Misambu 99:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Tumbishai bienu Yehowa Nzambi wetu, numutendelele ku mpala kua mukuna wandi wa tshijila; bualu bua Yehowa Nzambi wetu udi wa tshijila.

MUKANDA WA MYIDI MUKULU

⁹ Tumbishayi Maweja-Nangila, numukukuile pa mukuna wende wa tshijila, bualu Maweja-Nangila Mvidi Mukulu wetu, Eyowa, udi wa tshijila.

Misambu 99:9 ပူးပေါင်းရင်းမြစ်များ

Misambu 132:7

Tubuele mu muaba mudiye muikale, tumutendelele ku ditanda dia muinshi mua makasa andi.

Misambu 2:6

Meme hanyi nakujadika Mukelenge wanyi ha mutu ha Siona, mukuna wanyi wa tshijila.

Misambu 99:3

Batumbishe biabo dina diebe dinene didi dikuatshisha bantu buowa. Yeye udi wa tshijila!

Misambu 99:5

Tumbishai bienu Yehowa Nzambi wetu; numukukuile ku ditanda diandi dia muinshi mua makasa. Yeye udi wa tshijila!

Yeshaya 5:16

Kadi Yehowa wa misumba udi mutumbishibue ku kulumbulula kuakane. Nzambi wa Tshijila udi udimuenesha bu Wa Tshijila ku buakane buandi.

Yeshaya 57:15

Bualu bua Wa mu Diulu ne udi Mubandishibue mulu udi mushikame mujadikibue mu nkuasa wandi wa butumbi tshiendelele, udi dina diandi ne, Wa Tshijila, udi wamba ne, Ndi mushikame mu muaba udi mulu ne udi wa tshijila, ndi mushikame kabidi ne muntu udi ne mutshima munyingalale ne mudihuekeshe, bua kusangasha nyuma wa udi mudihuekeshe ne bua kusangasha mutshima wa muntu udi unyingalala bua bubi.

Yeshaya 6:3

Bakananukila kuelangana mei, bambilangana ne, Wa Tshijila, Wa Tshijila, Wa Tshijila udi Yehowa wa misumba; buloba buonso budi bûle tente ne butumbi buandi.

Abakuke 1:12

Yehowa Nzambi wanyi, wewe kuena wanyi Wa Tshijila kale tô ne mpindiu, anyi? Katuena tufua! Wewe Yehowa, wakumusungula bua kulumbuluisheye bantu; wewe Dibue, wakumujadika bua kukengesheye bantu.

Luke 1:49

Bualu bua udi ne bukole wakungenzela malu manene; Dina diandi ndia tshijila.

Didimanyisha 3:7

Fundila muanjelo wa ekelesia wa ku Filadelefia ne, Udi wa tshijila, udi wa bulelela, udi ne luvungula lua Davidi, udi unzulula ne kakuena udi winshila, udi winshila ne kakuena udi unzulula, udi wamba malu â ne,

Didimanyisha 4:8

Ne bifukibue binai bidi ne muoyo, ku tshintu ne ku tshintu, bidi ne mahuahua asambombo, bidi biûle tente ne mesu mabinyunguluka bam bidi ne munda; kabiena ne dikisha munya ne butuku, biamba ne, Wa Tshijila, Wa Tshijila, Wa Tshijila udi Mukelenge Nzambi wa Bukole Buonso, wakadiku ne udiku ne udi ulua.

1 Samuele 2:2

Kakuena muntu udi muakane bu Yehowa, bualu bua kakuena mukuabo udi ku mpala kuebe: kakuena dibue dikuabo didi bu Nzambi wetu.