Misambu 8:3 - Mukanda wa Nzambi Dihungila Dikulukulu ne Dihungila Dihia-dihia 2003

³ Handi ntangila diulu diebe, didi mudimu wa bianza biebe, ne ngondo ne mitoto biwakufuka;

MUKANDA WA MYIDI MUKULU

³ Miaku ya bana, nansha bana batekete menemene, idi imanyika baluishi bebe. Idi bu nkila uudi muele bua kupuwisha bena lukuna bebe.

Misambu 8:3 ပူးပေါင်းရင်းမြစ်များ

Genese 1:1

Kale ku tshibangidilu Nzambi wakafuka diulu ne buloba.

Yobe 22:12

Nzambi kena mulu mu diulu, anyi? Tangila mitoto idi mitambe kuikala mulu mule!

Yobe 25:3

Misumba ya bena nvita bandi idi mua kubadibua, anyi? Munya wandi kawena utemena bonso, anyi?

Yobe 25:5

Ngondo mene mene kena ne dinkenka, mitoto kayena mulengele ku mesu kuandi.

Yobe 36:24

Uvuluke bua wewe kutumbisha mudimu wandi udi bantu batumbisha mu misambu yabo.

Misambu 104:19

Wakufika biandi ngondo bua kutahulula ngandi bidimu; diba didi dimanye tshikondo tshia kubueladi.

Misambu 111:2

Midimu ya Yehowa idi minene, idi mikononona kudi bonso badi basanka bualu buai.

Misambu 148:3

Numutumbishe, nuenu diba ne ngondo; numutumbishe, nuenu mitoto yonso idi itema!

Misambu 19:1

Diulu didi diamba butumbi bua Nzambi; bia mu diulu bibaluluke bidi bimuenesha midimu ya bianza biandi.

Misambu 33:6

Ku dî dia Yehowa bintu bia mu diulu bia kufukibua, tshisumbu tshiabi tshionso tshiakafukibua ku muhuya wa mukana muandi.

Misambu 89:11

Diulu ndiebe, buloba mbuebe kabidi; wewe muine wakasa buloba ne bintu bionso bidimu.

Ekesode 31:18

Hakashikisha Yehowa kusomba ne Mose ha mukuna wa Sinai, yeye wakamuha mabue abidi akadi ne mikenji mifundahu ne munu wa Nzambi.

Ekesode 8:19

Bena bilengulengu bakambila Palo ne, Bualu ebu budi bu munu wa Yehowa, kadi mutshima wa Palô wakakoleshibua, yeye kakabunvuila, bu muakamba Yehowa.

Luke 11:20

Kadi bingikala ngumusha bademon ne munu wa Nzambi, bukelenge bua Nzambi buakumana kulua kunudi.

Rome 1:20

Bua malu andi akadi kâi mua kumueneka katshia buloba buafukibua, bukole buandi bua tshiendelele mene ne bunzambi buandi, adi amueneka bimpe, bualu bua adi ajinguluka ku bintu biakafukibua; nunku kabena ne tshia kudibingisha nʼatshi.

Dielulula 4:19

bua hanuabandisha mesu enu mulu, ne hanuatangila diba ne ngondo ne mitoto ne bintu bionso bia mu diulu, kanubitendeledi, kanubienzedi mudimu; ebu mbualu buakaha Yehowa, Nzambi wenu, bantu bonso bakuabo badi muinshi mua diulu.