Muadi 2:19 - Mukanda wa Nzambi Dihungila Dikulukulu ne Dihungila Dihia-dihia 2003

¹⁹ Juka, asa muadi mu butuku, ku tshibangidilu tshia mpolo ya diba dia batentekedi; uhumune malu a mu mutshima webe bu mai ku mesu kua Mukelenge; bisha bianza kudiye bua kumulomba mioyo ya bana bebe, badi baleuka bua nzala mu misesu yonso.

MUKANDA WA MYIDI MUKULU

¹⁹ Kupuwi to! Asa amu muadi ku diba ne ku diba, dila butuku bujima. Ambila Maweja-Nangila bionsu bidi munda muebe. Umuoluele bianza, umutendekene, bua bana bebe, badi benda bafua ne nzala ku mielelu yonsu ya njila, bapete muoyi.

Muadi 2:19 ပူးပေါင်းရင်းမြစ်များ

Yobe 3:24

Kuhumuna kuanyi kudi kulua ku mpala kua bia kudia bianyi, ne kutua kuanyi kua mikemu kukole kudi kuhumuka bu mai.

Misambu 119:55

Ndi nvuluka diha diebe butuku, Yehowa, ndi ndonda mikenji yebe.

Misambu 134:2

Bishai bianza bienu ku muaba wa tshijila, nuvudishile Yehowa disanka.

Misambu 141:2

Kulomba kuanyi kuikale ku mpala kuebe bu muhuya wa musenga wa manananshi, ne kuolola kua bianza bianyi kuikale bu mulambu udibo bafila dilolo.

Misambu 142:2

Ndi mpumuna mei a kuabakana kuanyi ku mpala kuandi, ndi mmulondela ntatu yanyi ku mpala kuandi.

Misambu 142:3

Hahanga nyuma wanyi munda muanyi, wewe udi mumanye nshila wanyi. Mu nshila mundi ngendela bakunteya buteyi.

Misambu 28:2

Unvua dî dia kutendekena kuanyi, hanadila kûdi, longolola bianza bianyi ku muaba webe mutambe wa tshijila.

Misambu 42:3

Binsonshi bianyi biakulua bia kudia bianyi munya ne butuku, hatshidi bantu bankonka dinda tô ne ku dilolo ne, Nzambi webe udi hanyi?

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

Misambu 42:8

Mu munya Yehowa neantumine luse luandi lujalame ku dî diandi, ne butuku musambu undi mmuimbila nengikale nʼau, mutendelelu mene undi utendelela nʼau Nzambi wa muoyo wanyi.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Misambu 63:4

Nunku nenkuvudishile disanka hantshidi ne muoyo; nengolole bianza bianyi kulu bua kutendelela mu dina diebe.

Yeshaya 26:9

Nakukujinga mu mutshima wanyi butuku; e, ndi nkukeba ne mutshima wanyi wonso. Bualu bua, hikala kulumbulula kuebe ha buloba, badi bashikame ha buloba badi bayila buakane.

Yeshaya 51:20

Bana bebe ba balume bakufua tshihuka badi balala hanshi mu masanga a misesu yonso, bu ngulungu mukuate mu bukuondo; badi bûle tente ne tshiji tshia Yehowa, ne kubela kua Nzambi webe.

Yirmeya 14:18

Binaya mu budimi, monai, bashihibue ku muele wa nvita badimu! Binabuela mu musoko, monai, badi balekesha kudi tshiole badimu! Bualu bua muprofete ne muakuidi, bubidi buabo, badi bendakana mu buloba batatakana kabayi ne lungenyi.

Yirmeya 9:20

Kadi nuenu bakashi, unvuai dî dia Yehowa; matshu enu itabushe dî dia mukana muandi; nuyishe bana benu bakashi mua kuasabo muadi; muntu yonso ayishe muena mutumba nʼandi bua kudileye.

Yezekiyele 5:10

Nunku batatu nebadie bana babo munkatshi muenu ne bana nebadie batatu babo; nennulumbuluishe, nennumuangalashe buonso buenu badi bashala ne muoyo ku mpehele yonso.

Yezekiyele 5:16

Nennuele mikete mihi ya tshiole, ya dibutula mene, indi ntuma bua kunubutula. Nenkoleshe tshiole munkatshi muenu, nentshibule tshinudi nueyemena bua kuangata bia kudia.

Mika 1:16

Dikungula mutu, kosa nsuki yebe yonso, bua kujinga bana baudi usankila; ubeye dibala mu mutu bu dia nyunyu wa mukanku, bualu bua nebumushibue kûdi bua kuya mu buhika kule.

Nahume 3:10

Kadi bakaya nʼandi kukuabo, wakabuela biandi mu buhika Bakashiha bana bandi batekete mu misesu yonso, bakelela bantu bandi baneme nshobo, bakasuika bantu bandi ba butumbi ne nkanu.

Matayi 14:25

Hakadi diba bu ha inai hatshiatshia, Yesu wakalua kudibo, wenda ha mutu ha mai.

Marke 1:35

Hatshiatshia, butuku kabui buanze kutshia, yeye wakabika, wakaluhuka, wakaya mu tshihela, wakatendelelaku Nzambi.

Marke 13:35

Nuenu nudimuke; bua kanuena bamanye dituku dialua muena nsubu, ne ndilolo, ne mundankulu, ne mpasama tshitala tshiambedi, ne ndinda;

Luke 6:12

Mu matuku â yeye wakaya ku mukuna bua kutendelela Nzambi; wakamutendelela tô butuku buonso.

1 Timote 2:8

Nunku ndi musue balume batendelele Nzambi mu miaba yonso, babishe bianza bia tshijila, kabai ne tshishi ne dielangana dia mpata.

Balombodi 7:19

Nunku Gideona ne lukama lua bantu bakadi nʼandi, bakalua ku butshika bua tshitudilu mundankulu hakatekabo bansentedi bahia-bahia anu musangu muihi; bakela mpungi, bakashiha milondo yakadi mu bianza biabo.

1 Samuele 1:15

Hana wakamukudimuna ne, Nansha, mukelenge wanyi, ndi mukashi udi ne mutshima munyingalala; tshiakanua nvinyo anyi maluvu makole; kadi nakuambila Yehowa malu onso adi mu mutshima wanyi.

1 Samuele 7:6

Bakadisangisha ku Misepa, bakasuna mai, bakâhongolola ku mesu kua Yehowa, bakajila bia kudia dituku adi, bakamba ne, Tuakuenzela Yehowa bibi. Samuele wakalumbulula Bena Isalele mu Misepa.