:2

Diakamba ne, Yehowa wa misumba udi wamba ne, Bantu aba badi bamba ne, Tshikondo kantshianze kulua bua kuibaka nsubu wa Yehowa kabidi.

Dibadika 13:31

Kadi bantu bakaya nʼandi bakamba ne, Katuena bamanye mua baluangana ne bantu aba, bualu bua badi batutamba bukole.

Dibadika 32:9

Bualu bua hakayabo mu tshibanda tshia Eshekola, bakatangila buloba, bakahangisha mitshima ya Bena Isalele, bua bobo kabayi mu buloba buakabahabo kudi Yehowa.