Muadi 2:1 - Mukanda wa Nzambi Dihungila Dikulukulu ne Dihungila Dihia-dihia 2003

¹ Mona mudi Mukelenge mubuikile muana mukashi wa Siona ne ditutu mu tshiji tshiandi! Wakukulula butumbi bua Isalele mu diulu bua kubuhuekesha hanshi; kakuvuluka ditanda dia muinshi mua makasa andi mu dituku dia tshiji tshiandi.

MUKANDA WA MYIDI MUKULU

¹ Eyi! Bua tshiji tshiende, Maweja-Nangila udi ubuikila Yerushalayime ne mavuba! Butumbi buvua Izrayele nabu mu diulu, kubuimanshaye panshi pa buloba. Pavuaye mufikile Siyone munda, kavua muvuluke muvua Siyone muikale tshidiatshilu tshia makasa ende nansha.

Muadi 2:1 ပူးပေါင်းရင်းမြစ်များ

2 Samuele 1:19

Butumbi buenu, Bena Isalele, buakashihibua ha mutu ha mikuna! Monai bu muakashihibua bena bukitu!

1 Kulondolola 28:2

Hashishe mukelenge Davidi wakajuka hanshi, wakimana ku makasa andi, wakamba ne, Unvuai, bana betu ne bantu banyi; meme nakadi ne bualu mu mutshima wanyi bua kuibakila mushete wa tshihungidi tshia mei a Yehowa nsubu wa kuikisha ne tshitekelu tshia muinshi mua makasa a Nzambi wetu; nakabanga kulongolola bintu bia kuasa nʼabi nsubu.

Misambu 132:7

Tubuele mu muaba mudiye muikale, tumutendelele ku ditanda dia muinshi mua makasa andi.

Misambu 89:45

Wakukehesha matuku a bunsongalume buandi, wakumufuisha bundu ku mesu tente.

Misambu 99:5

Tumbishai bienu Yehowa Nzambi wetu; numukukuile ku ditanda diandi dia muinshi mua makasa. Yeye udi wa tshijila!

Yeshaya 64:11

Nsubu wetu wa tshijila mulengele, kuakadi batatu betu bakutu-mbishilamu wakulua ne kahia, miaba yetu yonso yakadi itusankisha yakulua bikulu.

Yirmeya 30:14

Bakunangi bebe bonso bakukuhua muoyo, kabena bakukeba kabidi; bualu bua nakukutaha mputa bu wa muena lukuna, nakukukengesha ne dikengesha dia muena lukuna udi kayi ne luse, bualu bua mibi yebe yakadi ya bungi, ne malu mabi ebe akuvulangana.

Muadi 1:1

Monai musoko wakadi tente ne bantu mudiu mushale mutuhu! Wowo wakadi munene munkatshi mua bisamba bia bantu wakulua bu mukashi wa mu lufuila! Yeye wakadi mukelenge mukashi munkatshi mua misoko mikuabo ya buloba ukadi uyilambula!

Muadi 1:12

Monai, nuenu honso badi bahita mu nshila, nutangile buonso buenu ne dikenga dikuabo didiku didi bu dikenga diakunkengeshabo nʼadi, didi Yehowa unkengesha nʼadi mu dituku dia tshiji tshiandi tshikole, anyi?

Muadi 2:17

Yehowa wakuenza bualu ebu buakuhangidisheye bua kuenza; wakushikisha dî diandi; bu muakeleye mukenji kale, wakukubutula kayi mukuleshe luse; wakusankisha bena lukuna bua bualu buebe, wakubandisha lusengu lua bakukengeshi.

Muadi 4:1

Monai, tshiamu tshia or tshiakubuitshidila! or mulelela wakakudimuka! Badi bela mabue akadi mu nsubu wa tshijila hanshi mu misesu yonso.

Muadi 4:11

Yehowa wakabakengesha tô ne hakashika tshiji tshiandi, wakahumuna tshiji tshiandi tshitambe bukole; wakatemesha kahia mu Siona, kakosha bishimikidi biandi.

Yezekiyele 13:13

Nunku Yehowa udi wamba ne, Mu tshiji tshianyi tshikole nembishe tshihuhu bua kulushimbula, mu tshiji tshianyi mene nvula munene nealoke bua kulukuma, ne mu tshifika munda mabue manene neahone bua kumbutula.

Yezekiyele 19:12

Kadi bakajula muonshi au ne tshifikʼa munda, bakawela hanshi ha buloba; luhehele lua ku esete luakafubisha mamuma au; matamba au makole akufubidila, ne kahia kakawosha.

Yezekiyele 24:21

Ambila ba mu tshisamba tshia Bena Isalele ne, Mukelenge Yehowa udi wamba ne, Monai, nenyange muaba wanyi wa tshijila, muaba udi butumbi bua bukole buenu, udi usankisha mesu enu, udi mitshima yenu manga; ne bana benu ba balume ne bana benu ba bakashi banuakashiya ku nyima kuenu nebashihibue ku muele wa nvita.

Yezekiyele 30:18

Ku Tehafenehese dituku nedikale mîdima hanatshibula mitshi ya bikokedi idi ba mu Ejipitu bakokesha nʼai bakuabo, hashika bukole buabo budi buvuisha dihetu mu mitshimi yabo, ditutu nedibabuikile, bana bakashi ba mu Ejipitu nebabuele mu buhika.

Yowele 2:2

Ndituku dia mîdima ne dia mufitu, ndituku dia matutu ne dia mîdima mikole. Bu mudi kabundubundu ka lunkelu katshila ha mutu ha mikuna, bantu aba banene ne bakole badi nunku. Kakuena kuanji kuikala bakuabo bu bobo diambedi; kakuena kuikala bakuabo bu bobo ku nyima kuabo, tô ne ku bidimu bia mulongo ne mulongo.

Matayi 11:23

Ne wewe Kapênuma, nebakubandishe mu diulu, anyi? Neuhueke biebe mu Muaba wa Bafue; bualu bua bu malu a kukema akenjibua munkatshi muebe, menjibue mu Sodoma, wakadi kushala tô ne katataka.

Luke 10:15

Ne wewe Kapênuma, nebakubandishe mu diulu, anyi? Nebakuhuekeshe mu Muaba wa Bafue.

Luke 10:18

Yeye wakabambila ne, Nakadi nmona Satana mukuluke mu diulu muhone bu muele wa nvula.

1 Samuele 4:21

Wakidika muana dina ne, Ikaboda, wamba ne, Butumbi buakumuka kudi Bena Isalele; bualu bua bakanyenga mushete wa Nzambi ne bualu bua tatuʼandi-muenu ne bua bayandi kabidi.

1 Samuele 4:22

Wakamba ne, Butumbi bua Bena Isalele buakabumuka: bualu bua mushete wa Nzambi udi munyengibue.