Muadi 3:22 - Mukanda wa Nzambi Dihungila Dikulukulu ne Dihungila Dihia-dihia 2003

²² Malu makane a Yehowa kaena ashika tshiendelele, ne luse luandi kaluena luhanga;

MUKANDA WA MYIDI MUKULU

²² Ke buimpe bua Maweja-Nangila budi kabuyi bujika, dinanga diende didi kadiyi ndekelu.

Muadi 3:22 ပူးပေါင်းရင်းမြစ်များ

2 Samuele 24:14

Davidi wakambila Gada ne, Ndi munkatshi mua malu manene: tuhone mu bianza bia Yehowa, bualu bua luse luandi ludi lunene; tshihonyi mu bianza bia bantu.

Nehemya 9:31

Kadi hua luse luebe lunene wewe kuakababutula buonso buabo, kuakabalekela; bualu bua wewe udi Nzambi wa diakalengele ne wa luse.

Misambu 103:10

Kena mutuenzele bu mudi mibi yetu, kena mutufute bu mudi malu etu a tshishiku.

Misambu 106:45

Wakavuluka tshihungidi tshiandi bua bualu buabo, wakakudimuna mutshima wandi bu mudi divulangana dia luse luandi lujalame.

Misambu 69:17

Kusokoki muntu webe mpala webe; bualu bua ndi mu dikenga, witabe kundi lukasa.

Misambu 77:8

Luse luandi lujalame luakumana kuhuwa tshiendelele, anyi? Mulayi wandi wakuhanga tshiendelele, anyi?

Misambu 78:38

Kadi bualu bua yeye wakadi mûle tente ne luse, wakababuikidila tshitshu tshiabo, kakababutula. Bulelela, yeye wakakanda tshiji tshiandi misangu ya bungi, kakasonsola tshiji tshiandi tshionso nansha.

Misambu 86:15

Kadi wewe, Mukelenge, udi Nzambi udi ufuila bantu luse ne diakalengele; udi ne lutulu ludi lukanda tshiji tshiebe, udi mûle tente ne luse lujalame ne lulamatu lua bushuwa.

Yirmeya 3:12

Ya, wele mbila ei ku luseke lua node, wamba ne, Yehowa udi wamba ne, Wewe Isalele, mundekedi, hingana kundi, Yehowa udi wamba ne, Tshiena nkutangila ne tshiji; bualu bua ndi ne luse; tshiena ngikala ne tshiji tshiendelele.

Yirmeya 30:11

Yehowa udi wamba ne, Ndi nʼebe bua kukusungila. Nembutule bisamba abi bionso kashidi binakunumuangalasha munkatshi muabo, kadi tshiena nkubutula wewe kabutu. Nenkubele ne kulumbulula kuakane, kadi tshiena nkulekela tshianana, kuyi mukengeshibue.

Yirmeya 31:20

Efelayima udi muanʼanyi munanga, anyi? Udi muana undi nkongoluela, anyi? Bua misangu yonso hanamujiana, ntshidi mmuvuluka. Yehowa udi wamba ne, Nunku mutshima wanyi udi umujinga, nemmufuile luse bulelela.

Danyele 9:9

Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Malaki 3:6

Bua meme Yehowa tshitu ngakudimuka, nunku nuenu, bana ba Yakoba, kanuena nubutuka.

Luke 1:50

Luse luandi ludi ku milongo ne ku milongo Ya bantu badi bamutshina.