Muadi 4:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nyama ya mibuabua mene mene idi yamusha bana bai mabele; kadi muana mukashi wa bana betu wakulua bu muena lukinu, bu nyunyu ya nfiondo ya mu tshihela tshia lusenga.

MUKANDA WA MYIDI MUKULU

³ Nansha nyama ya mibuabua mene idi ne muoyi wa buledi, yamusha bana bayi mabele. Kadi tshisamba tshianyi tshidi bu mamu wa tshikisu, udi kayi utangila bana bende: bu mudi nyunyi munene wa mikolu mile wa mu tshipela.

Muadi 4:3 ပူးပေါင်းရင်းမြစ်များ

1 Bakalenga 3:21

Hanakabika dinda dionso bua kuamusha muana wanyi mabele, nakamumona mufue; kadi hanakamutangila bilengele dinda adi, yeye kakadi muana wanyi unakalela.

Yeshaya 13:22

Nyama ya bimungu neyidile mu mbalasa ya bukelenge babo, mibuabua neyidile mu nsubu yabo ya mushinga mukole. Tshikondo tshiandi tshia kubutuka tshidi tshiamba kufika, ne matuku andi kaena aleha.

Yeshaya 34:13

Meba neatoloke mu mbalasa yabo ya bunfumu, mpesa ne mingonge nebitoloke munda mua ngumbu yabo ya nvita; nebuikale muaba wa mibuabua kuendakanayimu, tshiendelu tshia nyunyu ya nfiondo.

Yeshaya 49:15

Mukashi udi mua kuhua muanʼandi utshidi wamua mabele muoyo, bua yeye kafuidi muana wa balume wakuleleye luse, anyi? Bulelela, bantu aba mene badi mua kuhua muoyo, kadi meme tshiena nkuhua wewe muoyo.

Yirmeya 19:9

Nembadishe munyinyi wa bana babo balume ne munyinyi wa bana babo bakashi; ne buonso buabo, muntu ne muntu, neadie munyinyi wa mulunda wandi, mu kutshintshimika kua musoko ne mu dikenga bidi bena lukuna babo, bobo mene badi bakeba mioyo yabo, babakengesha nʼabi.

Muadi 2:20

Yehowa, utangile uwakuenzela mudiye! Bakashi nebadie bana bakalelabo, badibo bakuongoluela mu maboko, anyi? Muakuidi ne muprofete nebashihibue mu tshitendelelu tshia Mukelenge, anyi?

Muadi 4:10

Bianza bia bakashi badi ne mitshima ya luse biakalamba bana babo baledibue ha kahia; bakalua bia kudia biabo mu tshikondo tshia kubutuka kua muana mukashi wa bana betu.

Yezekiyele 5:10

Nunku batatu nebadie bana babo munkatshi muenu ne bana nebadie batatu babo; nennulumbuluishe, nennumuangalashe buonso buenu badi bashala ne muoyo ku mpehele yonso.

Lewitiki 26:29

Nenudie munyinyi wa bana benu balume ne wa bana benu bakashi.

Rome 1:31

bantu bakadi kabai ne meshi, bakadi kabai balama mei akahungabo, bakadi kabai ne dinanga bu dia bantu, bakadi kabai ne mitshima ya luse.