Nehemya 3:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Hashishe Eleyashiba muakuidi munene wakabika ne hana babo bakuidi, bakibaka lumbu lua ku luseke lua tshibi tshia mikoko; bakalujidila, bakateka bibi bialu, bakalujidila tô ne ku tshibumba tshia Hamea ne ku tshibumba tshia Hananele.

MUKANDA WA MYIDI MUKULU

¹ Mutuangaji munene Eliyashibe, kutuadija mudimu pamue ne batuangaji bakuabu. Kuibakululabu tshiibi tshia Mikoku, kutshijidilabu. Kuelabu bitupa bibidi bia tshiibi ku mbelu. Kuibakululabu tshimana too ne ku kaleya ka Meya. Kujidilabu tshimana atshi. Kutungunukabu ne dibaka tshimana too ne ku kaleya ka Ananeyele.

Nehemya 3:1 ပူးပေါင်းရင်းမြစ်များ

Nehemya 12:10

Yeshua wakalela Yoyakima, ne Yoyakima wakalela Eleyashiba, ne Eleyashiba wakalela Yoyada,

Nehemya 12:30

Bakuidi ne Bena Lewi bakadilengesha; bakalengesha bantu ne bibi ne lumbu kabidi.

Nehemya 12:39

ha mutu ha tshibi tshia Efelayima ne hehi ne tshibi tshia diambedi ne tshibi tshia ku luseke lua minyinyi ya mu mai ne tshibumba tshia Hananele ne tshibumba tshia Hamea tô ne ku tshibi tshia mikoko; bakimana talalâ ku tshibi tshia balami ba musoko.

Nehemya 13:28

Umue wa bana balume ba Yoyada, muana wa Eleyashiba muakuidi munene, wakadi muku wa Sanebalata, Muena Holona; nunku nakamuihata ku mesu kuanyi.

Nehemya 13:4

Ku mpala kua bualu ebu Eleyashiba muakuidi, wakasungulabo ku mutu kua nsubu mukuabo wa mu nsubu wa Nzambi wetu, wakadi mulamatangane ne Tobiya,

Nehemya 3:20

Ku nyima kuandi Baluka, muana wa Zabai, wakananukila kulongolola tshituha tshikuabo ku ditumba dia lumbu tô ne ku tshibi tshia nsubu wa Eleyashiba muakuidi munene.

Nehemya 3:21

Ku nyima kuandi Melemota, muana wa Uliya, muana wa Hakosa, wakalongolola tshituha tshikuabo ku tshibi tshia ku nsubu wa Eleyashiba tô ne ku ndekelu wa nsubu wandi.

Nehemya 3:32

Hankatshi ha luseke ludi lubanda ku tshibumba ne mushiku wa mbelu wa mikoko batudi ba biamu bia or ne bangendʼa mushinga bakalongolola.

Nehemya 6:1

Hakambilabo Sanebalata ne Tobiya ne Gesheme, Muena Alabâ, ne bena lukuna betu bakuabo ne, Yeye wakumana lumbu, ne kakuena muaba mushimbuke mushaleku (kadi ku tshikondo atshi tshiakanza kuela bibi bionso ku lumbu),

Nehemya 7:1

Hakamanabo lumbu ne hakelabo bibi ne hakasungulabo batuadi ba bintu ne bimbi ba misambu ne Bena Lewi,

Misambu 30:1

Yehowa, nenkutumbishe, bualu bua wakutula, kuakuitabusha bua badi nʼanyi lukuna basanke ku mutu kuanyi.

Misambu 48:12

Endakanai ku nseke yonso ya Siona, numunyunguluke, balai bungi bua bibumba biandi.

Nsumuinu 3:6

Umumanye yeye bimpe mu bienzedi biebe bionso, yeye neakululamishile nshila yebe.

Nsumuinu 3:9

Tumbisha Yehowa ne biuma biebe ne mamuma a kumudilu a mu madimi ebe.

Yirmeya 31:38

Yehowa udi wamba ne, Monai, matuku alualua hashilabo Yehowa musoko ubanga ku tshibumba tshia Hananele ufika tô ne ku tshibi tshia ditumba.

Danyele 9:25

Nunku Umanye, ujingulule ne, Diba diakahatuka mukenji ne, Bahingashe bantu mu Yelushalema ne base musoko tshiakabidi, tô ne ku difika dia muntu muedibue manyi ha mutu, mukokeshi mene, mbingu muanda mutekete neyihite. Hashishe, mu mbingu makumi asambombo ne ibidi nebase musoko tshiakabidi, muikale ne muaba munene bu wa tshisalu ne misesu; tshikondo etshi netshikale tshia ntatu mene.

Zekâya 14:10

Buloba buonso nebukudimuke bu mpata, ku Geba tô ne ku Limona, ku luseke lua Sude lua Yelushalema. Musoko wa Yelushalema newikale ha mukuna, neushale mu muaba wau, ku tshibi tshia Benyamina tô ne ku muaba wa tshibi tshia diambedi, ku tshibi tshia ku ditumba ne ku tshibumba tshia Hananele tô ne ku bikaminu bia nvinyo bia mukelenge.

Yowanane 5:2

Mu Yelushalema, hehi ne tshibuelelu tshia mikoko, mudi mpokolo wa mai a kuowa, udi Bena Yuda babikila ne, Beteseda, wakadi ne bitanda bitanu.

Dielulula 20:5

Ba ha mutu habo nebambile bantu ne, Nganyi wakuasa nsubu muhia-muhia, ne kena muanze kunjidila? Bimpe yeye ahingane ku nsubu kuandi; anyi bialueye mu nvita, muntu mukuabo neajidile nsubu wandi.