Nehemya 11:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Aba mbakelenge ba luseke bakashikama mu Yelushalema; kadi Bena Isalele ne bakuidi ne Bena Lewi ne Bena Netinima ne bana ba bena mudimu ba Solomo bakashikama mu misoko ya mu Yuda, muntu ne muntu mu buhianyi buandi.

MUKANDA WA MYIDI MUKULU

³ Bamfumu ba buloba bavua basombe mu Yerushalayime. Kadi bena Izrayele bakuabu: batuangaji, bena Levi, bena midimu mikuabu ya mu nzubu wa Mvidi Mukulu, too ne bantu ba ku ndelanganyi ya bena mudimu ba Shelomu, bavua basombe mu misoku yabu, muntu muende, muntu muende.

Nehemya 11:3 ပူးပေါင်းရင်းမြစ်များ

Ezela 2:1

Aba mbantu ba ku luseke lua bakumuka mu buhika bakadi Nebukadenesâ, mukelenge wa Babulona, muye nʼabo ku Babulona, bakahingana kabidi ku Yelushalema ne Yuda, muntu ne muntu ku musoko wandi:

Ezela 2:43

Bena Netinima: bana ba Siha ne bana ba Hasufa ne ba Tabaota,

Ezela 2:70

Nunku bakuidi ne Bena Lewi ne bantu bakuabo ne bimbi ba misambu ne batuadi ba bintu ne Bena Netinima bakashikama mu misoko yabo ne Bena Isalele bonso bakashikama mu misoko yabo.

Nehemya 11:20

Bena Isalele bakuabo bonso ne bakuidi ne Bena Lewi bakadi mu misoko yonso ya Yuda, muntu ne muntu mu buhianyi buandi.

Nehemya 11:4

Kadi bakuabo ba Bena Yuda ne ba Bena Benyamina bakashikama mu Yelushalema. Bena Yuda bakadi Ataya, muana wa Uziya, muana wa Zekâya, muana wa Amaliya, muana wa Shefataya, muana wa Mahalalele wa mu bana ba Pelese;

Nehemya 7:39

Bakuidi: Bana ba Yedaya ba mu nsubu wa Yeshua nkama tshitema ne makumi muanda mutekete ne basatu.

Nehemya 7:43

Bena Lewi: Bana ba Yeshua ne ba Kadamiele, bana ba Hodewa, makumi muanda mutekete ne banai.

Nehemya 7:46

Bena Netinima: Bana ba Ziha, bana ba Hasufa, bana ba Tabaota,

Nehemya 7:6

Aba mbantu ba luseke bakumuka mu buhika, bakadi bangatshibue, bakadi Nebukadenesâ, mukelenge wa Babulona, muangate, bakahingana ku Yelushalema ne ku Yuda, muntu yonso ku mosoko wandi;

Nehemya 7:7

bakalua ne Zelubabela ne Yeshua ne Nehemiya ne Azaya ne Lâmeya ne Nahamani ne Môdekai ne Bileshana ne Misepelete ne Bigewai ne Nehuma ne Bâna. Abu mbungi bua balume ba mu Bena Isalele:

Nehemya 7:73

Nunku bakuidi ne Bena Lewi ne batuadi ba majitu ne bimbi ba misambu ne Bena Netinima ne bantu bakuabo ba munkatshi muabo ne Bena Isalele bonso bakashikama mu misoko yabo. Hakalua ngondo wa muanda mutekete, Bena Isalele bakadi mu misoko yabo.