Muadi 1:2 - Mukanda wa Nzambi Dihungila Dikulukulu ne Dihungila Dihia-dihia 2003

² Yeye udi udila bikole bufuku, muikale ne binsonshi ku matama andi; kena ne muntu wa kumusamba munkatshi mua bonso bakadi bamunanga; balunda bandi bonso bakumutungila tshitungu; bakulua bena lukuna bandi.

MUKANDA WA MYIDI MUKULU

² Yerushalayime udi udila utshisha butuku bujima, upuekesha binsonji pa matama. Ku bonsu bavua bamunanga, kamuena nansha umue utshidi umusamba. Balunda bende bonsu mbamubenge, bashale baluishi bende.

Muadi 1:2 ပူးပေါင်းရင်းမြစ်များ

Yobe 6:15

Bana betu bakundinga bu musulu wa mai udi uhasalala, udi ûma ku nyima, bu nshila wa misulu ya mai idi ikama.

Yobe 7:3

nunku badi bampesha ngondo idi anu ne malu a hatuhu, badi bakunguila mafuku adi ne ntatu.

Misambu 126:5

Badi bamiamina maminu ne binsonshi ku mesu nebahuole bia kudia ne mbila ya disanka.

Misambu 31:11

Nakulua muntu wa kubishabo tshihendu kudi badi nʼanyi lukuna, nakutamba kulua tshihendu kudi bena mutumba nʼanyi, ne bu tshintu tshia kubakuatshisha buowa kudi bilongo bianyi. Badi batangila ha bule ha nsubu badi banyema.

Misambu 6:6

Kutua kuanyi kua mikemu kudi kuntonda; butuku buonso ndi mpumuna binsonshi bu mai mu bulalu buanyi, ne mu kudila kuanyi ndi mbolesha bulalu buanyi.

Misambu 69:21

Bakumpa bintu bia nyongangandu mu bia kudia bianyi; bua kutalasha nyota yanyi bakannuisha nyinyo wakadi ne buanji.

Nsumuinu 19:7

Bana babo ne muhele bonso badi nʼandi lukuna; mona mudi balunda bandi batamba bana babo kumuka kudiye! Udi ubasengelela ne mei andi, kadi bakumana kuya.

Yirmeya 13:17

Kadi binuahidia kunyua dî diandi, mutshima wanyi neudile mu musokoko bualu bua dihetu dienu; binsonshi bia bungi bia ku mesu kuanyi nebihueke hanshi, bualu bua bakukuata tshisumbu tshia mikoko ya Yehowa mu buhika.

Yirmeya 2:25

Kandika makasa ebe bua kaendi kâyi ne bisabata, kandika muminu webe bua kawikadi ne nyota; kadi wewe wakuamba ne, Bualu ebu budi hatuhu; nansha, ndi musue nzambi ya bantu ba bende, nenye kudiyi.

Yirmeya 3:1

Yehowa udi wamba ne, Badi bamba ne, Biumusha mulume mukashi wandi, ne biumukeye kudiye bua kulua mukashi wa munga mulume, yeye neahingane kudi mukashi au tshiakabidi, anyi? Buloba abu kabuena mua kutamba kunyanguka, anyi? Kadi wewe wakulua bu mukashi wa masandi kudi bakunangi bebe ba bungi; anji kuhingana kundi kabidi.

Yirmeya 30:14

Bakunangi bebe bonso bakukuhua muoyo, kabena bakukeba kabidi; bualu bua nakukutaha mputa bu wa muena lukuna, nakukukengesha ne dikengesha dia muena lukuna udi kayi ne luse, bualu bua mibi yebe yakadi ya bungi, ne malu mabi ebe akuvulangana.

Yirmeya 4:30

Ne wewe, udibo banyange, newenze tshinyi? Nansha biwadiluatshisha ne bilulu bikunzubile, biwadilengesha ne bilenga bia or, biwalaba tukula ku mesu ebe, udi udilengesha hatuhu, bakunangi bebe badi bakuhetula, badi bakeba muoyo webe.

Yirmeya 9:1

Nakadi kusua bua mutu wanyi wikale bu mai, ne mesu anyi ikale bu mushimi wa binsonshi, bua meme ndile munya ne bufuku bua bantu bakashihabo ba muana mukashi wa bana betu!

Muadi 1:19

Nakubikila banangi banyi, kadi bakundinga; bakuidi banyi ne bakulu banyi bakuhuola muoyo mu musoko, hakadibo bakeba bia kudia bua kukankamisha nʼabi mioyo yabo.

Muadi 1:21

Bakunvua mundi ntua mikemu, kakuyi munsambi; bonso badi nʼanyi lukuna bakunvua lumu lua dikenga dianyi; badi basanka bualu bua wewe wakungenzela nunku. Uvuishe dituku diwakuamba bua bobo bikale bu mundi emu.

Muadi 1:9

Bukoya buandi buakadi ku bilulu biandi; kakela meji a kunfudilu kuandi; nunku wakuhueka bikole, kena ne musambi. Wewe Yehowa, mona dikenga dianyi; bualu bua muena lukuna wakuntshimuna!

Muadi 2:11

Mesu anyi adi mûle tente ne binsonshi, mutshima wanyi udi unyingalala; mutshima wanyi wakuhandika, bualu bua kubutuka kua muana mukashi wa bana betu, bualu bua bana batekete ne bana batshidi bamua mabele badi bahungila mu misesu ya musoko.

Yezekiyele 16:37

bua malu â nensangishe balunda bebe bonso bawakadisankisha nʼabo, bonso bawakananga mene ne bonso bawakadi nʼabo lukuna hohamue; nenkunguishe bantu aba ba ku nseke yonso bua kukutshintshimikabo, nemmueneshe butaka buebe kudibo bua bobo babumone hatoke.

Osheya 2:7

Yeye nealonde bamunangi, kadi kena ubaheta; yeye neabakebe, kadi kena ubamona. Hashishe, neambe biandi ne, Nempingane kudi bayanyi wa ku mpala, bualu bua tshikadilu tshiakadi nʼatshi diambedi tshiakahita tshindi nʼatshi mpindiu buimpe.

Mika 7:5

Kueyemenyi muena mutumba nʼebe, kueyemenyi mulunda webe munangibue; kubuludi mukana muebe kudi mukashi webe, udi weyemena mu tshiadi tshiebe.

Didimanyisha 17:13

Bobo badi ne meshi amue, ne badi bahesha bukole buabo ne bukokeshi buabo kudi nyama wa luonji.

Didimanyisha 17:16

Ne nsengu dikumi iwakatangila, ne nyama wa luonji, nebikale ne mukashi wa masandi lukuna, nebimuvuishe bu tshintu tshia hatuhu ne butaka, nebidie munyinyi wandi, nebimushidishe ne kahia.