Muambi 1:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Muntu udi uheta tshinyi ku mu dimu wonso udiye wenza muinshi mua diba?

MUKANDA WA MYIDI MUKULU

³ Bantu badi batata bikole pa buloba bua kuenza mudimu. Kadi tshidibu bapeta ntshinyi?

Muambi 1:3 ပူးပေါင်းရင်းမြစ်များ

Muambi 2:11

Hashishe, nakatangila midimu yonso yakenza bianza bianyi, ne lutatu lunakadi nʼalu; monai, malu onso akadi hatuhu bu kuihata kua luhehele; kakuakadi bualu buimpe muinshi mua diba.

Muambi 2:18

Nakakina midimu yonso inakenza muinshi mua diba hanakamona ne, Ndi nyishila muntu udi undonda.

Muambi 2:19

Udi mumanye ne, Yeye neikale muena meji anyi muhote nganyi? Kadi yeye neakokeshe midimu yanyi yonso inakenza ne yakalesha bantu lungenyi lunakadi nʼalu muinshi mua diba. Ebu mbualu bua batuhu kabidi.

Muambi 2:22

Muntu udi uheta tshinyi ku midimu yandi yonso yakenzeye ne yakanyingalasheye nʼai mutshima wandi muinshi mua diba?

Muambi 3:9

Muena mudimu udi uheta tshinyi ku mudimu udiye wenza?

Muambi 4:3

ne badi kabayi banze kuledibua ne kabayi banze kutangila malu mabi adibo benza muinshi mua diba badi batamba buonso buabo kusanka.

Muambi 4:7

Nakatangila kabidi malu a hatuhu muinshi mua diba;

Muambi 5:16

Ebu mbualu bubi kabidi bua muntu udi uhingana anu bu muakalueye. Udi ne difutu kai? Wakenzela luhehele mudimu;

Muambi 5:18

Monai, bualu bundi mmona buimpe ne bukumbanyine muntu: adie biandi, anue biandi ne asanke mu midimu yandi yonso idiye wenza muinshi mua diba, matuku onso a muoyo wandi adi Nzambi mumuhe; edi ndifutu diandi.

Muambi 6:12

Nganyi udi mumanye malu adi makanyine muntu udi uhitshisha matuku makese a muoyo wandi wa hatuhu bu mundidimbi? Nganyi udi mua kuambila muntu malu alualua ku mpala kuandi muinshi mua diba?

Muambi 7:11

Lungenyi ludi luakane bu buhianyi; ludi dikuatshisha kudi badi batangila diba.

Muambi 9:13

Nakatangila lungenyi lua nunku muinshi mua diba, luakunkemesha, luakumueneka bu bualu bunene kundi:

Muambi 9:3

Ebu mbualu bubi bua mu malu onso adi menjibue muinshi mua diba ne nshikidilu umue udi kudi bantu bonso; bulelela, mitshima ya bana ba bantu idi miule tente ne malu mabi; kutomboka kudi mu mitshima yabo hatshidibo ne muoyo; ku nyima badi baya kudi bafue.

Muambi 9:6

Dinanga diabo ne lukinu luabo ne mukau wabo biakajimina kale; kabena ne bualu bukuabo tshiendelele mu malu onso adi enjibua muinshi mua diba.

Yeshaya 55:2

Munyi munudi nuidikishila bantu argent bua kusumba tshidi katshiyi bidia? Nudi nufila luhetu lua ku mudimu wenu bua kusumba tshidi katshiyi tshinukuatshisha munyi? Binuangunvuila bimpe, nenudie tshintu tshidi tshilengele, ne mitshima yenu neyisanke mu bia kudia bidi ne manyi.

Abakuke 2:13

Monai, Yehowa wa Misumba kena muhangidishe bua midimu ya bantu kujiminayi mu kahia, anyi? ba mu bisamba bia bantu kabena baditatshisha hatuhu, anyi?

Abakuke 2:18

Luhingu luakusongabo ludi ne dikuatshisha kai kudi mulusongi? Anyi luhingu luakutulabo ludi ne dikuatshisha kai kudi mulutudi? Ludi anu muyishi wa mashimi! Muntu udi utula luhingu, ne udi ufula bintu bia tshianana bidi kabiyi mua kuakula, udi ubieyemena bishi?

Matayi 16:26

Biasumba muntu buloba buonso ku muoyo wandi, mushinga wandi muimpe udi hanyi? Anyi, muntu udi ne tshintu kai tshia kushintakasheye bua kuangateye muoyo wandi kabidi?

Yowanane 6:27

Kanukuatshi mudimu bua bia kudia bitu biafua, kadi nûkuate bua bidi bishala tô ne ku muoyo wa tshiendelele, bianuha Muana wa muntu; bualu bua Tatu, Nzambi mene, wakamuteka tshimanyishilu.

1 Korente 16:16

bua nuenu nuditeke munshi mua bantu ba nunku, ne munshi mua muntu yonso udi ukuatsihahangana nʼetu ne udi wenza mudimu wa Nzambi.