Muadi 2:11 - Mukanda wa Nzambi Dihungila Dikulukulu ne Dihungila Dihia-dihia 2003

¹¹ Mesu anyi adi mûle tente ne binsonshi, mutshima wanyi udi unyingalala; mutshima wanyi wakuhandika, bualu bua kubutuka kua muana mukashi wa bana betu, bualu bua bana batekete ne bana batshidi bamua mabele badi bahungila mu misesu ya musoko.

MUKANDA WA MYIDI MUKULU

¹¹ Mesu anyi mmakunze ne muadi. Kanyinganyinga kadi kantonda. Tshiena ne ditekemena kabidi, bualu tshisamba tshianyi ntshibutuke. Bana ba mu maboku badi bafua ne nyota mu misesu ya mu tshimenga.

Muadi 2:11 ပူးပေါင်းရင်းမြစ်များ

Yobe 16:13

Mikete yandi idi innyunguluka nseke yonso. Udi uhanda tumuma tua tuonyi tuanyi hankatshi, kayi unfuila luse. Udi uhumuna nyongangandu wanyi hanshi ha buloba.

Yobe 30:27

Munda muanyi mudi mukungulu, kamuena muhuwa; matuku a dikenga dianyi akulua kusambakena nʼanyi.

Misambu 119:82

Mesu anyi adi ateketa handi ngindila mulayi webe, handi nkonka ne, Wewe neunsambe diba kai?

Misambu 22:14

Ndi muhongoloke bu mai, mifuba yanyi yonso idi mihauke mu manungu ai; mutshima wanyi udi bu dihula, wakufingatuka munda muanyi.

Misambu 31:9

Unfuile luse, Yehowa, bualu bua ndi mu dikenga; mesu anyi adi mondoke ne tshinyanu bualu bua kanyinganyinga, muoyo wanyi ne mubidi wanyi bidi bienza nunku kabidi.

Misambu 38:8

Nakubanga ne ndi mutshibuke bikole; ndi ntua mikemu bualu bua dihampakana dia mu mutshima wanyi.

Misambu 6:7

Mesu anyi adi mondoke ne tshinyanu bualu bua kanyinganyinga kanyi, adi alua bileshileshi bualu bua bena lukuna banyi.

Misambu 69:3

Ndi muhungile bualu bua kudila kuanyi, mununu wanyi wakûma bikole. Mesu anyi adi ne bileshileshi bua kuindila kua Nzambi wanyi.

Yeshaya 22:4

Nunku nakamba ne, Lekelai kuntangila, bua meme ndile bikole. Kanukebi kunsamba bualu bua kubutuka kua muana mukashi wa bantu banyi.

Yeshaya 38:14

Nakadila bu mudi nyunyu wa kandindi anyi nyunyu wa mudinga udila, nakadila bu nyunyu wa nkutshi. Mesu anyi adi ahanga ne kutangila kuau mulu; Mukelenge, badi bankengesha; wikale tshieya tshianyi!

Yeshaya 51:20

Bana bebe ba balume bakufua tshihuka badi balala hanshi mu masanga a misesu yonso, bu ngulungu mukuate mu bukuondo; badi bûle tente ne tshiji tshia Yehowa, ne kubela kua Nzambi webe.

Yirmeya 14:17

Wewe ubambile dî edi ne, Mesu anyi ahuekeshe binsonshi munya ne butuku, kabikami; bualu bua muana mukashi wa bantu banyi utshidi kamama, wakashimbuka ne kushimbuka kunene bu lumbu, wakutahibua mputa munene.

Yirmeya 4:19

Ndi nyingalala! Ndi nyingalala! Ndi ne kanyinganyinga tô ne ku mutshima wanyi mene! Mutshima wanyi udi ukumakuma munda muanyi; tshiena mua kuhuwa talalâ; bualu bua wewe, mutshima wanyi, wakumpa dî dia mpungi, didi dibisha bantu bua kuluanganabo nvita.

Yirmeya 44:7

Nunku Yehowa, Nzambi wa misumba, Nzambi wa Isalele, udi wamba mpindiu ne, Nudi nuenzela mioyo yenu mene bualu bubi, bua meme kunûmushila balume ne bakashi, muana mukese ne muana utshidi wamua mabele, munkatshi mua Bena Yuda, tshiyi nnushila muntu umue, bua tshinyi?

Yirmeya 8:19

Unvuai! Dî dia muadi wa muana mukashi wa bantu banyi didi difuma ku buloba budi kule kutamba, diamba ne, Yehowa kena mu Siona, anyi? Mukelenge wandi kenamu, anyi? Bualu kai bakunkuatshika tshiji ku mpingu yabo misonga ne bintu bia hatuhu ya bantu ba bende?

Muadi 1:11

Bantu bandi bonso badi hatua mikemu mu dikeba diabo dia bia kudia; bakushintakasha bintu biabo bia mushinga mukole ku bia kudia bia kukankamasha mioyo yabo. Wewe Yehowa, umone, umone bu munakuhetudibua!

Muadi 1:16

Bua malu â onso udi ndila; binsonshi bidi bihatuka ku mesu kuanyi; bualu bua musambi udi mua kukankamisha mutshima wanyi udi nʼanyi kule; bana banyi badi ne kanyinganyinga, bualu bua bena lukuna bakutamba bukole.

Muadi 1:20

Yehowa, tangila biebe, bualu bua ndi mu ntatu, mutshima wanji udi usama; mutshima wanyi wakunyengabala munda muanyi, bualu bua nakutombokela Nzambi bikole. Ha mbelu muele wa nvita wakubishila bantu lufu, mu nsubu mudi lufu kabidi.

Muadi 5:17

Bua bualu ebu mitshima yetu yakuteketa; bua malu â mesu etu adi bitayitayi;

Luke 23:29

Tangilai, matuku alualua amba bantu ne, Bakashi badi nkumba badi ne disanka ne mafu adi kâi manze kulela bana ne mabele adi kâi mâmushe.

1 Samuele 30:4

Hashishe Davidi ne bantu bandi bakabisha mei abo, bakadila tô ne hakahangabo mua kudila.