Muadi 2:17 - Mukanda wa Nzambi Dihungila Dikulukulu ne Dihungila Dihia-dihia 2003

¹⁷ Yehowa wakuenza bualu ebu buakuhangidisheye bua kuenza; wakushikisha dî diandi; bu muakeleye mukenji kale, wakukubutula kayi mukuleshe luse; wakusankisha bena lukuna bua bualu buebe, wakubandisha lusengu lua bakukengeshi.

MUKANDA WA MYIDI MUKULU

¹⁷ Maweja-Nangila mmuenze tshivuaye muele meji, mmukumbaje tshivuaye muambe, tshivuaye mushindike ku kale. Mmubutule kayi ne luse. Uvua musankishe muluishi ne dikenga diebe, uvua mukoleshe ditambisha dia muena lukuna webe.

Muadi 2:17 ပူးပေါင်းရင်းမြစ်များ

1 Bakalenga 9:7

nengumushe Bena Isalele mu buloba ebu bunakabaha; nengimashe nsubu eu unakajidila dina dianyi ku mesu kuanyi, ne Bena Isalele nebikale bu lusumuinu ne bu tshihendu munkatshi mua bantu bonso.

Misambu 35:24

Yehowa Nzambi wanyi, unkosele tshilumbu tshianyi bu mudi buakane buebe; bobo kabasanki bualu buanyi.

Misambu 35:26

Badi basanka bualu bua dikenga dianyi bafuishibue bundu, babuandakashibue, buonso buabo hohamue. Badi badibandisha ku mpala kuanyi baluatshishibue bundu ne dikeheshibua.

Misambu 38:16

Bualu bua nakamba ne, Kabasanki bua bualu buanyi, badi badibandisha ku mpala kuanyi, haselemuka dikasa dianyi.

Misambu 89:42

Wewe wakubandisha tshianza tshia bukole tshia bena lukuna bandi mulu; wakusankishe mitshima ya bonso badi nʼandi lukuna.

Misambu 89:43

E, wakutshihasha ditua dia muele wandi wa nvita, kuakumujadika bua yeye kudimanyika mu nvita.

Yeshaya 14:29

Nuenu ba mu Peleshete, buonso buenu, kanusanki bualu bua tshibonge tshiakanututabo nʼatshi tshiakutshibuka, bualu bua nyoka wa dikala neahatuke mu muji wa nyoka, ne muana udi dikala dilela neikale nyoka udi uhahala ne udi utema bu kahia.

Yirmeya 18:11

Nunku wambile bantu ba mu Yuda ne ba mu Yelushalema dî edi ne, Yehowa udi wamba ne, Monai, ndi nnulongoluela makenga, ndi nnusunguila bualu bua kunuenzela; nunku buonso buenu nulekele kuenda mu nshila idi mihi, nulengeshe bienzedi bienu ne malu anudi nuenza.

Yirmeya 4:28

Bua bualu ebu ba ha buloba nebase miadi, diulu nedikale difike; bualu bua nakuamba bualu ebu, nakubuhangidisha, ne tshiakukudimuna mutshima wanyi bua bualu ebu, tshiena akudimuka kabidi.

Yirmeya 40:3

Yehowa wakushikisha dî diandi, wakuenza bu muakambeye; bualu bua nuakenzela Yehowa bibi, kanuakatumikila dî diandi; nunku malu a onso akunukuata.

Muadi 1:5

Bamukengeshi bakumutshimuna, badi nʼandi lukuna badi ne diakalengele; bualu bua Yehowa wakunkengesha bua kuvulangana kua malu mabi andi. Bana handi batekete bakubuela mu buhika kudi bena lukuna bandi.

Muadi 2:8

Yehowa wakahangidisha bualu bua kubutula lumbu lua muana mukashi wa Siona; wakaluidikisha ne muonshi; kakukanda tshianza tshiandi bua katshilûhuidi; wakashisha tshibumba tshikole ne lumbu muadi, bidi biteketa diatshimue.

Muadi 3:43

Wewe wakudibuikila ne tshiji, wakutuihata mu nshila, wakushiha bantu kuyi mubafile luse.

Muadi 4:11

Yehowa wakabakengesha tô ne hakashika tshiji tshiandi, wakahumuna tshiji tshiandi tshitambe bukole; wakatemesha kahia mu Siona, kakosha bishimikidi biandi.

Yezekiyele 5:11

Yehowa udi wamba ne, Bu mundi meme ne muoyo, bualu bua nuakunyanga tshitendelelu tshianyi ne mpingu yenu yonso idi intonda ne malu enu onso adi atshinyanga, nennuhoneshe hahshi; disu dianyi kadiena dinumona ne dinanga ne tshiena nnulesha luse.

Yezekiyele 8:18

Nunku nengenze malu anyi ne tshiji tshikole. Disu dianyi kadiena dibatangila ne dinanga, tshiena mbafuila luse; nansha biadilabo ne di dikole mu matshu anyi, tshiena mbunvuila.

Yezekiyele 9:10

Nunku meme hanyi tshiena mbalesha dinanga, tshiena mbafuila luse, kadi nempingashe dikenga bu difutu dia bienzedi biabo ha mitu babo.

Danyele 9:12

Yeye wakujadika mei andi akutuhisheye nʼau, ne akuhisheye nʼau bakokeshi betu bakadi batukokesha hakututumineye dikenga dikole. Kabena banze kuenza muanda muinshi mua diulu dionso bu muanda eu wakuenzelabo Yelushalema.

Mika 2:3

Bua malu â Yehowa udi wamba ne, Monai, ndi nnuhangidishila, nuenu ba tshisamba etshi, dikenga dinudi kanuyi mua kumusha ha nshingu yenu, ne kanuena nuenda ne dihetu, bualu bua tshikondo etshi netshikale tshibi.

Sefanya 1:2

Yehowa udi wamba ne, Nembutule bintu bionso hanshi ha buloba kabutu.

Zekâya 1:6

Kadi mei anyi ne mikenji yanyi, binakuelela bantu banyi baprofete, kabiakafika kudi batatu benu, anyi? Nunku bobo bakakudimuka, bakamba ne, Bu muakadi Yehowa wa misumba muhangidishe bua kutuenzela bua bienzedi bietu ne bua malu etu, mbu mudiye mutuenzele.