Muadi 4:14 - Mukanda wa Nzambi Dihungila Dikulukulu ne Dihungila Dihia-dihia 2003

¹⁴ Bakadi babubuta bu bantu bafofo mu misesu; bakadi banyanguke ne mashi, nunku bantu kabakadi mua kulenga bivualu biabo.

MUKANDA WA MYIDI MUKULU

¹⁴ Badi benda babubuta mu njila bu mpofu, mibidi minyanguke ne mashi. Mbakandike bantu bua kulenga nansha ku bilamba biabu.

Muadi 4:14 ပူးပေါင်းရင်းမြစ်များ

Yeshaya 1:15

Nunku, hanuolola bianza bienu kundi, nensokoke mesu anyi kunudi; e, hanuantendelela ne mitendelelu ya bungi mene, tshiena nnunvuila; bianza bienu bidi biule tente ne mashi.

Yeshaya 56:10

Batentekedi bandi badi bafofo, buonso buabo kabena ne meji, buonso buabo badi bu mbua idi ihuwa, idi kayiyi mua kubuluka; idi ilotakana, idi ilala hanshi, idi misue kulala tulu.

Yirmeya 2:34

Bualu bukuabo kabidi, badi basangana mashi a mioyo ya bahele badi kabayi ne bilumbu mu bivualu biebe. Kuena mubasangane bahanda nsubu bua kubuelamu, kadi wakubasangana bahidia kuenza malu au onso.

Yirmeya 26:8

Hakashikisha Yelemiya kuamba mei onso akamuambila Yehowa bua kuambileye bonso, bakuidi ne baprofete ne bantu bonso bakamukuata, bamba ne, Wewe neufue bulelela.

Yezekiyele 23:45

Bantu bakane nebabahishe ne dihisha didibo bahisha nʼadi bakashi ba masandi ne dihisha dia bakashi badi bamatshisha mashi a bakuabo hanshi; bualu bua badi bakashi ba masandi, ne mashi adi ha bianza biabo.

Osheya 4:2

Anu kuditshiha ne mitshihu ya mashimi, kudinga, kushihangana, kuiba ne kuenda kua masandi kudiku. Badi bashimbula bimanu bia nsubu, ne kumatshisha kua mashi kudi kulonda kumatshisha kua mashi.

Sefanya 1:17

Nentumine bantu makenga, nebende babubuta bu bantu bafofo, bualu bua bakuenzela Yehowa bibi. Mashi abo neahongoloke hanshi bu luhuishi, minyinyi yabo neyimashibue bu tunvi.

Dibadika 19:16

Muntu yonso wa mu budimi udi ulenga mundi wakafua ku muele wa nvita bianza, anyi mubidi wa mundi mufue, anyi mufuba wa mundi, anyi lukita, neikale bu mundi udi kayi muakane tô matuku muanda mutekete.

Dibadika 35:33

Nunku kanuena nuona buloba bunudi nushikamamu, bualu bua mashi adi ona buloba, kabena bamanye mua kuhikula buloba hakamata mashi, anu ku mashi a muntu wakamatshisha mashi.

Matayi 15:14

Nubalekele, badi balombodi bafofo, Bialombola mufofo munga mufofo, bubidi buabo nebahone mu dina.

Efeze 4:18

bakafikishibua mu meshi abo badi bavuishibua benyi ku muoyo wa Nzambi, bualu bua dihanga dia lungenyi munda muabo, bua dikoleshibua dia mitshima yabo.