Muadi 5:5 - Mukanda wa Nzambi Dihungila Dikulukulu ne Dihungila Dihia-dihia 2003

⁵ Batuihatshi badi batutua tshianza mu dikoshi; tudi tuenza mudimu mukole, katuyi bahete dikisha.

MUKANDA WA MYIDI MUKULU

⁵ Badi batukengesha badi batulonda. Tudi bapungile, kadi katuena ne dikisha to.

Muadi 5:5 ပူးပေါင်းရင်းမြစ်များ

Yirmeya 27:2

Yehowa udi ukuambila ne, Udienzele tshikokedi tshia mionshi ne mitshi ne utshiteke mu nshingu muebe;

Yirmeya 27:8

Yehowa udi wamba ne, Mu dituku adi, nenkengeshe ba mu tshisamba ne ba mu bukelenge badi kabayi bakuatshila Nebukadenesâ eu, mukelenge wa Babulona, mudimu, ne badi kabayi bitabusha bua kubueshabo nshingu yabo muinshi mua mutshi wa tshikokedi wa mukelenge wa Babulona; nenkengeshe ba mu tshisamba atshi ne muele wa nvita ne tshiole ne tshihuhu, tô ne hanababutula ku tshianza tshiandi.

Yirmeya 28:14

Bualu bua Yehowa wa misumba. Nzambi wa Isalele, udi wamba ne, Meme nakuteka mutshi wa tshikokedi wa tshiamu mu nshingu ya ba mu bisamba ebi bionso, bua bakuatshile Nebukadenesâ, mukelenge wa Babulona, mudimu; nebamukuatshile mudimu bulelela, nakumana kufila nyama yonso ya mu mpata mu bianza biandi kabidi.

Yirmeya 51:58

Yehowa wa misumba udi wamba ne, Ngumbu minene ya Babulona nevishimbudibue kashidi, ne bibi biandi bile nebioshibue ne kahia; nunku bantu badi bakuata mudimu hatuhu, ne bisamba bia bantu bidi biditatshisha anu bua kumona midimu yabo mihie mu kahia.

Muadi 1:14

Mibi yanyi yakusuikibua bu mutshi wa tshikokedi; tshianza tshiandi tshiakuyisuika ha nshingu hanyi; yeye wakutekesha hukole buanyi. Mukelenge wakunfila mu bianza bia bantu bandi tshiyi mumanye mua kuluisha.

Muadi 1:3

Bakuya ne Yuda mu buhika bua kuikaleye ne dikenga ne bua kuenzeye mudimu mukole wa buhika; udi mushikame munkatshi mua bisamba bia bantu, kena uheta dikisha, bakadi bamuihata bakamukuata mu ntatu yandi.

Muadi 4:19

Batuihatshi bakahita nyunyu ya mikanku ya mulu kuya lubilu; bakatuihata tô ne ha mikuna, bakatualamina mu tshihela.

Mika 2:3

Bua malu â Yehowa udi wamba ne, Monai, ndi nnuhangidishila, nuenu ba tshisamba etshi, dikenga dinudi kanuyi mua kumusha ha nshingu yenu, ne kanuena nuenda ne dihetu, bualu bua tshikondo etshi netshikale tshibi.

Matayi 11:29

Angatai mutshi wanyi wa tshikokedi ha nshingu yenu, nuyile malu kundi; bualu bua meme ndi ne kalolo ne kanemu mu mutshima wanyi; nunku nenusangane dikisha mu mitshima yenu.

Bienzedi 15:10

Katataka nudi nutetshila Nzambi munda tshinyi, bua nudi basue kuteka tshikokedi ha nshingu ya bayidi tshiakadi bankambua betu kabai bamanye mua kutshituala ne tuetu kabidi?

Dielulula 28:48

nunku nenukuatshile badi nʼenu lukuna mudimu badi Yehowa unutumina, ne nzala ne nyota ne butaka ne kuhanga kua bintu bionso. Bobo nebanuteke tshikokedi tshia tshiamu ha nshingu yenu tô ne hanuajimishibua kudibo.