Misambu 97:7 - Mukanda wa Nzambi Dihungila Dikulukulu ne Dihungila Dihia-dihia 2003

⁷ Bonso badi bakuatshila mpingu misonga mudimu bafuishibue bundu ku mesu, badi baditumbisha bua mpingu. Kukuilai bienu Yehowa, nuenu nzambi ya hatuhu.

MUKANDA WA MYIDI MUKULU

⁷ Bundu bukuate bonsu badi batendelela mvidie, ne badi badianyisha bua mvidie ya tshianana. Mvidie yonsu idi itumbisha Maweja-Nangila.

Misambu 97:7 ပူးပေါင်းရင်းမြစ်များ

2 Kulondolola 3:13

Mahuahua a bakeluba akololodibua tô coudeês makumi abidi; bakeluba bakadi bimana ne makasa abo; mpala yabo yakatangilangana.

Ekesode 20:4

Kudisongedi luhingu anyi tshifuanyikishi tshia tshintu tshia mu diulu anyi tshia tshintu tshia hanshi ha buloba anyi tshia tshintu tshia mu mai adi muinshi mua buloba.

Ekesode 25:20

Bakeluba nebolole mahuahua abo kulu, nebabuikile tshibuikilu tshia mushete ne mahuahua abo, bobo batangilangana mpala, mpala yabo neyikale mitangile ha tshibuikilu tshia mushete.

Yeshaya 41:29

Monai, buonso buabo badi ba hatuhu; midimu yabo idi ya tshianana, ne mpingu yakutulabo idi luhehele ne bintu bibuelakane.

Yeshaya 42:17

Nebakudimune bantu aba mu nshila, nebatambe kubafuisha bundu, badi beyemena mpingu yakutulabo, badi bambila mpingu yakutulabo ne, Nudi nzambi yetu.

Yeshaya 42:7

bua kutabasha mesu a bafofo, bua kuhatula bena lukanu mu tshina tshia lukanu, ne bua kumusha badi bashikame mu midima mu nsubu wa lukanu.

Yeshaya 45:16

Benji ba mpingu badi bafuishibue bundu ne badi babuandakana, buonso buabo diatshimue, badi babuela mukubuelakana hohamue.

Yirmeya 10:14

Muntu yonso wakuandamuka bu muhote udi kayi ne meji; mutudi wa or yonso wakufuishibua bundu ku mpingu yakusongeye; bualu bua mpingu yakufulabo idi ya mashimi, kakuena muhuya munda muai.

Yirmeya 2:26

Bu mudi muibi Ukuatshika bundu hamukuatabo, ba mu Bena Isalele nebakuatshike bundu nunku; bobo bine, bakelenge babo, baminyampala babo, bakuidi babo ne baprofete babo;

Lewitiki 26:1

Kanusongi mpingu, kanujadiki luhingu lua tshiamu tshiakafulabo, anyi dikunshi anyi dibue diakasongabo mu buloba buenu bua kubmamina, bualu bua meme ndi Yehowa, Nzambi wenu.

Dielulula 27:15

Muntu yonso udi usonga luhingu anyi udi wenza luhingu ne tshiamu tshiakatulabo kudi muntu udi ne lungenyi lule, udi kujadika mu musokoko, ntshintu tshibi ku mesu kua Yehowa, udi ne mulau. Bantu bonso nebakudimune dî ne, Amen.

Dielulula 5:8

Kudisongidi luhingu anyi tshifuanyikishi tshia tshintu tshia mu diulu anyi tshia tshintu tshia hanshi ha buloba anyi tshia tshintu tshia mu mai adi muinshi mua buloba:

Ebrewu 1:6

Ne kabidi, hakalueye ne muanʼa bute ha buloba, yeye udi wamba ne, Banjelo bonso ba Nzambi bamutendelele.

1 Petro 1:12

Buakabuluibua kudibo, ne kabakadikuatshila, bobo bine, malu â mudimu, kudi bakanakuatshilau nuenu mudimu, malu mene akanumanyishabo katataka kudi bantu bakanuambila lumu luimpe mu Nyuma Muimpe wakanutuminabo mufume mu diulu; malu adi banjelo basue kutangilatangila.

1 Samuele 5:3

Hakatshiabu bakabika Bena Ashedodo, monai, Dagona wakadi mudishinde mutue mpala hanshi ku mpala kua mushete wa Yehowa. Bakakuata Dagona, baka-mushikika mu muaba wandi kabidi.