Muadi 2:12 - Mukanda wa Nzambi Dihungila Dikulukulu ne Dihungila Dihia-dihia 2003

¹² Hatshidibo baleuka mu misesu bu mudi muntu udibo bataha mputa wenza, hatshidibo bahuola mioyo yabo mu biadi bia bamamuʼabo, badi bakonka bamamuʼabo ne, Bia kudia ne nvinyo bidi kudi kunyi?

MUKANDA WA MYIDI MUKULU

¹² Bana badi bakonka mamuabu ne: “Biakudia biepi?” Badi balewuka mu misesu ya mu tshimenga, bu bantu badibu batapa mputa. Badi bakula muoyi mu maboku a mamuabu.

Muadi 2:12 ပူးပေါင်းရင်းမြစ်များ

Yobe 30:16

Mpindiu mutshima wanyi udi uhumuna kanyinganyinga kau munda muanyi; matuku a makenga anyi adi ankuata.

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

Misambu 62:8

Nuenu bantu, numueyemene misangu yonso, nuhumune milombu ya mu mitshima yenu ku mpala kuandi; Nzambi udi tshinyemenu tshietu.

Yeshaya 51:20

Bana bebe ba balume bakufua tshihuka badi balala hanshi mu masanga a misesu yonso, bu ngulungu mukuate mu bukuondo; badi bûle tente ne tshiji tshia Yehowa, ne kubela kua Nzambi webe.

Yeshaya 53:12

Nunku nemmutahuluile luseke lua bintu hohamue ne bantu banene, ne yeye neabanyangane bintu binyenga mu nvita hohamue ne bantu bakole; bualu bua wakahumuna mashi a muoyo wandi tô ne ku lufu, wakabadibua munkatshi mua bantu babi, hakatualeye mibi ya ba bungi, ne wakakuila benji ba malu mabi.

Yirmeya 5:17

Nebadie bintu bia mu madimi enu ne bidia bienu, nebashihe bana benu ba balume ne bana benu ba bakashi; nebadie bisumbu bienu bia mikoko ne bimuna; nebanyange mionshi yenu ya tumuma ne mitshi ya nfigi; nebashimbule misoko yenu ya ngumbu inuakueyemena ne muele wa nvita.

Muadi 1:11

Bantu bandi bonso badi hatua mikemu mu dikeba diabo dia bia kudia; bakushintakasha bintu biabo bia mushinga mukole ku bia kudia bia kukankamasha mioyo yabo. Wewe Yehowa, umone, umone bu munakuhetudibua!

Muadi 4:4

Ludimi lua muana utshidi wamua mabele ludi lulamata mu tshilakalaka bualu bua nyota yandi. Bana batekete badi balomba bidia, ne kakuena muntu udi ubahabi.

Yezekiyele 30:24

Nenkoleshe maboko a mukelenge wa Babulona, nenteke muele wa nvita mu bianza biandi, kadi nentshibule maboko a Palô, ne yeye neatue mikemu ku mpala kuandi, mikemu bu ya muntu udi mutahibue mputa ya lufu.