Misambu 81:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Nuele mpungi habala ngondo, ne halua ngondo tshibalu, mu dituku dietu dia bidia bia disanka.

MUKANDA WA MYIDI MUKULU

³ Imbayi musambu, nuimbe ne ngoma, ne lunkombe ludi ne muadi muakane ne lunzenze.

Misambu 81:3 ပူးပေါင်းရင်းမြစ်များ

2 Bakalenga 4:23

Yeye wakamuebesha ne, Udi musue kuya kudiye lelu bua tshinyi? Edi kandituku dia lumingu ne ngondo kena muanze kubala. Mukashi wakamuambila ne, Bualu nebuikale buakane.

1 Kulondolola 15:16

Davidi wakambila wakadi ku mutu kua Bena Lewi bua kusunguleye bimbi ba misambu munkatshi mua bana babo ne bintu bia kuimba nʼabi misambu, nzenze ne bisanji ne biamu bia kukumakasha, bua kuimbabo misambu ne dî dinene dia disanka.

1 Kulondolola 15:19

Nunku bakasungula bimbi ba misambu, Hemana ne Asafa ne Etana bua kuimbabo bikole ne biamu bia mitaku bia kukumakasha;

1 Kulondolola 15:24

Shebanya ne Yoshafata ne Netanele ne Amasai ne Zekâya ne Benaya ne Eliezê bakuidi bakela mpungi ku mpala kua mushete wa Nzambi; Obeda-edome ne Yehiya bakadi balami ba bibi bia nsubu wakadi mushete.

1 Kulondolola 16:42

Hemana ne Yedutuna bakadi nʼabo ne mpungi ne biamu bia kukumakasha bua kulombolabo misambu ne bua kuimbabo nʼabi misambu ya Nzambi; bana balume ba Yedutuna bakadi ku bibi.

1 Kulondolola 16:6

Benaya ne Yahaziele bakuidi bakela mpungi misangu yonso ku mpala kua mushete wa tshihungidi tshia mei a Yehowa.

1 Kulondolola 25:1

Bualu bukuabo kabidi, Davidi ne tupitene tua masalayi bakasungula bana balume bakuabo ba Asafa ne ba Hemana ne ba Yedutuna, bua kuimbabo misambu ne nzenze ne bisanji ne biamu bia kukumakasha; bungi buabo bakenza mudimu eu mu milongo yabo buakadi nunku:

2 Kulondolola 13:12

Tangilai, Nzambi udi nʼetu ku mutu kuetu, ne bakuidi bandi badi ne mpungi ya kuela bua kunudimusha. Nuenu Bena Isalele, kanuluanganyi ne Yehowa, Nzambi wa bankambua benu; bualu bua kanuena mua kumuhita bukole.

2 Kulondolola 13:14

Hakatangila Bena Yuda ku nyima, monai, bakadi baluangana ku nyima kuabo ne ku mpala kuabo kabidi; bakadila kudi Yehowa, ne bakuidi bakela mpungi.

2 Kulondolola 2:4

Tangila, meme ndi ngamba kuibakila dina dia Yehowa Nzambi wanyi nsubu wa kumujidila ne bua kuoshelamu musenga wa manananshi, ne bua kutekamu bidia bia kulesha, ne bua kuoshelamu milambu dinda ne dilolo ne ku dituku dia lumingu ne habala ngondo ne hadiabo bidia bia disanka ku mpala kua Yehowa Nzambi wetu. Eu udi mukenji mujalame wa Bena Isalele tshiendelele.

2 Kulondolola 5:12

ne Bena Lewi kabidi bakadi bimbi ba misambu, buonso buabo mene, Asafa ne Hemana ne Yedutuna, ne bana babo balela ne bana babo balume baluate bilulu bia lin muimpe, bakadi ne biamu bia kukumakasha ne nzenze ne bisanji, bakimana ku luseke lua tshioshelu tshia ku esete, ne bakuidi lukama ne makumi abidi bakadi nʼabo bela mpungi);

2 Kulondolola 8:13

buatshia-buatshia bu muakadi mikenji ya Mose, ku matuku a lumingu, ne hakabala ngondo, ne hakadiabo bidia bia disanka misangu isatu ku tshidimu ku tshidimu, hakadiabo bidia bidi kabiyi ne luevene, ne bidia bia disanka dia mbingu, ne bidia bia disanka dia bitandatanda.

Misambu 149:3

Batumbishe dina diandi ne maja a disanka, Bamuimbile misambu ya kumutumbisha nʼai ku tshiona tshia mazele ne lunkombe!

Misambu 33:2

Nusakidile Yehowa ne tshisanji, numuimbile misambu ya kumutumbisha nʼai ne lunzenze ludi ne nshinga dikumi.

Misambu 98:6

Nuele mbila ya disanka ku mpala kua Mukelenge, Yehowa mene, diatshimue ne kuela kua mpungi ne ku tshiona tshia dî dia lusengu.

Muadi 2:6

Wakusasula tshitendelelu tshiandi ku bukole, tshitandatanda tshia mu budimi; wakubutula tshisangishilu tshiandi. Yehowa wakuenzesha bantu tshihua muoyo bua masangisha abo masungula bua kudia bidia ne bua dituku dia Lumingu, mu Siona; bua tshiji tshiandi tshikole wakuhetula mukelenge ne muakuidi.

Nahume 1:15

Monai, ha mikuna hadi makasa a messager udi ulua ne lumu luimpe, udi wela lubila lua ditalala! Uvuluka masanka ebe a bia kudia, Yuda, Shilesha mitshihu yebe; bualu bua mundi mubi au kena uhitshila munkatshi muenu kabidi, yeye wakubutudibua kabutu.

Dibadika 15:3

ne hanuafila mulambu wa kuosha ha kahia kudi Yehowa bua kushikisha kuditshiha, anyi mulambu udi mitshima yenu misue kufila, anyi mu matuku anudi nudia bidia bia disanka, bualu bua kumusha dihembu kudi Yehowa, nansha mulambu wa ngombe nansha wa mikoko,

Dibadika 28:11

Mu bibangidilu bia ngondo yenu nenufile mulambu wa kuosha ha kahia kudi Yehowa bana balume ba ngombe babidi ne tshimpanga tshimue ne bana balume ba mikoko muanda mutekete ba tshidimu tshimue badi kabayi ne tshilema,

Dielulula 16:15

Nenudie bidia ebi ku mesu kua Yehowa, Nzambi wenu, tô matuku muanda mutekete, mu muaba udi Yehowa Usungula; bualu bua Yehowa, Nzambi wenu, neanuvudishile disanka ne bintu bienu bionso biakakumbana, ne mudimu wonso unuakenza ne bianza bienu: nenuikale ne disanka dingi.

Kolose 2:16

Nunku muntu kanulumbuluishi bualu bua bia kudia, anyi bua bia kunua, anyi bua dituku dia disanka dia bidia, anyi bua dituku diabala ngondo, anyi bua dituku dia Lumingu lua Bayuda;