Misambu 79:10 - Mukanda wa Nzambi Dihungila Dikulukulu ne Dihungila Dihia-dihia 2003

¹⁰ Bua tshinyi ba mu bisamba bia bantu badi batukonka ne, Nzambi wenu udi kudi kunyi? Disombuela dia mashi a bantu bebe akumatshishabo hanshi dimanyishibue ku mesu kuetu munkatshi mua ba mu bisamba bia bantu.

MUKANDA WA MYIDI MUKULU

¹⁰ Bantu benyi badi batukonka ne: “Mvidi Mukulu wabu udi wenza tshinyi?” Kadi bamanye ne: tudi basue kumona muudi usombuela, bua lufu lua bena mudimu bebe.

Misambu 79:10 ပူးပေါင်းရင်းမြစ်များ

Misambu 115:2

Munyi mudibo bakonka kudi bisamba bia bantu ne, Ahu, Nzambi wabo udi hanyi?

Misambu 42:10

Bu mudibo batshibula mifuba yanyi, bena lukuna banyi badi bampenda, hatshidibo bankonka dinda tô ne ku dilolo ne, Nzambi webe udi hanyi?

Misambu 42:11

Mutshima wanyi, wewe udi muitshikile bua tshinyi? Udi ulubakana munda muanyi bua tshinyi? Wikale ne ditekemena diebe mu Nzambi; bualu bua nemmutumbishe kabidi bualu bua yeye udi luhandu luanyi ne Nzambi wanyi.

Misambu 42:3

Binsonshi bianyi biakulua bia kudia bianyi munya ne butuku, hatshidi bantu bankonka dinda tô ne ku dilolo ne, Nzambi webe udi hanyi?

Misambu 42:4

Ndi nvuluka malu â handi mpumuna muoyo munda muanyi: bu munakaya ne tshisumbu tshia bantu, bu munakabalombola benda mu mulongo bua kuyabo ku nsuhu wa Nzambi, bela biabo mbila ya disanka ne bimba misambu ya kumutumbisha nʼai. Bakadi tshisumbu tshinene tshia bantu bavuluka biabo dituku dia tshijila.

Misambu 58:11

Nunku bakua bantu nebambe ne, Bulelela, difutu didiku bua muntu muakane; bulelela, Nzambi udiku udi ulumbulula bilumbu ha buloba.

Misambu 9:16

Yehowa wakudimanyisha kudi bantu, wakukosa bilumbu biabo; bantu babi badi bakuatshibua mu mateyi akenzabo ne bianza biabo.

Misambu 94:1

Wewe Yehowa, Nzambi wa disombuela, wewe, Nzambi wa disombuela, utemene biebe!

Ekesode 6:7

Nennuangate bu bantu banyi ne meme nengikale Nzambi wenu, nuenu nenumanye ne, Meme udi Yehowa, Nzambi wenu, udi unuhatula muinshi mua majitu a Bena Ejipitu.

Ekesode 7:5

Bena Ejipitu nebamanye ne meme ndi Yehowa, hangolola tshianza tshianyi ha Ejipitu ne hanahatula Bena Isalele munkatshi muabo.

Yeshaya 64:1

Nakadi kusua bua wewe ubande diulu, uhueke hanshi ha buloba bua mikuna ikanke ku mpala kuebe,

Yirmeya 51:24

Yehowa udi wamba ne, Nenfute Babulona ne bonso ba mu buloba bua Bena Kasada difutu ku mesu kuenu, bua malu mabi abo onso akuenzabo mu Siona.

Yirmeya 51:35

Ba mu Siona bambe biabo ne, Dikenga diakutukengeshabo nʼadi dikale hamʼbidi ha Babulona! Bena Yelushalema bambe biabo ne, Mashi etu ikale hamʼbidi ha ba mu buloba bua Bena Kasada.

Muadi 1:22

Mibi yabo yonso imueneke ku mesu kuebe, ubenzele bobo bu muwakungenzela meme bua ditomboka dianyi dionso; bua mikemu yanyi idi mivule, mutshima wanyi wakuhanga.

Yezekiyele 36:23

Mukelenge Yehowa udi wamba ne, Nenjidile dina dianyi dinene diakanyangabo munkatshi mua bisamba bia bantu, dinuakanyanga bienu mene munkatshi muabo; ne ba mu bisamba abi nebamanye ne, Meme ndi Yehowa, hanadimuenesha bu Wa Tshijila ku mpala kuabo ku bienzedi bindi nnuenzela.

Yowele 2:17

Bakuidi, bakuatshi ba mudimu wa Yehowa, badidile muadi hankatshi ha mbalanda wa ntempelo ne tshioshelu; bambe biabo ne, Sungila bantu bebe, Yehowa, kufidi buhianyi buebe kudi bahendianganyi bua babahende, bua ba munkatshi mua bisamba bia bantu babaseke. Munyi muambilanganabo munkatshi mua bantu ne, Nzambi wabo udi nʼanyi?

Mika 7:10

Hashishe, umena lukuna wanyi neamone muanda eu, bundu nebumukuate, yeye wakadi unkonka ne, Yehowa, Nzambi webe, udi kudi kunyi? Mesu anyi neamumone bimpe, ne tshituha tshilu nebamudiate munda mua makasa bu bitahikidi bia mu misesu.

Rome 12:19

Kanudisombuedi, bana betu banangibue, kadi nushile tshishi tshia Nzambi muaba; bualu bua bakafunda ne, Busombuedi mbuanyi, meme nenfute; mudi muamba Mukelenge.

Dielulula 32:43

Nuenu ba bisamba bionso, sankai ne bantu bandi, bualu bua yeye nealombe mashi a bantu bandi, neasombuele badi nʼandi lukuna, udi umusha dihila dia buloba ne dia bantu bandi.

Didimanyisha 18:20

Nusanke bua bualu buau, wewe diulu, ne nuenu basanto, ne nuenu bapostolo, ne nuenu baprofete; bualu bua Nzambi wakamulumbuluisha ne dilumbuluisha dienu.