Misambu 79:9 - Mukanda wa Nzambi Dihungila Dikulukulu ne Dihungila Dihia-dihia 2003

⁹ Wewe Nzambi wa luhandu luetu, utukuatshishe bua butumbi bua dina diebe! Utuhandishe, Utubuikidile malu mabi etu, bua bualu bua dina diebe!

MUKANDA WA MYIDI MUKULU

⁹ Mvidi Mukulu musungidi wetu, luaku utuambuluishe, bualu lumu luebe mbalunyange, utupandishe, utufuile luse, bualu butumbi buebe ke budibu bapepeja.

Misambu 79:9 ပူးပေါင်းရင်းမြစ်များ

2 Kulondolola 14:11

Asa wakadila kudi Yehowa Nzambi wandi, wakamba ne, Yehowa, kakuena mukuabo bu wewe udi mua kukuatshisha badi ne bukole ne badi kabayi ne bukole; utukuatshishe, Yehowa Nzambi wetu; bualu bua tuetu tudi tukueyemena, tuakuluila mu dina diebe bua kuluangana ne tshisumbu etshi tshinene. Yehowa, wewe udi Nzambi wetu; kuitabushi bua bantu bakuhite bukole.

Misambu 115:1

Kututumbishi tuetu, Yehowa, kututumbishi tuetu, kadi utumbishe dina diebe, bualu bua luse luebe lujalame ne bua udi mua kueyemenyibua.

Misambu 25:11

Bualu bua dina diebe, Yehowa, umbuikidile bubi buanyi, bualu bua budi bunene.

Misambu 31:3

Bualu bua wewe udi dibue dianyi ne ngumbu yanyi ya nvita; nunku, bualu bua dina diebe wikale mulombodi wanyi, undombele mu nshila.

Misambu 65:3

Malu a dihambuka dianyi adi antamba bukole; wewe udi umbuikidila matomboka etu.

Yeshaya 43:25

Meme, meme mene, ndi yeye udi ukubuikidila mihi yebe bua bualu buanyi bume, tshiena nvuluka malu mabi ebe kabidi.

Yeshaya 48:9

Bua dina dianyi ndi mpumbisha tshiji tshianyi, bua butumbi buanyi ndi nkukandilatshi, bua meme tshikûmushi ha buloba.

Yirmeya 14:21

Kutulenguludi, bualu bua dina diebe; kufuishi nkuasa webe wa butumbi bundu; uvuluke, kushihi tshihungidi tshiwakahunga nʼetu nansha.

Yirmeya 14:7

Bulelela, mihi yetu idi ituhisha, kadi wewe Yehowa, utukuatshishe bualu bua dina diebe; tuakualukila ku mibi misangu ya bungi, tuakukuenzela bibi.

Yezekiyele 20:14

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu bakadi bantangila banakahatula Bena Isalele mu Ejipitu.

Yezekiyele 20:44

Mukelenge Yehowa udi wamba ne, Tshiena nnuenzela bu mudi malu mabi enu, anyi bu mudi bienzedi bienu binyanguke, nuenu ba mu tshisamba tshia Bena Isalele, kadi nenumanye ne, Ndi Yehowa, hananuenzela malu bua dina dianyi.

Yezekiyele 20:9

Kadi nakabenzela malu â bualu bua dina dianyi, bua kadihendibu ku mesu kua ba mu bisamba bia bantu, kuakadibo bashikama, bantu mene bakadi bantangila hanakadimuenesha kudi Bena Isalele mu dituku dinakabahatula mu Ejipitu.

Danyele 9:19

Mukelenge, unvue biebe; Mukelenge, unjimishile mibi yetu; Mukelenge, utunvuile, wenze bualu ebu; kujanguluki bua muanda webe, Nzambi wanyi, bualu bua musoko webe ne bantu bebe bidi bidikibua dina diebe.

Danyele 9:9

Kudi Mukelenge Nzambi wetu kudi luse ne kujimisha kua mibi yetu, bualu bua tuakumutombokela.

Malaki 2:2

Yehowa wa misumba udi wamba ne, Binuikala kanuyi baunvuile, ne binuikala kanuyi bauteka mu mitshima yenu, bua kunemeka dina dianyi, nennutumine mulau, nenkudimune masanka enu alue milau; eyo, nakumana kuavuisha milau, bualu bua kanuena nuteka dî dianyi mu mitshima yenu.

Efeze 1:6

ku dianyisha dia butumbi bua ngasa wandi wakatuheye hatuhu mu Muana wandi Munanga.

Yoshua 7:9

Bualu bua Bena Kanâna ne bena buloba bonso nebulue lumu elu, nebatunyunguluke, nebajimishe dina dietu ha buloba; ne wewe newenze tshinyi bua dina diebe dinene?