Muambi 2:23 - Mukanda wa Nzambi Dihungila Dikulukulu ne Dihungila Dihia-dihia 2003

²³ Bualu bua matuku andi onso adi ne ntatu ne mudimu wandi udi wa kanyinganyinga; mutshima wandi mene kawena wikisha butuku. Ebu mbualu bua hatuhu kabidi.

MUKANDA WA MYIDI MUKULU

²³ Midimu yende idi imupetesha amu dikenga ne kanyinganyinga buatshia buatshia. Nansha butuku, lungenyi luende kaluena ne dikisha to. Bushuwa, ebi bionsu kabiena biumvuika nansha!

Muambi 2:23 ပူးပေါင်းရင်းမြစ်များ

Genese 3:17

Wakambila Adama ne, Bualu bua wewe wakuteleja di dia mukashi webe, wakudia mamuma a mutshi unakukuambila ne, Kuadi nansha, buloba buakedibua mulau bualu buebe, wewe neudie bidia biabu ne kanyinganyinga matuku ebe onso,

Genese 47:9

Yakoba wakamukudimuna ne Bidimu bia luendu lua bukole buanyi bidi lukama ne makumi asatu, matuku anyi adi makese, akadi mule tente ne malu mabi, kaena manze kufika ku bungi bua bidimu bia bankambua banyi mu luendu lua bukole buabo.

Estere 6:1

Butuku abu mukelenge kakamanya mua kulala tulu; wakamba dî diandi, bakalua ne mukanda wa kulondolola kua malu, bakaubala ku mesu kua mukelenge.

Yobe 14:1

Muntu udi muledibue kudi mukashi udi ne matuku makese a muoyo wandi ne udi mûle tente ne ntatu.

Yobe 5:7

Kadi muntu udi uledibua bua kukengeye, bu mudi nsase iya mulu.

Misambu 127:2

Ebu mbualu bua hatuhu ne, Nudi nubika hatshiatshia, nudi nunenga ha kulala butuku, nudi nudia bidia binuakukuatshila mudimu mukole; bualu bua yeye udi ubifila kudi bananga bandi hatshidibo balala tulu.

Misambu 32:4

Bualu bua munya ne butuku tshianza tshiebe tshiakanemena bujitu hamʼbidi hanyi; tshitelele tshianyi tshiakulua bu munanga wa mushihu.

Misambu 90:15

Utusankishe ne disanka didi diakanangana ne bungi bua matuku awakutukengeshamu, ne bungi bua bidimu bi tuakatangilamu diakabi.

Muambi 1:13

Nakateka mutshima wanyi ne meji anyi mu kukeba ne mu kujingulula kua malu onso adi menjibue muinshi mua diulu; eu mmudimu wa lutatu wakuha Nzambi ba ha buloba bua kubadisha nʼau.

Muambi 1:18

Bualu bua mu meji a bungi mudi kanyinganyinga ka bungi; wavudisha lungenyi neavudishe kanyinganyinga kabidi.

Muambi 2:11

Hashishe, nakatangila midimu yonso yakenza bianza bianyi, ne lutatu lunakadi nʼalu; monai, malu onso akadi hatuhu bu kuihata kua luhehele; kakuakadi bualu buimpe muinshi mua diba.

Muambi 5:12

Tulu tua muena mudimu tudi tuimpe biadieye bintu bikese anyi bia bungi; kadi kukuta kua muntu mubanji kakuena kumuladika tulu.

Muambi 5:17

matuku andi onso akadi mu midima, mu kanyinganyinga, ntatu, masama ne mu tshiji tshikole.

Muambi 8:16

Hanateka mutshima wanyi ku dijingulula dia meji ne ku dimona dia midimu idi yenjibua ha buloba (bualu bua bakuabo badiku badi kabayi baheta tulu ku mesu munya ne butuku),

Danyele 6:18

Hashishe, mukelenge wakabuela mu mbalasa wandi, wakashikamamu butuku bujima ujila bia kudia; kabakalua ne biombelu bia kuholesha nʼabi mutshima wandi, tulu tuakumuka ku mesu kuandi.

Bienzedi 14:22

benda bakolesha mioyo ya bayidi, babasengelela ne, Nushale mu ditabusha dienu; bua tuetu kubuela mu bukelenge bua Nzambi, anu hawahitshila mu makenga a bungi.