Muadi 4:21 - Mukanda wa Nzambi Dihungila Dikulukulu ne Dihungila Dihia-dihia 2003

²¹ Wewe muana mukashi wa Edome, udi mushikame mu buloba bua Uza, anji kusanka, wikale ne disanka mu mutshima. Luhanza nelufike kûdi kabidi; neukuatshike maluvu, neuvule bilamba biebe bionso.

MUKANDA WA MYIDI MUKULU

²¹ Nusanke, nutshionkomoke nuenu bena Edome, nuenu badi basomba mu ditunga dia Use! Kadi dikopu dia tshiji nedifike kunudi nuenu kabidi! Nenudinue! Nedinukuate! Nenusombe butaka!

Muadi 4:21 ပူးပေါင်းရင်းမြစ်များ

Genese 36:28

Aba mbana ba Dishana: Usa ne Alana.

2 Kulondolola 28:19

Bualu bua Yehowa wakahuekesha Bena Yuda bualu bua Ahaza, mukelenge wa Isalele, bualu bua yeye wakalekela kukandika Bena Yuda, wakenzela Yehowa bibi.

Yobe 1:1

Muntu wakadiku mu buloba bua Usa, dina diandi Yobo. Wakadi muntu wa mutshima mutoke ne wa malu makane, wakatshina Nzambi, wakehuka ku malu mabi.

Misambu 137:7

Yehowa, uvuluke muakenza Bena Edome mu dituku dia makenga a mu Yelushalema, bu muakambabo ne, Ubutulai! Ubutulai, tô ne ku bishimikidi biau!

Muambi 11:9

Wewe nsongalume, usanke mu bunsongalume buebe, mutshima webe akusankishe mu matuku a bunsongalume buebe; wende mu nshila yonso idi mutshima webe musue ne idi mimpe ku mesu kuebe; kadi Umanye biebe ne, Nzambi neakulumbuluishe bua malu au onso.

Yirmeya 49:12

Bua Yehowa udi wamba ne, Mona, bikala badi kabayi bahile ne bua kunua luhanza, wewe neuhanduke kuyi mulengeshibue, anyi? Kuena uhanduka kabayi bakakengesha, kadi neunue luhanza bulelela.

Yirmeya 49:7

Bualu bua Edome. Yehowa wa misumba udi wamba ne, Meji kaena mu Temana kabidi, anyi? Lungenyi lua bena meji babo luakufua, anyi? Meji abo onso akujimina, anyi.

Yezekiyele 25:6

Bualu bua Mukelenge Yehowa udi wamba ne, Bualu bua nuakututa bikashi, nuakutua mikumu hanshi ne nuakusanka ne lukuna luonso lua mu mitshima yenu bua malu akukuata buloba bua Isalele,

Yezekiyele 25:8

Mukelenge Yehowa udi wamba ne, Bualu bua ba mu Moaba ne ba mu Seî badi bamba ne, Monai, ba mu tshisamba tshia Bena Yuda bakulua bu bisamba bikuabo bionso,

Yezekiyele 26:2

Muana wa muntu, bualu bua Tulo wakuamba dî dibi bualu bua Yelushalema ne, Kia! Musoko wakadi tshibuelelu tshia bantu ba bende wakuhuka, wakunzuluka kundi, nengikale ne bintu tente, bualu bua wowo wakubutuka;

Amosa 1:11

Yehowa udi wamba dî edi ne, Bua malu mabi asatu a Bena Edome, nansha bua anai, tshiena nkudimuna dikenga dindualua kubakengesha nʼadi; bualu bua bakihata bana babo ne muele wa nvita, bakabenga kubalesha luse nansha lukese; tshiji tshiabo tshiakadiku bikondo bionso, ne bobo bakashala nʼabo lukuna kashidi.

Obadya 1:1

Tshikena kumona tshia Obadaya. Mukelenge Yehowa udi wamba dî edi bualu bua Bena Edome ne, Tuakunvua lumu lufume kudi Yehowa, ne bakutuma muloho munkatshi mua bisamba bia bantu, wamba ne, Jukai, tuyai kuluangana ne Bena Edome.

Mika 1:11

Hita biebe, muana mukashi udi mushikame butaka, udi mufuishibue bundu mu musoko wa Shafila. Muana mukashi wa mu musoko wa Sânana kena muanji kuluhukamu. Muadi wa Bete-esele neunuhumbishe bua kuimana hehi nʼandi.

Abakuke 2:16

Bundu buebe nebutambe, butumbi buebe nebukehe; nua biebe, utetuke! Luhanza lua mu tshianza tshia bukole tshia Yehowa nelufike kûdi, bundu bukole nebubihishe butumbi buebe.

Didimanyisha 16:15

(Tangila, ndi ndua bu muibi, Disanka didi kudi udi mutabale ne udi ulama bivualu biandi, hua yeye kendakanyi butaka ne bua kabatangidi bundu buandi.)